بجريه ,, خايفه ,, محتاره ,, تكفوون فيدووني

[منى العنزي]

مسساء // صبااح الخيرر كويتيات ,,,​

بدش بالموضوع على طوول,,​

بنات انا بجرية وبالشهر السابع ,, من كثر ما اقرا مواضيع عن الولاده الطبيعيه والخياط وان مرات مايكون عدل وان الغرز اتبطل خفففففففففففففت حيييييييل واحترت اولد طبيعي ولا قيصريه ,, بنات انا ابي طبيعي بس خفت حيييييييييل منه ,, بليززز ساااعدوني شسوووي؟!! والله خايفه ومحتاره مادري شسوووي ​

اي صج انا انشاءلله بولد عند دكتوره شالاتا دار الشفا شرايكم فيهاا,, وشلونها بالطبيعي والقيصري والخياط,,​

بليزز بنات فيدوني والله ماعرف شي ومالي الا الله ثم أنتوا لا تبخلون علي بنصايحكم...​

وعسى الله يوفقكم ويرزقكم ياااارب...:yaaaaaarb:​

 

[منى العنزي]

ليش يعني مششاهدات ولا وحده فكررت ترد علي,, والله ضيقتوا خلقي​

 

[شيــوخه]

حبيبتي مو انتي اتحددين الطبيعي ولا قيصريه

يعني لو تطلبين قيصريه ماعتقد الدكتوره اتوافق على القيصريه مدام تولدين طبيعي

وبعدين القيصريه محد يمدحها احسن لج ولدي طبيعي وبعدين حطي في بالللللللللللللللللللج

السهاله من الله ولا تسمعين الكلام الي ينقال بلولاده من وحده لين وحده ولادتها تختلف عن الثانيه والله يسهل عليج وعلينا ياررررررب

ومن ناحيت الدكتوره بدار الششفاء والله مادري ماعرفهااااا ان شاءالله البنات يفديونج

 

[Diva-Q8]

انا معاج نفس الشعور بس انا بأخر الشهر الثامن تصدقين احاتي الخياط اكثر من الولاده

بس بكل الاحوال الطبيعي احسن من القيصريه لانه بطنج يروح اسرع اول كنت احاتي الخياطه بس الحين سلم امري لله واللي الله كاتبه بيصير

وبعدين اللي يخترب خياطها وينفك واللي يتعقد واللي يورم حالات نادره مو كل وحده يصير فيها جذي اهم شي نهتم انا جمعت معلومات عن الخياط يقولج لازم تحطين الكريمات اللي وصفها الطبيب واهم شي لاتحطين عليه( مرره) مباشرتا عشان ماينشف ويعورج ونشفي المنطقه عدل وكلها 10 ايام ويطيح انشالله

ولو صار اي شي غلط هم بنستفيد خبره حق الولاده الثانيه انشالله عاد تفائلي خل اتفائل معاج

 

[حلا vip]

وانا اقولج بعد نفس كلام الأخت ديفا. وماله داعي ترى انتي قاعده توسوسين وادعي الله سبحانه وبإذن الله راح تتسهل امورج كلها انتي بعد الولاده اهتمي بنفسج وخلاص ولاتتمنين القيصريه كلشششش وبعدين حتى القيصريه فيها خياط ويكون اقوى من الطبيعي واخطر منه وبالنهايه كلهم سهالات بفضل الله سبحانه والله ماله داعي للخوف اهم شي لاتوسوسين وتكرهين نفسج

 

[كلاسيكال]

عسى الله يهوووون عليج ويسهل ولادتج ادعي ربج ومن ناحية الخوووف كلنا خايفين بس توكلي على ربج والحمد لله على كل حال

وبخصوووص الدكتوورة ماعرفهآ

 

[ناتشوو]

ادعي ربج ييسر عليج الولادة و النفاس
ويقدر لج الخيرة من امرج
مرات النفاس يطلع من عينج
مهما كانت نوع ولادتج

بس دكتورتج مو مشهورة اول مرة اسمع عنها
روحي حق معصومة موجودة بدار الشفا
ويمدحونها بالولادة والخياط
وترى مايندرى
مو احنا اللي نحدد نوع ولادتنا

 

[ليالى الحنين]

الله يسهل عليج وكل شى سهلات من ربج توكلى على الله ولاتحاتين والمكتوب بيصير
بنسيه للخياط اهتمى بنفسج مثل ماتقول الدكتوره بضبط وبس

 

[تبطي عظم!]

الله يسهلج عليج وعلي انا نفسج

بس كل يوم اطمن نفسي واقول سهالات ~

توكلي على رب العالمين ولا تسمعين حق احد ~*

 

[kitty eyes]

ادعي بالسهالات

ولا تفكرين بولادات غيرج

ما تدرين شنو اللي مكتوب لج

الحمد الله على كل شي

 

[غاليه_85]

الله يسهل عليج يارب ويكتبلج الخيره, انا ولاداتي اثنيناتهم قيصريه, الصراحه حيل متعبه وبعد الولاده تموتين من الالم وبطنج تاخذ وقت على ماترجع

والله اول مره اسمع عن دكتورتج

انا صراحه مراجعاتي كلها عند دكتوره عاليه بمستشفاها اليديد "مستشفى عايه الدولي"
وايد شاطره ومريحه بالتعامل
انا والله اعتبرها امي

والله يكتب اللي فيه الخير للجميع

 

[أم حمودي**MALL**]

توكلي على ربج ولا توسوسين

 

[متواضعة]

حبيبتي مافي شي يخوووف

انتي حطي في بالج شي واحد

الله سبحانه خالقج حق جذي ومهى جسمج كله حق وقت الولاده والطلاق وكل شي

والله مايسوي الا الشي الصلاح لج .... فلا تخافين ولا شي

ولا تفكرين وايد ماله داعي كل النسوان ولدو انتوا مو اول وحده بتولدين

معظم البنات يفضلون الطبيعي لانه كل شي طبيعي احسن .. ولو انه القيصري بعد مافيه شي

توكلي علي وحطي في بالج هالشي الواحد اللي قلت لج عنه انتي كلج مهيئه حق هالشي

والله يسهل عليج يارب

 

[om 7moood85]

توكلي عالله ولاتحاتين..
وعلى الدكتورة اشالاتا مولدتني بولدي تهبل وخووووش دكتورة وخياطها يهبل تجميلي معنى كان يوم اجازتها بس يتلي وتمت معاي لين خلصت كلش ماخلتني ومن باجر يتلي غرفتي تطمن علي..

 

[نـعـومـه]

اسمه طبيييبيعي

كلنا خوافات

الله يسهل بس

ودكتورتج يمدحونها