بالفيديو: الإنفلات الأمني يتواصل شاب من البدون يتعرض للطعن داخل محطة بنزين بالصليبية

[ياحُبِي لِلكويت]

<H1 class=news_****>بالفيديو: الإنفلات الأمني يتواصل</H1>
شاب من البدون يتعرض للطعن داخل محطة بنزين بالصليبية

24/12/2012 الآن- المحرر الأمني 12:24:23 AM

​

سيارة المجني عليه وآثار الدماء - تويتر​

وسط ذهول المارة والمتواجدين، تعرض شاب من البدون لعدة طعنات بجسده بواسطة 4 مجهولين لاذوا بالفرار بعد القيام بالجريمة مساء امس الأحد.
وأبلغ مصدر أمني

ان شاب من البدون وصل لمستشفى الجهراء وجسده مضرجا بالدماء وذلك بعد نقله أثر إصابته لعدة طعنات بواسطة سكين بحوزة ؛ مجهولين في محطة بانزين أمام منطقة الصليبية على الدائري السادس السريع، وجاري البحث عن الجناة.
وفيما يلى مقطع للمشاجرة تم تداوله بالتويتر:

 

[ياحُبِي لِلكويت]

انفلات بالتربيه

 

[الدفا 1986]

لا حولولا قوة الا بالله ............ ياربي هذول شنو ؟؟؟ ليش ما كل واحد تنكشف جنسيته الاصلية وخلي يردون بلادهم ... شنو الدنيا فوضى ... احس الصليبية بؤرة المشاكل و الجراثيم اليوم هذي الحادثة من يومين حادثة جابر الله يرحمه قبل قبل من عشر سنين جريمة الطفلة امينة اذا تذكرونها .... و بعدين ؟ وين التربية ؟

 

[الدفا 1986]

وين الوازع الديني الاخلاقي و ين التربية و الله شي ينرفززززززززززز

 

[خالتي قموش]

هذا اخر الزمان
كثر الهرج والمرج
اللهم احسن خاتمتنا

 

[Pinky -cat]

لا حول ولا قوة الا بالله ، الله يعافية ويشافيه يارب وانشالة الله يحرس الكويت ويهدي هالناس من هالاثام اللي يسوونها

 

[عمري الكويت]

شي الي يحر في الحادثتين الناس المتفرجين والمصورين ليش ماقاموا في واجب فككوهم عن بعض ليش يتفرجون عليهم لهذي درجه وصلنا نتفرج بس ما ندخل في موضوع شطار نمسك تلفون ونصور بدال لا افك هذا عن هذا انا براي لو احد مدخل ماصار الي صار

 

[Q8-Lady]

صح ليش الناس انعدمت فيهم الانسانيه والنخوه والرجوله بدال ما يفاككونهم او يساعدونه اقل شي بلغوا منشغلين يصورون ما كأنه اللي جداهم ادمي
استغفر الله العظيم

 

[الصعيريه]

لاحول ولاقوة الا بالله

اخبار تضيق الخلق كثرر القتل
يالله حسن الخاتمه

 

[غصون ق]

السلام عليكم يعطيج العافيه اختي على الموضوع وهذي اهو ب الستشفه وهذا الفيديو​

‫طعن سكاكين في الصليبيه والضحيه أنتهى بغرفة الأنعاش !!‬‎ - YouTube

 

[غصون ق]

حسبي الله ونعم الوكيل عل الي كان السباب

 

[نوف الصقعبي]

الله يستر من الله ياي

الأوضاع الأمنيه فى الكويت فى غاية الخطوره
الوضع الآمني فى الكويت
فى تدهور

نبي تطبيق القانون
نبي تطبيق القانون
عشان يكون رادع لكل من تسول له نفسه فى القتل والإغتصاب

سواء مواطن كويتي
أو
وافد
أو
بدون

نبي تطبيق القانون
نبي رادع لهم
​

 

[نوف الصقعبي]

لوكان عندنا قانون تطبيق الشريعه
مثل السعوديه

ماراح نشوف ولانسمع كل جم يوم بجريمه قتل جهارآ علنآ
يومين بين جريمة قتل الدكتور جابر بالأفينيوز
وبين التكالب والضرب بالليور والسكين بمحطة البانزين للشاب البدون

الى متى ياقانون
الى متى

آرواحنا برقابكم
دم عيالنا واللى انقتلو برقبتكم

لو ماطبقتو حكم الله سبحانه بالمجرمين

جزاء القتل القتل

نبي القصاص
نبي تنفيذ حكم الإعدام
بالقاتل

قاتل الدكتور
وقاتله العروس عايشه الفيلجاوى
وقتلة محمد غزاى المطيري
وقاتله دلال النقي
وقاتلة الطفل سالم العتيبي


نبي الإعدام

بسببكم خليتوهم يتمادون ومايخافون
لان قانونا بس بالإسم​

 

[نوف الصقعبي]

وين هيبة الداخليه ؟؟

وين هيبة القانون ؟؟


أمس المذيع على قناة العداله يقول الشرطه برا الافينيوز مايدرون إن الدكتور إنذبح إلا لما شافو الناس يركضون بفزع ورعب بالشارع منحاشين من الأفينيوز
يقول الشرطه واقفين برا الأفينيوز قاعدين يغازلون ويرقمون

شهالفوضه ؟؟؟؟؟؟؟؟؟؟

حتى هذيل يبليهم محاسبه​

 

[ام عائشه وعمر]

لو الشيخ صباح

يطبق القانون وربي ولا كلب

من كلاب الشوارع تتعدى حدودها

طبق الشرع يا ابو ناصر

القاتل يقتل ويصلب

والزاني يرجم

والسارق تنقص يده او رجله

طبق القانون \\\ياااا شيخ صباح طبق

 

[M!SS.LOBY]

الحمدالله ديرتنا ديرة خير وبركة وامان وفي عندنا قانون يطبق عالكل .
والمجرم او المتمرد راح ياخذ جزاه ويحاسب بالقانون يطبق عليه

 

[*مطبخ الذواقة*]

لا حول ولا قوة الا بالله ....

والتالي !!!!!!!!!!!!!!11


ليمتى ...


يعني حتى لو الواحد غلط في قانون ..؟؟ شنو كل واحد ياخذ حقه بذراعه ؟؟؟؟



وين قاعدين !!!!!!!!!!1


متجمعين على الولد بسيارته وكل واحد معاه سكين ويهددون الناس لا تقربون !!!!



مصدقين نفسهم " باب الحاره "!!!!!!!!!!!!!!!!!!!





الله يصلح حالهم ويهديهم غصبا عنهم ...

ويستر علينا وعلى عيالنا وعيال المسلمين ...

 

[نوف الصقعبي]

طالعو الجريده يابنات
عشان تعرفون مدى الوضع اللى وصلنا له

امس في حادثة ترمي واطلاق نار

شوفو الجرايد بس​

 

[نوف الصقعبي]

والله انى أحسد السعوديه على تطبيق القانون عندهم

والله العظيم انى احسدهم عالنعمه اللي اهما فيها​

 

[هدوء العالم]

خواتي الغاليات

مو معقوووولة نحط كل اللوم على الكويت ولا تقدر تحط في كل ركن بالكويت رجلين أمن ودورية
علشان ماتصير الجرائم
الغلط راكب الشباب المستهترين

عليكم بالحساب كم رجل أمن وكم دورية أكيد العدد مايكفي نحط في كل ركن رجل أمن عدد سكان الكويت المواطنين حول مليون ومئة ألف مواطن

هالشباب الله يهداهم للطريق الصحيح يتهاوشون لأسباب تافهة

مرة بالمخيمات عيال الكويت الشرفاء مايقدرون يحرسون مخيمات الشباب الهايتين ( نحرسهم ونقوم بالواجب لخدمتهم ) إلي من سبب لعب ورقة ولا مزحة وعياره تنقلب جريمة قتل ولا شروع بالقتل وتعاطي المخدرات
( للأسف حصلت كم مرة )
ونفس الشئ حصلت كم مرة بالوزارات بين 2 من موظفينه وباقي الموظفين يقومون بخدمة الكويت
مرة عند المطافئ ومرة للأسف نسيت لأنها من زمان وهالسنة في أحد مخافر الكويت
نقدر نحط اللوم على وزير الداخلية ليه مانصحت القاتل يتركد قبل مايقتل وليه مانصحته الحمدالله والشكر

وبالشاليهات والمزارع الخاصة ( الشاب يجتمع مع ربعه ومرات لأسف تكون مختلطة مافي ولا أبو وأم يرضون ولدهم يحرس هالمصالح والشاب يسوي الحفلات مع ربعه وتنقلب جريمة قتل
( مانقدر نحط اللوم على الوزير وعلى رجاله اللوم على أبو الشاب ليه تخلي ولدك بدون رقيب ولا حسيب يسوي هالفعائل ببتك الخاص المزرعة ولا الشاليه )
مرة بالشوارع وعند الإشارة ( للأسف حصلت كم مرة مرة ليه تسوي لي حركة وسخة ومرة ليه تحدني وطق هرنات عاد يوقفون وتصير صكة ) بس الكويت الغالية حاطة على الشوارع السريعة كم دورية ورجل أمن
لو صار لا سمح الله حادث أقرب دورية تروح للحادث ولا هوشة ولا السيارة تتعطل وتسبب الزحمة

وعن الموضوع وين صارت الهوشة عنمد محطة بانزين الحمدالله أمسكوهم
وبالعقل ماتقدر الكويت تحط عند كل محطة دورية ورجلين أمن لا بالله بنخلي كل عيالنا الموظفين المحترمين والشرفاء يحرسون الشباب المستهترين


مانقول
إلا الله يهدي شبابنا وبناتنا إلى الطريق الصحيح
ويحفظ الكويت وأميرها