ببجي من البرد .. والله ماابالغ

[طنيخه]

السلام عليكم




بنات انا بردانه حدددددددددي تعبت موووووووت



دايما شتا عندي ..

والله الكل عبالهم اتغشمر او ابالغ ..بس انا جد تعبت حيييل


صيف شتا لابسه شتوي


كابات صوف ..دلاقات ..سماعات اذن << اشياء ماتفارقني


دفاية مستحيل اطلعها من غرفتي



انا قلت يمكن انا حساسه شفيها يعني لي استبردت خل ابرد واقعد نفس باجي الناس بموت ؟


والله ماكملت جم دقيقة الا حاشتني لوووووووعة وعلى طول وانتوا بكرامة رجعت

جسمي كللللللش مايتحمل البرد


اذني تلتهب علي معدتي تقلب ..اعراض البرد كلها تييني لو ماتدفيت



مفاصلي تعورني مووووووت


فحصت االغدة..وفحصت السكري وفحصت الدم والعضلات وكل شي فحصت



متتتتت ..مادري شالحل ..الحين انا بجهز حق عرسي مو قادره اجهز والله يحسبوني اتغشمر اقولهم شجهز اذا بلبس اللي تقولون عنه معناته ماتحرك من جدام الدفايه

مستحيل اتفصخ مااااااااااااااقدر


بنات اكلمكم ..ولابسه دلاقين وصارلي اسبوعين انام بدون تكييف واحيانا ابطل الدفاية




اخذت فيتامين سي ثاني يوم اول مرة من سنيييييين احس بدفا ..بس اهي ساعه وحده وصارلي الحين اسبوع ومارجعلي احساس الدفا @@

والدكاتره يقولون مافيني شي

للعلم اطرافي ماتزورق بالبرد بس تصوفر سوا صيف او شتا


مادري شسوي وربي خلاص مليت

ادعولي ..وشوفولي حل

 

[الريشة الذهبية]

رد : ببجي من البرد .. والله ماابالغ

الله يشافيج ويعينج اشربي زنجبيل و دارسين يدفيج​

 

[نبض السعاده]

رد : ببجي من البرد .. والله ماابالغ

الله يشافيج

 

[متجولة *]

اقري الرقيه الشرعيه وسورة البقره وكثري الاستغفار وادعي ربج حبيبتي انه يشافيج
يمكن معيونه اشربي ماي مقريء

او دمج بارد او حراره داخليه

 

[shaikhat elbnat]

الله يشافيج يارب ما عندي حل

 

[قطوة@@]

رد : ببجي من البرد .. والله ماابالغ

الله يشافيج حبيبتي

 

[زمان النور]

راسليني

 

[Miss Cherry]

الله يشافيج اكيد فيج شي افحصي لا تخلين نفسج

 

[طنيخه]

ياربي مادري ..مرات عادي اتحمل ويكون احساسي حلو خصوصا بعز الصيف يعني ماكو خل يهفني البرد شوي من التكييف

يكفيني هالبرد ل3 ساعات جدام في الهوا اللاهوب عادي ! جسمي يخزن بروووووووده بشكل خيالي

مو معناه ما احس بالحر لا احس بس بسررررررعه اتخلص من احساس الحر ..

بس اتعب حيل لما اكون مريضة او لما يبرد الجو صج او تقل الحرارة ..

ادور اي احد يدفيني ادور الفراش ادور النوم ..الدفاية اعز شي املكه .. والله امي تقول لي حضنيها بعد لميها ..

ههههههههه شكثررررر دلاقاتي وانتو بكرامة يحترقون ..جان الطوفه تحس ريلي حست !

الحين صارلي اسبوع اصابعي تعورنننني من البرد .. والبروده حاليا اكلمكم .. مسببتلي التهاب باذوني .. ومعدتي قاعده تقلب

والله طول اليوم بجي دمووووووع موقادره اتدفا راسي يعورني .. ومحد يبيني ابطل الدفاية يقولون مينونه مو لهالدرجه عاد جذي تمرضين زياده


الغريب ان البروده الله العالم داخليه لان مرات يمسكوني دافية بس انا احس اني ثلج !

 

[دخون ازرق]

رد : ببجي من البرد .. والله ماابالغ

الله يشافيج أبتعدي عن الشياء الباردة --وشربي شاي أخضر راح يفيدج

 

[Turquoiseya]

تدرين انا للحين اعاني من هالحالة عقب حمالي ببنتي
والله قبل مافيني شيء بس عقب حمالي الثاني والى يومج هذا وانا ارجف من البرد

سنترال بيتي مايتعدى 24 ولو بيدي صكيته بعز الصيف بس عيالي ماتوا حر
انام وعلي بطانيتين 000 تخيلي ما اغشمر بطانية مو ديباج

مادري شالحل 00 كله ارجف برد

 

[طنيخه]

مشكووووورين بنات ماقصرتوا ..بس ياليت احد يعرف السبب الدكاتره اللي يضحك واللي عباله ابالغ واللي ياخذني على قد عقلي


شكيت انا بالام اس لان مايبين بالتحاليل .. بس مادري ليلحين ..

تركوازيه انا نفسسسسسسج بالضبط الديباج مايمر علي كمبلي بوطبقتين واجفسه والله واذا كلش ميته حر ابطل التكييف ربع ساعه نص ساعه واسكرها لييييييييي الصبح


بس انتي فحصي الغده الدرقية والسكري ترا يسببون البروده ...والله يشافينا وياج

 

[‏ڝڋٸ ٵڸڪٿہـآڻ]

صراحة ماادري بس بعض الأحيان يجيني برد وهم يقولون لي عشان انتي نحيفة .....
وبعضهم يقولو فقر دم بس انا حللت الحمدلله وماطلع فقر دم ... الله يرزقك الشفاء والعافية

 

[ثريا83]

أنا نفس حالتج بس عقب ماطلعت من الاربعين جاتني الحاله وعالجت عند المعالج منصور العنزي حطلي لبخها 3 ايام ورا بعض كل يوم لبخه مدتها 6 ساعات وارتحت والله وخفت علي البروده بس باقي اللوعه وقالي يمكن فيج برودة الامعاء وعطاني رقم وحده اسمها أم نواف وسوي بحث في قوقل عن المعالج وبتلقين كل شي عنه وادعيلي

 

[✿q8.ℓa∂ч✿]

رد : ببجي من البرد .. والله ماابالغ

بعد عمري الله يشافيج انشاءالله​

 

[فرس اصيله]

فيه وحده اعرفها قريبه من حالتك كثير بس سوت اشياء كثيره وماشاء الله الله يبارك لها تحسنت كثير فماتدري وش فادها لانهاا استخدمت اشياء باقولها لك ومازالت مستمره حتى ماتنتكس الحاله
صارت تركز على الاكل اللي يعالج فقر الدم لان فيه ناس قالوا لها يمكن بسببه وتكثر اكل التمر اقل شي 7 تمرات باليوم
تاكل فيتامينات من ماركه زيت كبد الحوت الماركه بس العلبه عباره عن فيتامينات متعدده يحتاجها الجسم ولون غطاها ولزقتها اللي عليها الكتابه احمر معروفه عند الصيدلي لو سالتيه
شرب الزنجبيل حيل يدفي سبحان الله + لما تسوين شوربه كثري فلفل اسود واشربيها وهي دافيه حتى لو بالجسم براد متخزن يطلع بس اهم شي لاتتعرضين للمكيف او هواء بارد وانتي شاربتها
تاكل عسل مقري عليه ايات رقيه + تقرا ايات الرقيه على علبه مويه عندها وطول اليوم تشرب منها وكل مانقصت تزيدها
اشترت طين البحر الميت وهو غني بالمعادن ومكتوب انه يعالج المفاصل والروماتيزم وصارت تستعمله كل يومين تدهنه على بشرتها كامله مثل ماهو مكتوبه طريقته على العلبه الا رقبتها ووجهها واستمرت مده وماشاء الله كثير تحسنت
وبعد اشترت ملح البحر الميت وصارت تستخدمه بشكل متقطع مو مثل الطين
وزي ماتشوفين اشياء كثيره بس اللي يبي العافيه يسوي اي شي ولاتنسين الدعاء بالشفاء والله يشفيك وكل المسلمين يارب