**بجريه** شلون تجهيز البيبي؟؟

[عروسة خالد]

السلام عليكم بنات

شلونكم شخباركم

بنات انا بجر مو ذاك المعرفه بتجهيز البيبي يعني الي فبالي

ملابس البيبي _ ومهادات _ وسرير .

وشنو بعد ياليت تفيدوني وياليت تحطون لي صور الاغراض

والكريمات والشغلات الي تخص البيبي

ابي كل شي يخص البيبي من الي :rerrerek:

 

[السيدة الصغيرة]

هلا حبيبتي انا جهزت مفرق كل مااطلع السوق ويعجبني شي
اشتريه من افرهولات ومهادات وبطانيه وجنطه ومميات وسرير
بس نصيحه لاتكثرين الجاهل بسرعه يكبر اكل مايمر شهر يضيقون
عليه لهدوم

 

[FJ style]

لا تنسين القبعات واغطية الايد والرجلالصدريات وكنابل وفوطاخذي من مذركير الشامبو وصابون الجسم والبودرة والليفه بس كريم الجسم اخذيه طبي من الصيدلية وحتى كريم منطقة الحفاظيبيلج مسحات كحول للسرةالنايلون اللذي تغيرين البيبي عليهحوض سباحهرضاعات وفرشة تنظيف اخذيلج ستيانات رضاعه

 

[عروسة خالد]

اب
اب
​

 

[منتهى الرقه89]

اخذي لج للبيبي الاطقم الكامله 4 هذي لفترة الليل عمليات وخفاف هذيل بالاسواق المركزيه..
وكم طقم ذرب 3 من سنتر بوينت طبعا تلاقينهم متفرقين وانتي يمعيهم
مو اكثر ..
وطقم الاستقبال خاص تلبسينه لا يوج الضيوف..
وطقم تبانات داخليه من سنتر بوينت او مذركير او نكست ايكونون 7 حبات مع بعض ..
و4 صدريات و4 قبعات لبقيهم مع الاطقم الكامله لان طقم سنتر بوينت بتلاقين الصدريه نفس البلسوت واللفه..
وطقم الاستقبال بعد معاه لفته والقبعه نفس الطقم..

الالوان الابيض والاوف وايت والازرق اذا ولد اوالوردي اذا بنت ..

اخذي كمبل واحد ثقيل شتوي من سنتر بوينت وواحد اخف ديباج ..

اخذي جنطة اغراض البيبي ومعاها كيس اذا تحبينه..
مخدة صغيرة له..

اخذي الكحول مسحات لسرة البيبي ..
اخذي اعواد اذون وقطن ..
اخذي سله صغيرة خليها يمج عشان تحطين فيها ملابس البيبي لاتدمرو عشان لاتختلط مع ملابس الكبار

اخذي تايد لونه وردي خاص للبيبيات عشان لايسبب له حساسيه مثل التايد العادي

اخذي حوض السباحه والاسفنجه الكبيرة الي تنحط تحته وطقم بيبي جونسون ايي فيه الشامبو والشاور جل والبيبي اويل والباودر والكلونيا والكلينكس مرطب..
اخذي كريم سودو كريم لمنطقة الحفاظه وسيباميد لويه البيبي
اخذي الليفه الناعمه الصغيرة
اخذي طقم ايي مقراض اضافر ومشط..
اخذي فوطه كبيرة للشاور وفوطه صغيرة للحمام عزج الله
اخذي فوط صغار ايون طقم ب600 فلس يمكن تستخدمينهم بدال الكلينكس انعم وماتحسس

اخذي غلاية رضاعات و2 رضاعات رقمين قزاز ورضاعه رقمين بلاستيك خليها خاصه للاعشاب
اخذي مطارة للماي الحار
اخذي الفرشه اللي تنطف الرضاعات

طبعا هذيل تقريبا الاغرلض بيكفونج لفترة الاربعين ان شالله . بس اي شي غير اللبس بيستمر معاج لي بعد الاربعين ان شالله

 

[عروسة خالد]

وبعد اخاف انسى شي​

 

[al7anona]

انا توني والده
بكتب اللي اذكره

6مهادات اشتري الوان ابيض بيج ملون نوعي
6كبابيس نوعي بالالوان بعد
6 فنايل داخليه0-3
6-8بجايم الكامل المقاس من0-3
فوطتين سباحه
فوط صغار تلقينه 6 مع بعض او 12 مع بعض حلوبن وانتي ترضعين البيبي تحطينها صوب الحلج
6 صداري
4 لفات االي فوق االمهاد
كمبل
غلاية مميات ماركة فلبس بمذركير وسنتر بوينت الطواليه الثانية ميكرويف هذي كهربا احسن
صابون ماركة بيجون حق المميات
فرشة حق المميات
ومميات بيجون زجاج 6 زجاجات 4ارقام وزجاجتين رقمين حق ااماي
مصاصه
سودو كريم
مشط
مطاره ماي
جونسون( بودر - بيبي اويل-صابون-شاور جيل-شامبو-كلونيا-لوشن-فازلين)
حوض السباحه اشتري من سنتر بوينت الواقف اللي فيه مكان تحطين عليه اغراض وحوض ومكان تلبسين علبه الياهل ولاتشترين الثابت اامتحرك احسن
كرفاية من سنتر بوينت اللي جنها سله
مخدتين
مفرش الياهل واحد كشخه للطلعه و2 عملي
مقراضه
كلينكس مبلل
حفاظات
عواد اذون
مقسم للحليب
جنطة للطلعه وحدة صغيره للطلعات الخفيفه وثانيه كبيره

وكل هالاغراض بسنتر بوينت ومذركير وفاشن مل بعد

 

[al7anona]

انا توني والده
بكتب اللي اذكره

6مهادات اشتري الوان ابيض بيج ملون نوعي
6كبابيس نوعي بالالوان بعد
6 فنايل داخليه0-3
6-8بجايم الكامل المقاس من0-3
فوطتين سباحه
فوط صغار تلقينه 6 مع بعض او 12 مع بعض حلوبن وانتي ترضعين البيبي تحطينها صوب الحلج
6 صداري
4 لفات االي فوق االمهاد
كمبل
غلاية مميات ماركة فلبس بمذركير وسنتر بوينت الطواليه الثانية ميكرويف هذي كهربا احسن
صابون ماركة بيجون حق المميات
فرشة حق المميات
ومميات بيجون زجاج 6 زجاجات 4ارقام وزجاجتين رقمين حق ااماي
مصاصه
مطاره ماي
جونسون( بودر - بيبي اويل-صابون-شاور جيل-شامبو-كلونيا-لوشن-فازلين)
حوض السباحه اشتري من سنتر بوينت الواقف اللي فيه مكان تحطين عليه اغراض وحوض ومكان تلبسين علبه الياهل ولاتشترين الثابت اامتحرك احسن
كرفاية من سنتر بوينت اللي جنها سله
مخدتين
مفرش الياهل واحد كشخه للطلعه و2 عملي
مقراضه
كلينكس مبلل
حفاظات
عواد اذون
مقسم للحليب
جنطة للطلعه وحدة صغيره للطلعات الخفيفه وثانيه كبيره

وكل هالاغراض بسنتر بوينت ومذركير وفاشن مل بعد

 

[! بــدويه وآآيــد !]

،


انا ببدي اجهز من الشهر الرابع ان شاءالله

واستفدت من البنات ماقصروا

 

[ريانا]

جزاكم الله خير

 

[ريانا]

يعطيكم العاااافيه

 

[بـسمـه غـلآ]

الله يتمم لج حملج ويفرحج بشوفت ضناج بصحه وعافيه

مري ع هالموضوع ان شاء الله بيفيدج

http://www.q8yat.com/t877184.html

 

[سنفورره]

البنات ماقصروووو والله يتمم عليكم

 

[ضحاوي الديره]

ماشالله عليج بالسابع وتوج ماجهزتي اغراض البيبي!!
الله يعينج
انا بالسابع وقاعده اجهز لطلعتي من الاربعين
شوفي اهم شي لاتكثرررين البيبي بسرعه يكبر ولا تاخذين غالي لان البيبي بيكون بمهاده بلفته محد بيشوفه خلي الغالي حق بعدين لي كبر شوي
وروحي عيد النصار تحت حق المهادات واللفات حيييييل رخاص وحلوين
ولاتاخذين نيوبورن ماراح يلبسهم الا اول ٣ ايام وبيطيحون بجبدج
اخذي نص ٠-٣ والباجي ٣-٦
ومازيد ع كلام الحنونه ماشالله كفت ووفت

 

[أم-حسن]

هذاا رابط موضوع حاطته عضوه ان شاءالله يفيدج
http://www.q8yat.com/t987732.html