بالعيد الوطني شنو برنامجكم

[جاردينيا_2000]

ماراح اسافر ولا راح اروح البر ولا الشاليه ؟؟
عيل وين راح اروح بالعطله وين اودي اليهال اونسهم بالعيد
شنو امسوين من مهراجانات او فعاليات للعيد الوطني
اشكركم

 

[ديناا كوليكشن]

لكل حادث حديث

عسى الله يديم علينا نعمته اذا على عيالنا مايشبعون من الطلعات

 

[غرشة عسل]

اهليييييين يالغاليه ابي اسالك بالضبط كم التريخ العيد الوطني عشان انا بالسعوديه
ودي لاجي للكوويت ومشكوره

 

[أحب كويت2]

اي والله حبايب متى تاريخ العيد الوطني

 

[eman12]

حبايبي العيد الوطنى ب 25 فبراير وعيد التحرير 26 فبراير

 

[jod.q8]

بالبيت او مطعم او مجمع ,

اما بنروح مسيره .. ماكو

 

[eman12]

الموضوع حلو ليش ماااخذ تفاعل
عندى اقتراحات
يوم ريوق في ايكيا وتسوق فيه او ترفاليو او اي توزد او سنتر بوينت
يوم الاكواريوم
يوم حولي بارك او السالميه ططفل المستقبل او حديقه الشعب او الترفيهيه او ديسكفري
يوم مسرحيه
يوم سينما باحد المجمعات مع وجبه غدا او عشا
يوم يصير فيه جرد للبيت ونعرف النواقص ولازم يكون اما الخميس او الجمعه يعنى بدايه العطله
واليوم اللي قبل الدواما نسبح العيال ونراجع ونحضر الكتب وننومهم مبجر وكل عطله وانتوا بخير

 

[% مرت زوجها %]

بنات في مسرحيات بعطلة العيد الوطني

 

[مرموره]

السلام عليكم في بعد فكره حلوه احنا سويناها العام وبنسويها السنه ان شاء الله نتجمع انا وخواتي وعيالنا و ناجر باص ونتمشى فيه بالكويت وننزل بكل مكان احنا نبيه ونرجع له .. جربوها

 

[{}{}{ سكرة }{}{}]

هههههههههههههههههه خووش فكرة الباص

بس انا اغلب اهلي مسافرين وحريم اخواني برحون المزارع والشاليهات



بناااااااااااات بعد قولوا افكاركم

 

[أحب كويت2]

والله فكرة الباص توننننننننننننننس
ودي اسويها انا وخالاتي وعيالهم

 

[عيال الكويت]

مسيرات وبس

 

[عيال الكويت]

اندخل كراتين الفومات بالسيارة ونزينها بالاعلام ونركب اليهال ونفر من مكان لي مكان ونرجع البيت ومن باجر نفس المشوار
طبعا كل هذا يبدي اب تاريخ 23 فبراير

 

[DốǾốDї]

اففف احنا كنا بنروح المخيم بس هونو بسبب الجوو

مادري وين بنروح ضقه خلق

 

[ديرتي الغاليه]

حتى انا ضايق خلقي مو علشاني علشان عيالي اللي يبي يسافر واللي بالمزارع واليي...........حتى ابو العيال بيسافر قولولي شسوي معقوله العطله كلها بيتي ناويه من الليله بطلعهم قبل لايسافر ابونا لانه رافض السواق او التكاسي الله يهديه

 

[Om_7asoOon]

صج شنو عندكم افكار انا زوجي مسافر وعيالي صغار ابي مكان مافي زحمه و يستانسون لان بالعيد الوطني كل الشوارع زحمه

 

[عيش و مرق]

انتو بس شفتو الجووووووووو استغفر الله يضيق الخلق
غميضه على العطله

 

[um_yoyo]

يوم الخميس بروح بيت امي الله يحفظها نسوي باربيكيو
الجمعه بنروح نادي ضباط الشرطه يسوون حفله حلوه حق اليهال و الوضع يونس و مافي زحمه
السبت بنروح بارني شو ( حدي متشوقه )

اما بالنسبه لليوم ما اظن بطلع اليهال بهالجو شكلي بخليها روحه جمعيه و سينما بالليل انا و ريلي

 

[فديت روؤحي]

الموضوووع حدددهـ يشوؤق

شوؤر المسيرره احنـآ بنـأجر ليموزين وبنغووص بشارع الخلييج لوول

 

[جماااانة]

ان شاء الله راح نسوي احتفاال بالمخييم مسابقاات وهداياا ...

بس ان شااء الله الجوو يصيير حلوو وموو غباار

وبس ان شاء الله بنزل الصور بالمنتدى