بجر وطفت موعدي ووايد ثقيله

[lolab]

صباح الخير بنات انا بجر ودكتوري معطيني موعد تاريخ 5-9 وقالي بعطيج فوقه اسبوع وانا يايني احساس كبير انه ماراح ايني طلق لانه خواتي مثلي ماييهم طلق ووايد اتاذون بالولاده لان البيبي يكبر وايد فبسالكم شالدبره الحين اخاف اقوله ولدني لسبوع الياي واخاف اتاذه بالطلق الصناعي والي جربو الطلق الصناعي بلييز قولولي اشلونه؟ واطول علي ما اولد وله جم ساعه؟

 

[om MaRyooM]

ماتدرين يمكن تتيسر ولادتج

اهم شي ثقتج بالله ..

واذا تبين الطلق اييج كثري من المشي .. والجماع
لأن ماي الرجل في مادة تحفز على الطلق سبحان الله

واكلي تمر


ولحد يقص عليج يقولج شربي دارسين وخرابيط وخروع .. هالسوالف تييبلج المغص لااكثر ولااقل

 

[lolab]

لاا انا وايد اخاف من هالاشيا الخروع والزنجبيل بس شربت دارسين ماصار شي والله كرييم انشاله بس حبيبتي بسالج ن الطلق الصناعي ماجربتيه؟

 

[noo7a]

انشالله ما تحتاجين للطلق الصناعي
عموما دايما يقولون البجر تطول تاخذ شهرها و زود
والله يسهل عليج

 

[barosha]

مافي شي الطلق الصناعي
حبيبتي ولا تخافين الولاده وناسه وما تخرع
توني والده شهر 7 وكان طلق صناعي وحمدالله سهالات والله
\

 

[ابدا يالغالي مانساك]

ربي يقومج بالسلامه

 

[chobits.19]

حبيبتي انصحج تسوين نفسي
انا طفت موعد ولادتي اسبوع
ورحت لدكتورة بستوصف الامل بفحيحيل انصحوني فيها
وسوت لي فحص وبايدها تفتح لج سانتين
ومن بعدها تمشييين وتشربين دارسين وتجامعين
لين اييييييييييييج الطلق خلال اليوم العاشر
وروحي لها تسويلج فحص قبل لا ادشين المستشفى
تشوف جم وصلتي جم سانتي
وان ما جاج الطلق وكنتي تقريبا ع الاقل 3 سانتي
راح يعطونج درب
ومن بعدها بتجيج الطلوق بغرفة الولادة
وراح تكون ولادتج طبيعية مية بالمية

وادعيلي ربي يثبت حملي

 

[فاقده ابوهاااا]

عادي البجر تطول بس عاد دام طفتي موعدج خلج على طول مع دكتورتج راجعي واذا بتولدج بطلق صناعي عادي ليش تخافين التساهيل من ربج ونصيحه كثري من الادعيه وحتى وانتي رايحه مراجعتج ادعي ربج ان يسهل عليج وان شاء الله تقومين بالسلامه

 

[زينانه]

راجعي خل تسوي لج فحص داخلي لانه يوسع
وشربي يوميا حلبه لانها توسع الرحم حيل
وتخليه ينفتح اسرع
وامشي وايد
وكثري جماع
وترى زنجبيل وخروع ودارسين ماينفعون حيل
ولاتخافين من الطلق الصناعي دام بيعطونج كمام ماراح تحسين بعوار وايد
الولاده تساهيل لاتسمعين للتهاويل

 

[chobits.19]

والله شوفي ع كثر ما يعورج الطلق
ع كثر مابتشتاقيله
صج اول ماطلعت من غرفة الولادة
كنت اقول شلون الحريم يتولدون ويردون يحملون
كلها يمكن اسبوعين او اكثر
جان يحن قلبي
يختي تحسيييين انج تعبتي
تحسين صج ان الام هي كل شي بالدنيا

وربي يوفقج d:

 

[حرمه المصون]

الله يهون عليج وتولدين بالسلامه حتى لو ظلق صناعي ماعليج شر ان شاء الله سهالات

 

[wafa82]

الله يقومج بالسلامه

 

[no0oralq8]

السهالات من الله... انا طوفت موعدي بأسبوعين وولدت..
عليج بالاستغفار...

 

[نـعـومـه]

خلي زوجج يعاشرج يوميا وامشي وايد

اذا مر اسبوع ماولدتي خلهم يسولج طلق صناعي ارحم من القيصريه

 

[miss_whitemocha]

بجرية مثلج و ماعندي فكرة يا حبيبتي..
عسى ربي يقومج بالسلامة و يرزقج الطفل السليم المعافى إنشالله..​

 

[La t7atini]

الله يسسر عليج

ماعندي فكرة بجرية

 

[مشغوله و محتاسه]

حبيبتي الله يسهل عليج

ما طفتي موعدج وايد ..

عادي

البجريات يزيدون 10 ايام و مرات اكثر

امشي و ادعي و توكلي على الله

و ان شاء الله ما تحتاجين الصناعي لان مهما يكون عادي فالطبيعي احسن

 

[حلاالحب]

اني بحملي الاول طفت موعدي بخمسة ايام بعدين ولدت طبيعي الحمد لله
الله يسهل عليش واقري سورة الطارق بعد كل فريضة تسهل الولادة بادن الله

 

[ATOMA87]

حبيبتي ماطاف وايد البجر تطوف موعدها انا طوفت موعدي و لما بدت تشيخ المشيمه الدكتوره سوتلي دخول ولاده باليوم العاشر و حطولي طلق صناعي لان مايتني طلوق بس كان الرحم مفتوح 2 سم من نص التاسع تقريبا . و لوول جربت كل شي عشان تييلي طلوق من دارسين و منقوع زعفران وخروع و كنت امشي كل يوم و على تراب البحر و ماكو شي ياب نتيجه و نصيحه لا تشربين خروع بالذات لان ينزل البواسير و انتو بكرامه

 

[lolab]

وااي ياحلوكم بنات بردتو قلبي عسالله يبرد عليكم ويهون طلقكم ويسهل ولادتكم ويرزق كل محرومه وابشركم اليوم طول اليوم الم قوي بضهري وباجر انشاالله موعدي عند دكتوري بيفحص ولاول مره الله يستر