بتسافرون مع ريايلكم بعيد الاضحى؟

[LOVE CHANEL]

السلام عليكم ياكويتيات
مثل مانتو عارفين ان اجازة عيد الاضحى طويله 10 تيام وعيد الاضحى ماله طعم نفس عيد الفطر استغفرالله والناس الي بالحج والي الي في احد منكم بسافر ووين؟ لان اليوم كاتبين بالجريده ان الناس قاعده تحجز من الحين وبيروت وشرم الشيخ والقاهره فل؟
انا قاعده اقنع ريلي نسافر لندن حق السوق بس يبيلها ميزاااانيه واذا ماصارت تركيا او دبي او اقل مافيها البحرين بس نغير
وانتو؟؟؟؟؟؟؟؟؟؟

 

[! GaLaXy !]

والله انا عن نفسي للحين مافكرت

للحيني محتاسه وناقله هم الدوااام

بس والله خوووش فكره

اي نسيت انا احتمام احج هالسنه والله يتمم على خيييييييييييير


كل الشكر لج

 

[دلوعة*ريلي]

والله انا ما اعتقد ولا يمكن اسافر بالاعياد لان ريلي يحب يعيد عند اهله ومايحب يسافر بالعيد
احتمال اخلي سفرتي بعطلة 15 ان شاء الله

 

[أبله كويتيه]

رد : بتسافرون مع ريايلكم بعيد الاضحى؟

والله باجر اكلم ريلي بالموضوع واردلج خبر

على اساس اتفقنا بعطلة 15 تايلند وماليزيا انشااءلله .. بس الاضحى مادري والله

اذا ماصارت سفره يا شاليه ولا فندق

ولندن حلوووه هالحرووه انصحج فيها الحين اغلب العرب ردوا تلاقينها فضت شووي

 

[noo7a]

انا ريلي ما يحب يسافر بالاعياد

 

[روحي تحبه غصب]

ما في اي شي
بس الحبيب سفراتنا كلها بدون ترتيب يعني قررنا نسافر يالله حجزنا ومشينا

ان شاءالله انا بخاطري دبي دار الحي

 

[Sweetq8]

أنا هالعيد سافرت وما اضن بروح مكان بعيد الاضحا مخليه التخطيط حق عطلة ١٥ الصين ان شا الله خااطري جد فيها كسياحه أكيد ههههه <<< بالعطله متسووقه بلندن وفرنسا وسويسرا نبي استرخا وطبيييعه صج الي *عندها اقتراح مكان حلوو استرخا اتقولنا

والله يسخرلكم رياجيلكم ان شا الله

 

[تعويذه الحب]

والله حبيبتي احنا مقررين نسافر مصر وبنروح ( الاقصر واسوان )

 

[miss-winter]

انا مفكره ان شاءالله انسافر بس مو بالعيد لا شهر 1 تونس منطقه اسمها حمامات تهبل يقولون بروح اشوفها

 

[كويتيه بنت قناص]

ما ورى وجهه سفر

 

[LOVE CHANEL]

رفع رفع

 

[ملاك الروح 1]

رد : بتسافرون مع ريايلكم بعيد الاضحى؟

انا بروح اسكوتلندا و هناك بقعد شهر

 

[ملاك الروح 1]

رد : بتسافرون مع ريايلكم بعيد الاضحى؟

انا مو معا زوجي معا اهلي

 

[LOVE CHANEL]

رد: رد : بتسافرون مع ريايلكم بعيد الاضحى؟

انا بروح اسكوتلندا و هناك بقعد شهر

واي تينن سكوتلند زوجي كان يدرس هناك ارضها ماشالله جنها مفروشه زل اخضر طبيعه روعه