بجي لكويت وابغي مساعدتكم

[حساويه]

حبيباتي كويتيات انا بجي مع الاهل لكويت لمدة يومين وابغي اعرف اسماء فنادق اسعارها رخيصه ومطاعم حلوه واسعارها معقوله وشلون الجو عندكم هالحين

 

[Ma 3endy Salfa]

حياك الله حبيبتي الكويت بتنور بزيارتج الجو روووووووووووووووووووووووووووووعه هالأيام غيم ومطر بدون برد يعني الجو ربيعي

 

[بدويـــة مودرن]

والله الجووووو مطر وغيم روووووووعه ياهلابج..

 

[هنـــد]

هلا والله اختي وحياج الله

اذا بتسكنين بفندق مارينا حلو وايد وقريب من مجمع المرينا وفندق موفنبيك بالشويخ هم حلو ومكانه حلو

واسعارهم كلهم بحدود الفنادق يعني من 30 لي 40 دينار بالليله

والمطاعم وايد بالكويت مطاعم حلوه

عندج بمجمع المرينا والافينوز جوكليت بار روووعه ( متخصص بالايسكريم والكافيهات والكيك وشغلات راح تعجبج اكثر زوارهم من دول الخليج وفي ناس اييون مخصوص عشانه لانه ماله افرع بالخليج )

مطعم قيصر حلوو وايد يم حولي بارك بالضبط هذا فرعه بحولي

سلسلة المطاعم اللي عالبحر طبعا الحلوه

فرايديز وجيليز وروبي تيوزدي وبرج الحمام وفدركرز هذيلا اللي اتذكرهم حاليا
طبعا هالحملات اتحصلينه على امتداد شارع الخليج

في كافيهات حلووه بالكويت مثل pual موجوده بمرينا والافينوز
وفرايديز هم موجود بمرينا والافينوز
وزعتر وزيت هم مجمع بالمجمعين

وروحي للسينما

واذا دشيتي الافينوز في مكان داخله مجموعه من المطاعم مثل زعتر وزيت وبيتزا اكسبرس وفرايديز وستار بكس ومحل مادري شسمه هم عنده برد حلووو

اي نسيت مطعم مغل محل

وو شهريار تحصلينه بجمعية الخالديه سعره رخيص

وبس هذا اللي اتذكره الحين وان شا ءالله البنات يفيدونج

 

[CANDLES]

بالنسبه للجو روعه وايد حلو مطر وغيم جو لندني مشاءالله

والفنادق موفنبيك ومريديان تور و ايبس الي بالسالميه و والمنشر بفحيحيل الليله بـ60 مادري بعد غيرو الاسعار ولالا و راديسون ساس وهلتون المنقف تقريبا سعر الليله 80

وبالنسبه للمطاعم عندج قيصر له كذه فرع بس فرع فحيحيل واااااايد حلو انا ذقت من كل الفروع هذا اكله احلى شي يضبطونه لان اسااسا مطعم هندي وفرع فحيحيل الي يشتغلون بالمطعم من الجنسيه الهنديه فضابطينه اكثر
وعندج بعد المطاعم الي على شارع الخليج العربي ومطعم ميس الغانم بعد الابراج بشوي يكون على ايدج اليسار ووايد والله
والكافيهات جوكلت بار حلووو له افرع بالافنيوز ومرينا كريسنت والبدع

وحياج الله

 

[حساويه]

مشكورين حبيباتي ماقصرتوا

 

[Lady^bird]

حياااااااج عندنا حبوبه
وجونا هالاياام عجييييييب على حظج
جو رومانسي لوول

 

[Lady^bird]

حياااااااج عندنا حبوبه
وجونا هالاياام عجييييييب على حظج
جو رومانسي لوول

 

[حساويه]

يعلكم تسلمون غناتي

 

[قطرات أنوثة]

تروحين وترجعين بالسلامه ياقلبي بس اذا جيتي قولي لنا وش الا شاياء الحلوووه بالكويت اقصد الا ما كن والمولات

 

[بسبوووسه]

هلا والله

عندج فندق النخيل حلو
فندف موفمبيك البدع وايد حلو
فندق المرينا حلو وموقعه ممتاز

طبعا اسعار الغرف من 70 و صاعد
بخصوص المطاعم شنو تحبين انتي في وايد بس لازم نعرف ذوقج بالاكل

 

[حساويه]

تسلمون عنوناتي
بالنسبه للمطاعم احب المكسيكي والايطالي والهندي ماعندي مشكله

 

[عيون منوعه]

هلا
نورتي الكويت

اذا تبين ترووحين مطاعم عندج

فرايديز كوووووووووول موجود بالأفنيوز مطااعمهم كوول

نورتينه بزيارتج

 

[حساويه]

مشكوره عنووووووووووني

 

[حـلا و ذوق]

اذا تبين شي بحدود ال 30 دينار الليله .. روحي للشقق الفندقية بمنطقة الرقعي في منها وايد بس بصراحة ما اذكر الاسماء

وحيااج الله

 

[سماويه]

اختي معني انا مب كويتيه بس يوم رحت الكوييت سكنا في شقق بودل

واااااااااااااااااااااااااااااايد حلوووو مرتب وعووووووود ونظيييف وعجيييييييييييييييب ... اهو اللي يصورون فيه اغلب المسلسلات .. مصورين فيه مسلسل الخراز والبارونات بس واايد حلو وعلى ما اظن اهو شقق فندقيه

وكل شئ تلاقييينه تحتج وجريب من شارع الخلييييج ....كل المطاااعم تحت البناااايه


وسيري مطعم فريييج صويييييييييييييلح رووووووووعه


فدييييت الكوييييييت واهلها ... والله حبييييتكم وحبييييت بلاااادكم ... ودي ازوركم في الشتا ^^

 

[DALLY]

انا ناويه اجي كويت وحجزت بفندق هوليدي ان سالميه اتوقع بيكون حلو لان وايد كويتيين يمدحونه

 

[أم عاشور]

عندج مطعم مغل محل رووعة مطعم هندى وعندة افرع فى حولى والسالمية وشرق وياكثر المطاعم بالكويت

 

[yummy girl]

حياج الله حبيبتي
عندج منتجع و فندق موفنبيك البدع على البحر
الافنيوز مجمع كبير و فيه وايد مطاعم روعه
و مرينا بيتنا خن سويلج اكل كويتي افا عليج