عدل كلاااااامج هذا اللي كاتبينه بالوطن .. ان الوزيرة طالبت الخدمة المدنية ما تقبل كميات كبيرة من الاداريين .. لان في تكدس بالمدارس والمناطق التعليمية .. وتقول انها بتسوي تدوير للي بالمدارس وتحاول توزع الاداريين الموظفين اصلا بين المدارس وتحاول ما يكون في تكدس بوحده من المدارس
ولااا ابشرج بعد سمعت ان من الحين اذا بيقبلون بيقبلون شهادات جامعية للشؤون الطلبة .. يعني راحت على بنات الدبلوووم
وانا اختي توها بعد الف واسطه وواسطه حطوها بمدرسة بعد ما قالوا بيحطونها بالوزارة بالشويخ وبعدها بقسم الواردات بصبحان وبعدها بمنطقة التعليمية بمبارك الكبير وطبعا كلهم رفضناهم وكل مرة ندخل واسطه اقوى من الثانيه .. وليمااااااا حطوها بمدرسة .
وبخصوص المناطق .. الاحمدي ومبارك الكبير ما تستقبل خلاص فيها اكتفااء .. وبنات التجمع انقطوا بحولي والجهرا !! .. واللي راحوا مبارك الكبير راحوا بواسطه .. والله يستر بعد اذا للحين يقبلون والا لا بعد
وشوفي تجمع بنات التربية هني اللي قعدت 4 شهور .. والا 6 شهور ولا بالاخير يقطونها بالوزارة قسم التوجيه .. والا بالوارات مدري شسمه اللي بصبحان !! الوضع جدا صعب
وهذا الخبر من الوطن
«التربية» تطلب خفض مرشحي الوظائف الإدارية فيها
كتب محمد الهاجري: علمت «الوطن» من مصادر في وزارة التربية ان الوزارة خاطبت ديوان الخدمة المدنية بشأن تقليل أعداد المرشحين للعمل كاداريين فيها من خريجي المعاهد والجامعة. وقالت المصادر ان الوزارة رصدت ارتفاعا غير مبرر في أعداد العاملين فيها بوظائف أمين مخزن والسكرتارية ومسجلات شؤون الطلبة وذلك بنسبة %200 تقريبا في وقت لاحظت فيه تزايد طلبات النقل من المناطق التعليمية الى المدارس التي بلغ عدد الاداريات في مدارس اللبنات بلغ 7 اداريات فيما الاصل الا يتجاوز العدد موظفتين. يأتي ذلك فيما بينت المصادر ان التربية طلبت من ديوان الخدمة المدنية مجموعة من الدرجات الوظيفية في وقت سابق لغير الكويتيين، لعدم استيفاء التخصصات المطلوبة، الى جانب هجرة الكويتيين من أصحاب التخصصات النادرة الى مؤسسات حكومية أخرى.
وبالنهايه اذا معاج واسطتج .. بتتعينيين بالمدرسة اللي ورا بيتكم بعد .. لان الواسطه فوق القااااااااااانووووووووووووووووووووووووووووووون
والله كريــــم ان شاء الله
