بالشهر السادســ و.. دخلووووا

[بنت ذآك الأمير!]

شلونكم بنات شخباركم..
انا بالشهر السادس ومن الشهر الخامس رفيجاتي يقولونلي اخذي حبوب كالسيوم وحديد..
قلت لدكتوري قال ماله داعي بس اكتفي بهذا الدوا اللي اهو فيتامينات مع فوليك اسد..
قتله دكتور انا نهائي ما اشرب حليب قال لازم تشربين قمت اشرب حليب بالموز بالاسبوع مره
قلت لرفيجاتي كلهم صاحوا علي غيري الدكتور ومو زين لج..!!
متى مفروض اكل حبوب الكالسيوم والحديد باي شهر!!؟؟؟
:eh_s(2):

 

[بنت ذآك الأمير!]

آب..

 

[Zaina-al-zaina]

غريبه دكتورج ماعطى اهميه للموضوع !!!!

انا دكتورتي قالت لي لما كنت حامل بنتي ، اكلي حبوب

الحديد والكالسيوم اخر ثلاث شهور السابع والثامن والتاسع وحرصتني عليهم !!!

لانها تقول الياهل بهالشهور ياخذ دم وايد من امه فيقل المخزون عندها .

ويضطرون يعطونها دم وقت الولاده اما الكالسيوم عشان مايقل مخزونه عندج وتعورج عظامج وماتتعبين بعد الولاده !!!

انا ماادري ليش مانبهج ع الحديد والكالسيوم ، يمكن يقولج عنهم لي وصلتي السابع !!!

عالعموم استشيري دكتور ثاني وشوفي بس استشاره اذا انتي مرتاحه مع الاول وشوفي شنو يقول !!!

 

[بنت ذآك الأمير!]

ايووه عليج نور اهو قالي بالسابع رآح اعطيج..
والثامن والتاسع..
بس رفيجاتي يقولون من الخامس!!

 

[@رنوده@]

لا من الخامس

لان اخر شهر توقفين الكالسيوم وتبقين بس بالفيتامينات

دكتورتج ماعندها سالفه لازم كالسيوم هالفتره عظامج ماتحمل

 

[تبطي عظم!]

من الخامس تاخذين كالسيوم لان مرحلة تكون عظام الجنين

وبهالفتره يمتص منج الكالسيوم كله ويأثر على اسنانج وعظامج

اما بالسابع والثامن والتاسع حبوب الحديد ماتوقفينهم هذا الي انا سويته اللهم حبوب الحديد موقفتهم لوووول

 

[بنت ذآك الأمير!]

من صجكم ما عطاني كالسيوم والله..
عطاني بس prenatal formula

 

[ناني سيكرتس]

انا خذيت الكالسيوم مع فيتامين دي + حبوب بريغنا بلان من الشهر الرابع, دكتوري محرص علي اخذهم لان باخر اشهور عالثامن والتاسع توقفين الكالسيوم , الكاليسوم يزيد من حجم الياهل ويصير صعب بنولد لانه كبير , وبعدين ما تحتاجين كالسيوم بالتاسع ..

 

[travel_addicted]

أنا من الشهر الرابع عطتني كالسيوم
و حديد ليما الحين ما قالتلي بس ما صار موعدي مال الشهر السابع يمكن هالمرة تقولي

 

[ريـــ205ـــم]

انا دكتورتي عطتني بس prenatal formula ​

 

[اجمل الذكريات]

انا اخذهم تقريبا من نص الرابع
واخذ حديد وفيتامينات
شلون ماعطاج
انصحج غيري دكتورج

 

[المسكـ]

انا لان عظامي كلها تعورني صرفوهم الحكومه لي من الثالث وليلحين
طبعا اخذ نوعين كالسيوم لاحظي نوعين لان وايد اتالم واخذ فيتامين د
واخذ حديد وفوليك اسيد ( فيفول)
واخذ اميغا 3 زيت السمك
لوول صاير بطني صيدليه من الادويه
وطبعا لازم اخذ الكالسيوم الصبح والحديد بلليل لانهم يتضاربون ما يعطون مفعول اذا خذيناهم يميع

 

[مواصله]

ضروري تحللين عشان تشوفين اذا تحتاجين وكم الجرعه

انا الدكتوره قالتلي احتاج كالسيوم لانه ناقص وانا ماشرب حليب

اما الحديد قالت موضروري لانه زين عندي


والفوليك اسد مهم ليما بعد الولاده

 

[ضحاوي الديره]

انا اخذ الكالسيوم مع فيتامين دال من الرابع مع البرقنا بلان والفوليك اسيد
شلون ماوصفهم لج !!!
استشيري دكتور ثاني اذا قالج نفس الكلام خلج ع دكتورج

 

[نورالدنيا***]

والله اذا سويتي تحاليل وكل شي اوكي ماله داعي الفيتامينات دام تغذين عدل وماتعانين من دوخه او شي خلاص تري الفيتامينات اصنعوها للعرب الاجانب مايخذون ويبون البيبي هالكبر وبصحه ماشالله

الفيتامينات تزيد الوزن وتفتح الشهيه وتزيد حجم البيبي شلج فيهم اذا كل شي اوكي والدم زين ماتحتاجين بعد الولاده اخذيهم عشان الدم اللي تفقدينه ماياثر علي صحتج

 

[Daisy flower]

نصيحه التزمي بالكالسيوم لااتهدينه .. انا بديت اخذه من الشهر الرابع مع برقنا بلان .

 

[إم بــــرٍآك]

انا كتبت لي الدكتوره من بدايه السادس حبوب pregnazon فيه حديد وفيتآمينآت وحتى فوليك أسيد وفيه فوايد وايد
بس سألي الدكتوره عنه والمفروض تاكلين حبوب الكآلسيوم لانج مآتشربين حليب

 

[yasmeen_q8]

انا مره قطعت الحبوب ويوم رحت لدكتورني زفتني زفه محترمه !!
وانا ما تكلمت كلش ولا قلت ما اخذهم اهي عرفت من لون ويهي
قالتلي ويهج اصفر وتحت عينج اسود انتي شنو ما تاخذين الحبوب قتلها امبلى بس خلصوا من يومين
زفتني زففففف
قالتلي انا ما اعطيج شي الا اللي يفيدج وانا ما ادور فلوس ولا ناقصه فلووس انا ماني ماديه وما اكتبلج اي شي تاخذينه وخلاص
الكالسوم والبرجنابلان لو وقفتيهم تضرين نفسج ما تضريني ....
وووو .......
عقب حرمت اي ما اخذ حبوووب

 

[بنت ذآك الأمير!]

يعطيكم العااافيه بنآآآآآآآآآآآآآآآآآآآآآآآآآآآآآآآآآآآآآآآآآآآآآت الله يوووفقكم ما قصرتوا,,
بروح لدكتور ثاني واوريه الحبوب,,
واشوف شنو يقول..

 

[@ام يوسف@]

نصيحه لا تقطعون الكالسيوم انا بولدي ماكنت آخذ كالسيوم وولدي صار فيه تشنجات من نقص الكالسيوم ووحطوه بالعنايه وعلى التنفس الصناعي واللحين الحمدلله تمام واللحين طالبه مني الدكتوره تحليل لنسبه الكالسيوم واتشوف اذا احتاج حبتين باليوم