بجريه ومحتاجه لكم بعد الله

[القلوب]

السلام عليكم
بنات انا بجريه ولله الحمد ربي رزقني بولد بعد مرض ومعاناة
ومحتاجه لكم بسؤال ياريت ماتهملوني وتطنشوني
انا ارضع طبيعي وبالليل صناعي
لما ارضع ولدي طبيعي يطول على صدري اكثر من ساعه لي درجة انزله حتى لو ماخلص بس شسوي اتعب فبعرف هل هالشي طبيعي
للعلم عمر ولدي الحين شهر
ومشكورين مقدما

 

[كتكوته حبيبي]

اول شي الف مبروك ويتربى بعزج والحمدالله ع السلامه
بالنسبه للرضاعه انا لعكس كان ولدي مايكمل 10 دقايق على كل صدر وبعدين بعد مده يقعد يبجي يبي لان ماشبع
بس انتي اذا كان ينام واهوا على صدرج غلط لازم تقعدينه يعني قصدي هالساعه الي ترضعينه فيها اذكان نايم وبس سوري حاط الحلمه بحلجه قعدييه يعني موقاعد يشرب لان البيبي خصوصا الصغير يرضع من كل صدر من 10 الي 20 دقيقه يعني مجموع وقت الرضاعه من 20 لي 40 ويكون شبع خلاص بس ولدج الظاهر يلعب تعود يحطه بحلجه خذاها عاده لا تعودينه خليه ايوع ومن كل صدر مثل الوقت الي قتلج عليه وبس بعدين لا تعطينه اكثر لان يلعب فيه وبياذيج وهذا الي اعرفه وان شاء الله البنات يفيدونج لاني بجريه وهذا الي اعرفه ضراحه

 

[طيبة83]

انا بنتي كانت اتم ساع ساعه ونص ع صدري واذا شلتها تبجي

طلعت تناااااااام ع الصدر وما ترضع واذا اشيلها تقعد

وكنت بجر وماعرف شي فتعلمت ما تنام الا ع صدري هلكت هلكت


انتي رضعيه واذا حسيتيه وقف مص حركيه لعبي باذونه اي شي عشان ينام

واذا طاف نص ساعه شيليه حطيه في سريره واذا قعد رجعي رضعيه وانتي تغنين له عشان تضمنين انه يرضع

ونصيحه عوديه ع المصاصه عشان اذا كبر شوي وقعد لج في الليل تعطينه المصاصه وينام

ولا ترا بيقعدلج طول الليل يبي صدرج

 

[جنون أنثى]

اقري هالموضوع ان شاءالله بيفيدج وايد

http://www.q8yat.com/t1109374.html#post31846898

 

[حبيبي مالكني]

يمكن ولدج مستانس على المص
انتي جيكي نفسج فيج حليب كافي ولا لا
اذا تحسين فيج حليب عيل ولدج يبي يمص
اذا حليبج قليل عيل ولدج للحين ماشبع

 

[فرزاشيهـ]

البنات ماقصروا انا بنتي ماكانت ترضع و صدري ماكان فيه حليب بس اول ١٠ ايام عقبها جف

 

[PinkLulu]

شي طبيعي...ولدي كان يمص 4 ساعات متواصلة

طبعاً مع تبديل الصدر كل 20 دقيقة

البيبي لما يمص صدر الأم...ما يحتاج حليب وبس...يمص لأنه محتاج حنان

يمص مثل ما يمص المصاصة

وكل ما خليتيه أكثر كل ما تحفزوا الغدد ويطلع حليب أكثر المرة الياية

خليه اهوا بروحه يفصل حلجه...لا تفصلينه بالقوة

 

[القلوب]

مشكورين خواتي جدا فرحتوني بردودك حدي محتاره وانتم ماقصرتوا فديتكم

 

[Habibat Abooha]

يمكن ينام وماياخذ كفايته من الرضاعه اذا حسيتيه نايم حركي خدوده نبهيه عشان يرجع يشرب
انا جذي ساعات يطول وساعات عادي
شوفي اكليلج اشياء تدر الحليب
لان لو اكلتي هالاشياء راح ينزله وبشيع بسرعه وماراح يضطر ياخذ ساعه
عموما اليهال يبيلهم قلب ههههههههه ساعات يقعد بعد نص ساعه يبي يرضع وساعات ساعه وساعه ينام ويقعد تالي الليل
واذا وايد تعبج عطيه مميه تثقل نومته راح ترتاحون انتو الاثنين

 

[ام الحلوااات]

اااااااااااااااااااب