بتغير عشان صحتي .. والله المستعان

[ضحكة بريئة]

مساء الخير شخباركم شمسوين ؟!!!!!
انا والله ابي احد يزفني اشوف البنات بالعروس والاجسام واشوف التلفزيونات واشوف واشوف وازعل بس ما اتعض !!!!!!!!!!!!!!!!!!!!!!!!!!!!!!!!!!!!!!!!!!!!!1

نفس حالتي بالضبط اشوف بنات كانوا امتن مني وبفرق وكنت اطالع فيهم واقول الحمدلله انا احسن من غيري
اتفاجأ الناس تغيرت وضعفت وصارت احلى وانا مكانك سر
وعلى قولتج كل ما شفت وحده اقول ما شاء الله خلاص انا اشناقصني من باجر راح ابدي رجيم حالي حال غير
وما ادري متى ايي هالباجر اللي راح ابدي فيه الرجيم

 

[<miss botamba>]

لوووول ضحكه انا كل يوم لي راي باجر ببدي ديتوكس اسبوع قبل الامتحانات بنظف جسمي

اذا تبون احط لكم النظام

 

[ضحكة بريئة]

خلاص بنات انا والله احس مليت
كل يوم اقول باجر باجر
خلاااااااااااااااااااااااااااص
باجر ان شاء الله راح ابدي وبنات تكفون زفوني وهاوشوني بس ما ابي اخربط بالرجيم
تدرون كان عندي مناسبة شهر 10 اللي طاف وكنت مستمرة برجيم ورياضة واشتركت بنادي والحمدلله بين علي والكل لاحظ
وعقبها احاول استمر مو قادره ولا غير هذا زاد وزني تقريبا 3 كيلوات

 

[ضحكة بريئة]

هذا النظام اللي راح أمشي عليه وياااااااااااااااااااااارب التزم و أضعف
ادعولي
لقيت النظام هذا في المنتدى

الاسبوع الاول:-
الافطار: كل يوم 3تمرات او تفاحة + نسكافية بالحليب او لبن خالي الدسم

الضحى : من 1-2 شريحة توست + جبن خالي الدسم او لبنه مع شاي بحليب خالي الدسم
ملاحظة: (شرب الشاي والقهوه بدون سكر او سكر رجيم)

الغداء:-
نصف دجاجه مشويه او بالفرن او علبة تونا او 2همبرجر مشوي+سلطة وربع خبزة ويكرر

المغرب: عصير برتقال او اناناس كي دي دي او 3تمرات

العشاء : 3افندي + 2تفاح اخضر+ حليب او لبن خالي الدسم

 

[<miss botamba>]

اذا مالتزمتي بيي بيتكم

 

[<miss botamba>]

باجر ان شاء الله بدش الاسبوع الثاني ونزلت كيلوو والحمدالله راضيه

وببدي ريجيم الديتوكس علشان انظف جسمي وعقب باسبوع برجع وببدي رجيم بدر نصر الله الي حطيته

رجيم الديتوكس


على الريج ماي دافي وشويه ليمون

الريوق: فاكهه ( تفاح - كيوي - برتقال - عرموط - 4 فراول) اختيار نوع واحد

الضحى: مكسرات نيه 6 حبات

مع اختيار كل يوم نوع من الاتي ولازم التنويع:

حبه فاكهه من المسموح
بيضه مسلوقه مع خس وطماط وخيار
توسته مع لبنه وخس وخيار وطماط

الغدا: لحم - دياي - سمج مشوي مع سلطة


العصر: 3 تمرات

او فاكهه حبه من المسموح

او خس


العشا:

شوربه خضار بدون ماجي

او سلطة

او بيضه مفيوحه

او 5 قطع تكا مع سلطة

 

[<miss botamba>]

المستخدم يشوف كليب شاكيرا ويتحسر على نفسه :krkrkr::krkrkr:

 

[ضحكة بريئة]

اذا مالتزمتي بيي بيتكم

خخخخخخخخخخخخخخ
خوش فكرة

 

[<miss botamba>]

دعاء الريح:

(( اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به ))

 

[فوتوغراف]

صباح الورد على احلى بطوطات بالدنيا

انا الحمد لله ماشيه عدل لان عندي هدف اضعف قبل السفر

وزنت اليوم ووزني لله الحمد 6 و98 وكنت دايم اسوي رجيم واوصل هالرقم بس 97 يمكن لي ثلاث سنين ماشفته عالميزان

ان وصلته بكون محققه شي صعب

باقي لي 21 يوم على السفر يعني 3 اسابيع وابي هالثمانيه تطير تقريبا كل اسبوع 3 كيلو بكون 90 الا جم غرام

تدرون بنات

البارح صعدت الدرج وكنت دايم ان صعدته اتعب ويصعب تنفسي امس كان غير احس اني خفيفه

مع اني 98 وزياده بس هم ابرك من الميه وفوق

 

[<miss botamba>]

^
^^
^^^

صباح الانوار

جربي رجيم الديتوكس ينضف الجسم وينزل جم كيلو

والحمدالله على النزول والصحه


وكافي انه احنا بهالتجمع نبي صحه ولياقه

go go go

:eh_s(9)::eh_s(9):

 

[ضحكة بريئة]

مساء الخير لأحلى رشيقات المستقبل
شخباركم
ريوقي : صمونه + لبنه + شاي وحليب قليل الدسم
الغداء : ربع ديايه مشويه + سلطه

فوتوغراف
الحمدلله شي حلو انه وزنج بدأ ينقص
وبدايه خير ان شاءالله
شدي حيلج وعقبال ما توصلين للستينات

 

[<miss botamba>]

اناا لحد الحين ماتريقت عالساعه 12 تقريبا شربت ماي دافي وليمون

 

[ضحكة بريئة]

صحتين على ألبك
شنو فايدته الليمون مع الماي

 

[<miss botamba>]

ينظف الجسم

 

[<miss botamba>]

قياساتي اليديده :

انا قلت بقيس كل اسبوعين بس مافيني صبر


بسم الله ماشاء الله


الرقبه: نفس القياس ماتغيرت

الزند اليمين: 14 نقصت نص انش

الزند اليسار: 13.5 نقصت نص انش

الصدر: 45 نقصت انش

تحت الصدر: 40 نقصت انش

البطن: 41 نقصت 3 انشات ونص

الخصر: 41 نقصت انش ونص

الكرش( المنطقة تحت السر مع المؤخرة):47.5 نقصت انش

المؤخرة: 45 نقصت انش

الفخذ اليمين الجزء العلوي: 26.5 نقصت نص انش

الجزء السفلي: 20 نقصت نص انش

الفخذ اليسار الجزء العلوي: 26.5 نقصت نص انش

الجزء السفلي: 19.5 نقصت نص انش

الساق اليمين واليسار: ماتغير القياس ويارب مايتغير وايد لان وااايد شكلهم ضعيف حاليا

اسفل الذراع المين واليسار: ماتغير

اعلى الذراع اليمين: 10 نقص انش

اعلى الذراع اليسار: 10.5 نقص نص انش


:ggdw::ggdw:

 

[<miss botamba>]

حاليا ريوقي

 

[وتين الحياة]

والله خنقتني العبرة يوم قريت سالفتك..:eh_s(2):
يارب ان شاء الله توصلين للوزن الي تبغين بصحة و عافيه ..انا معك ان شاء الله لحدما تبشرينا انك و صلتي و زنك المثالي..

وانا راح انظم معكم بالتجمع هذا..تشجعوني و اشجعكم..

صار لي يومين باديه و هاذا يومي الثالث...
اليومين الأولين مو مره..بس ان شاء الله اليوم راح اضبط نفسي..

 

[<miss botamba>]

^
^^
^^^

هههههههههههههه والله مادري ليش ضحكتيني

يعني اكسر الخاطر هااا اي والله اعور القلب حتى امي تقول لاختي تعور قلبي اشوفها ما تاكل وتسمن لووول

شسوي بعد

والحمد الله الحين دخلت الاسبوع الثاني وانا ماشيه تمام

وان شاء الله بعد انتي تمشين معانا صح

وجربي الرجيمات الي حطيتها كل اسبوع شي

وجربي التمرين الي حاطته مدته بس ثلث ساعه بس واايد مفيد

 

[<miss botamba>]

طبعاا بما اني بنظام الديتوكس

المفروض بعد التفاحه اكل مكسرات نيه

بس مادري حطين الغدا بالبيت قلت خل اسوي غداي واقعد معاهم نزلت اشوف سمجتي والا للحين مافج الثلج عنها عدل

قمت ورجعت لهم والا الغدا مجبوس لحم

كليت شوي لحم بالشوكه وفي كان دياي مشوي كليت شوي
وقفشه اكل فته بيديان
وسمبوسه وحده


والسمجه الحزينه الي مثلجه للحين بتعشى فيها :d