بتغير علشان صحتي (الجزء الثاني)

[<miss botamba>]

بالبداية هذا لينك الجزء الأول

http://q8yat.net/showthread.php?t=557715

الموضوع صار له سنه وللأسف ما ضعفت

ممكن صحتي صارت للأفضل بس وزني تقريبا مثل ما اهوا


اول شي قلت بسوي موضوع يديد بعدين قلت لا خل احط كل شي بالموضوع القديم بس الحين رجعت وفكرت ابدي بصفحه يديده

والي حاب يعرف تفاصيل الموضوع يرجع للموضوع القديم



المره هذي بلتزم عدل و قاعده احاول اكتب واصور كل شي اسويه علشان التزم اكثر

رجيمي بكون من الدكتور عيسى دشتي

وراح اكتفي الحين بالقدر هذا وان شاء الله الليله اكمل الموضوع


علشان اسويلكم اسلوب تشويق :eh_s(3):

 

[كويتيه احب الكشخه]

يالله الله يوفقج وانا اشجعح يا قلبي
وان شاء الله تنزلين يا قلبي

 

[ZajiL]

موفقه ان شاء الله

 

[KOKO_284I]

رد : بتغير علشان صحتي (الجزء الثاني)

لا تايسين صدقيني تقدرين توصلين للي تبينه

 

[كيكه توفي]

موفقه ان شاء الله

 

[<miss botamba>]

اشكر الي ردوا على الموضوع

كويتيه احب الكشخه

ZajiL

KOKO_284I

كيكه توفي

 

[لمسات فتاة]

الله يوفقج وينولج الي تبينه ...

 

[<miss botamba>]

تفاصيل الرجيم:

العياده: مركز ايليا للتغذيه و الصحه

الدكتور: عيسى دشتى

النظام المتبع: تخفيض السعرات الحراريه (تقريبا 1300 سعره)

تاريخ بدايه الرجيم: 18-1-2011

الوزن والطول : 92.5 \ 1.56

كتله الجسم: 38

محيط الخصر: 32.7

محيط البطن: 31.2

الزند: 12

الفخذ: 23.2



النظام الغذائي لأول اسبوع





النظام حيل سهل و يشبع ومنوع

طبعا النظام يختلف حسب حاله كل مريض

وحسب وزن المريض


يعني مثلن زميله اختي بالدوام واااايد متينه معطيها الريوق 2 ساندويش

اختي فيها قولون معطيها كل يوم لازم تاكل 3 روب او لبن علشان يهدي البطن ويزيد البكتيريا المفيده عندها

جذي ..



وحق الي حابه تطبق نظامي لازم تاخذ بالها من هالشغلات:

اهم شي اهم شي الالتزام بالوقت اذا طاف الوقت بس ممنوع تاكلين الوجبه !!

والرياضه لازم على الاقل ساعه ثلاث مرات بالاسبوع


اي ساندويش مذكور بدون ذكر نوعيه الحشوه تقدرين تاكلين وتحشين الساندويش اي شي تبينه
(تيركي - مورتديلا - روست بييف - جبن قلاصات - لبنه - جبن ابيض - حلوم - تونا - بيض)

اي شي تبين بس بدون مايونيز

والخبز المستخدم اما نص خبزه او صمون او 2 توست


وممكن فطيره فرن وحده او صاج وحده


وممكن تاكلين ساندويشات امريكانا او ساندويشات من الهندي او كافتيريا الجمعيه (فلافل - بيديان - زهره - بزاليا)




شغله ثانيه المقاييس الموجوده لازم تنقاس بالاكواب القياسيه مو تقيسون بالنظر لاااا لازم اكواب قياسيه



البقول ( نخي - فول - آش - جريش - هريس - باجيلا)


الفاكهه الممنوعه: موز - افوكادو - مانجا

الخضار الممنوعه: بطاط - جزر

المعكرونه: عادي انوع تاكلون بس بدون كريمه بدون باشاميل بدون جبن

منتجات الالبان: اما خالي الدسم او قليل الدسم وتقدرون تنوعون بين الروب و اللبن و الحليب عادي حسب رغبتكم


المكسرات: ممكن تكون نيه او محمصه او مدخنه حسب الرغبه واي نوع تفضلونه بس الافضل للجسم الجوز

السلطه ممكن استخدام اي دريسينغ معاها سواء دسم قليل او دسم كامل عادي




يتبع ..

 

[<miss botamba>]

في شغله نسيت اقولها اذا انتوا نفسي ماتقعدون مبجر او مثلن كنتوا باجازه

اهم شي تاكلون الريوق حتى لو تقومين من النوم تاكلين وتردين تنامين عاااااادي بس المهم تاكلين

وهذا الي انا قاعده اسويه


اليوم الاول:

الريوق:

نص فطيره حلوم - و ما أكلت السلطه نسيتها


الغدا:

نص صدر ديايه و نص كوب عيش (معدس) و سلطه






سناك:

نص كوب جوز و لوز

شريت ربع كيلو ووزعته حق الاسبوع كل يوم جيس




العشا:

صمون مدور مع جبن شريحتين و سلطه و كوب حليب خالي الدسم


هذا الجبن الي استخدمته










والنشاط الرياضي كان قاري وقلت ان شاء بخليه كل يوم او على الاقل اكثر من 3 مرات بالاسبوع لو ربع ساعه




يتبع ..

 

[<miss botamba>]

اليوم الثاني 19\1

الريوق:

صمون مدور فيه شريحتين مورتديلا زيتون و شريحتين جبن ونفس الشي ما اكلت سلطه بس كليت 3 شرايح خيار

وبعد ماصورت لان كليت وعلى طول الفراش


الغدا:

بيرغر بدون مايونيز + سلطه (بس ماكملتها) قامت تلوع جبدي من السلطه !!

حطيت فيه شريحتين جبن و كاتشاب و ماستارد و رالش (مخلل مقطع صغار) و باربيكيو






سناك: كليت حبتين لوز جنه وماكملت الجيس نفس المشكله مالت السلطه قمت احس بلوعه !!


العشا:

نص كوب نخي + تفاحه + خس مع صلصه سيزر و نسيت اكل الروب




الصلصه الي استخدمتها وطبعا ما ننسى الماي








بجذي خلصت تفاصيل اول يومين .. نطروني بتفاصيل باجر بأذن الله

ومشكورين كلكم

 

[<miss botamba>]

الله يوفقج وينولج الي تبينه ...

مشكوره :33_1185028183:

 

[عروس الدنيا]

رد : بتغير علشان صحتي (الجزء الثاني)

مس بتمبه ليش مافي حلو ؟؟؟ اانا مشكلتي الحلويات و شغله ثانيه جربتي تشتركين بشركات التغذيه ؟؟

 

[<miss botamba>]

لا انا ماطلبت حلو وفي عندي رجيم ماله كل يووم كاكاو
واذا بتطبقين نظامي ممكن باليوم المفتوح تاكلين سويت

وشركات التغذيه جربت كل شي بالكويت ما نفع معاي*

 

[شوقـي غ ـــريـب]

رد : بتغير علشان صحتي (الجزء الثاني)

الله يوفجج حبيبتي

ودي اسوي دايت بس ماكو اراده :eh_s(3):

 

[D.princesa]

اممممممم جنه رجيمج عجبني .. شكله ببسوي نفسججج بس خليني امشي ع رجيمي اسبوعين بالكثير شهر اذا مانفع ببلش بنظاامج .. الله يوفقج ويضعفج ويضعفنا معاج بصحه وسلامه حدده المتن زهقناااا مناااااا

 

[RicardO]

رد : بتغير علشان صحتي (الجزء الثاني)

احم احم :$$

انا وياج ان شاءالله نتساعد مع بعض ويشووق الدايت حييل وكله بلعه

بس انا بضيف عالريج زنجبيل وكمون بماي حار

وبين الاكل شاي اخضر او زعتر اهوا الي يحرق ترا

 

[RicardO]

رد : بتغير علشان صحتي (الجزء الثاني)

بس بتمبوو انا ليلحين مانمت شلون النظام الحين شنو اتريق ولا اتعشى
انا اقول على على نظام نومتي امشي الدايت يعني قبل مانام اتعشى حتى لو الصبح ,. بيأثر

 

[RicardO]

رد : بتغير علشان صحتي (الجزء الثاني)

.
.

الوزن : 70.8
الطول : 164

.
.

 

[الحراير]

مشاءالله رجيمج حلو
وموفقه يارب

 

[<miss botamba>]

شوقي غريب و برنسيسه مشكورين على المرور والتشجيع

ريكاردو

شوفي اهوا قال ماكو شي بالدنيا اسمه اكل يحرق الدهن

الدهن ينحرق بس اما بمجهود رياضي او من خلال العمليات الحيويه بالجسم

يقول لحد يقص عليكم

والاكل مايصير تغيرين الوقت

العشا حدج تسع ونص مايصير تاكلينه ريوق

والريوق نفس الشي بوقته


يقول الي يلتزم بالوقت وياكل يضعف

اما الي يطوف وجبات يضعف اقل


حاولي لو تقعدين من النوم تاكلين وترجعين تنامين