ببلش مشروعي بالحلو بس ابي ارائكم حبايبي

[om MaRyooM]

السلاام شلونكم بنات



انا الحمدلله وايد يقولولي اني شاطرة بالحلو احم احم من وانا صغيرة

وخصوصا الجيز كيك تخصصي

وكلهم قاعدين يقولولي دامج تعرفين ووايد يطلبونه منج ليش ماتبدين بهالشي

فقاعدة افكر جديا ابدي بشكل اوسع ويكون الشغل اذرب واكشخ

.. انتو شرايكم بشنو ابدي وشلون اسوق حق نفسي ؟ ؟


يليت تفيدوني حبايبي واللي عندها افكار تقووول
ولكم مني احلى كيكــة

 

[بخـــارى]

الله يوفقج ام مريوم
استخيري ربج اول شي
واذا ارتحتي توكلي عليه
وانا اول زباينج باذن الله

لازم يكون عندج خدمة توصيل
والمنتدى اكبر دعايه
ومااوصيج خلي اسعارج مناسبه

 

[جذابه بنت ذيابه]

الله يوفقج يالغاليه ..

تصدقين حتى انا بالحلو والصواني ودايم افكري اعرض بالمنتدى بس ما احب التزم يعني يوميا هههههه ..



الله يوفقج وييسر امرج .. ابدي اول شي باللي تحبينه وسهل عليج .. واعرضي بالمنتدى وبالوسيط وبين اهلج ورفيجاتج
والوتس اب اكبر تجمع دزي لكل اللي عندج .. و عسى ربي يزفقج وان شاء الله اني من زباينج

بس اهم شي
1 التصدق بنية الرزق
2 التوكل على الله والالتزام برايج وهوايتج
3 اسعارج مناسبه ..


والله يوفقج ان شاء الله

 

[أم ركووووووو]

الله يوفقج يااااااااارب ويوفق الجميع

 

[rahaf]

الله يوفقج انشاء الله ويوفق الجميع

 

[ام الدرر]

الله يوفقج ام مريوما
ويوسع رزقج ​

 

[بلووونه]

توكلي على الله وحبيبتي أكيد اول زباينج راح يكونون أهلج ورفيجاتج وشوي شوي ان شاء الله لما تتوسعينً و تنشهرين ويكون عندك زباينج واهم شيء يكون سعرة مناسب وموفقة حبيبتي

 

[برق الديحاني]

موفقه والله يكتب لج الخير ..

 

[<<لمار>>]

موفقه بلشي بين اهلج وقرايبج وشوفي رايهم عذا لقيتي اقبال توسعي والله يوفقج

 

[@ام يوسف@]

بالتوفيق يارب

 

[الباسمه]

ام مريوم قووووو هيد
على قولة الامريكان
ااهم شي الاعلان حطي بالمنتديات والفيس بوك وتويتر وهمن الواتس اب
واهم شي التوصيل حتى لو بالبدايه تتعاملين مع سايق
والاهم التوقيت اذا الناس طلبت حلو يفضلون يجي بالوقت المحدد
اهتمي بالشكل الكرتون او طريقه التغليف او الصينيه روحي مطابع القلم اتوقع بالشويخ وشوفي الافكار وفيه بعد مطابع ثانيه
ارد واذكرج اهم شي الدعايه القويه
بالتوفيق يالغاليه

 

[glow 'n' show]

الله يوفقج حبيبتي

قبل لا تبدين سجلي الاشياء اللي تحتاجينها
و من رايي لازم يكون في خدمة توصيل و اهتمي بشكل التغليف و البوكس
و الدعايه في وايد ( تويتر , مسجات , انستغرام )
و حاولي اتواصلين مع زباينج و تبلغينهم بجديدج

عسى الله يفتحها بويهج

 

[بيرلا ستور]

حياتي ام مريوم ليش لا ربي يوفقج لكل اللي ببالج
انا اي شي اعرفه اسويه
توكلي على الله وربي يوفقج

 

[فدوووو]

بالتوفيق ياعسل

ومثل ماقالوا البنات ابدي بشوي شوي

 

[البرنسيسه77]

صراحه انا اشجع المواهب والمشاريع الصغيره وامانه اذا اهلج موافقين وما عندهم مانع بسرعه بلشي بمشروعج وعسي الله يوفقج لان بنظري العائق الوحيد امام المواهب موافقة الاهل فاذا اخذتي الموافقه خلاص اللي بعده تساهيل استمري واهم شي الاسعار والتوصيل والباقي مع الشغل راح يبين موفقه

 

[سفيرة العشق]

حبيبتي الله يوفقج
شوفي اهم شي تتفرغين لهالعمل من ناحية دق المواعيد اسعارج مناسبة وشغلج مرتب ونظيف نفسيتج اللوة مع الزباين والدقه في التوصيل والدعايه المشوقه
عندج تويتر انستجرام والمنتدى وحطي ع الطلبات كرتج
وممكن عقب تسةين عروض للطلبات الكبيره اول شي تميزي نوع او نوعين وعقب شكلي بالنكهات

وممكن تروحين الشويخ هناك عالم ثاني الصراحة من علب وكراتين حتى الادوات كيك وبسكوت بالجمله بس اهم شي تختارين نوعية جيدة وزينه ,,,
وربي يوفقج بالبزنس اليديد

 

[om MaRyooM]

بعد عمري
صج صج صج ونستوني بردووودكم الحلوة
عسى الله يوفقكم ويهنيكم

مشكورين

 

[مسك وطيب]

نفس ماقالوا البنات كفو ووفوا

والله يوفقج يارب

 

[لبنه بالزعتر]

موفقه ام مريوووم

 

[بخـــارى]

موفقه حبيبتي