بحاجتكم لا تردوني

[عتاب الاحبه]

كل عام وانتو ابخير وعساكم من عواده ......


بنات حدي محتاره حيييييل ابتجهيزات البيبي ماني عارفه ششتري وشخلي بجر وضايعه ابدي ابشنو واخلي شنو تكفون بنات ساعدوني شنو اشتري وجم عدد كل شغله ومن وين ادري منتوا مقصرين


بنات وابي دراريع القطنيه ودراريع الانفاس جم احتاج :eh_s(16):
خلونا نستفيد ي البجريات من تجاربكم ؟؟؟؟؟


بنتظار ردودكم .........

 

[مـلـآذ الخـوآطر]

؛




up​

 

[عسل حدي]

للرفع

 

[Koka_alotaibi]

انا نفسج بجريه وان شاء الله البنات ماراح يقصرون معانا << بس انا تو الناس على الشراا بس قلت استفيد معاج


للرفع (

 

[ملاك ^ الحب]

حبيبتي ملابس البيبي عندج سنتر بوينت مذركير مجمع عيد النصار الي بالديره

وديري بالج لاتشترين وايد ترى الياهل بسرعه يكبر

اخذي تبانات
بجامات
افروول
مهادات
كبوس
لفه حق البيبي لمن تطلعين من المستشفى
سدريات
فوط صغيره حق اذا رجع تمسحين
حفاضات
مميات صغيره بس حاولي ترضعينه طبيعي احسن وخلي المميات حق الادويه مثل الينسون والتمر المنقع بالماي

وعندج وحده هني بالمنتدى اسمها قمري دشي عليها وشوفي باقي التجهيزات وطبعا انا اشوفها ضروريه

واذا نسيت شي انشالله البنات يقولونه

واي استفسار عالخاص

 

[ديانا سبنسر]

اب اب

 

[kaakty]

دراريع القطنيه وتجهيزات البيبي حق البيت المكااان اللي احبه عيد النصااار اخذي اللي تبين


١٠ تبانات وانصح ٣-٦
٦ افروول
٦ الدراريع مالوت عيد النصار مالوت البيبي احبهم للبيت مع بنطرونهم
فوطه بيبي كبيره ووسط وفوط صغار
صدراري لاتكثرين ٤ واجد توه الناس
٦ مهايد
٣ لفات
بس احس هذول اللي يحتاجهم غير المميات والبدل الكشخه من المحلات بابز اند مامز وهالسوالف

 

[مناوووي]

حبيبتي فيه تجمع في قسم تجمع حوامل كويتيات


حق تجهيز البيبي وكل شي


روحيله

انا بعد مفكره لاجيت اجهز اشوفه واسجل

 

[الأميرة جوري]

لرفع

 

[عتاب الاحبه]

يعطيكم العافييييه

 

[مس استي لودر]

انشالله يفيدونج البنات
وتقومين بالسلام

 

[sosowaty]

اهلين

مادري انا بجريه نفسج

 

[((غلاي))]

الله يسهل عليج يارب

نصيحه لاتكثرين لان البيبي ماشاء الله بسرعه يكبر
التبانات8
الداخلي8
ممكن تشترين3حلوين للاستقبال و المستشفى او اذا احد زارج بالبيت
المهادات
سرير
كنابل خفيفه و حلوه
لفه للبيبي
المميات رقمين 4
و المميات4ارقام اخذي همن4
لاتنسين شفاطة الحليب للصدر احسن نوع ميديلا من الصيدليه كهربائيه
قبعات
روحي سنتر بوينت و اشتري من هناك كل شي موجود

 

[ام فواازي]

انا يبت 4 واعرف بالضبط شنو محتاجه وبنصحج
حبيبتي روحي سنتر بوينت و اخذي:
6 اطقم كامله ( افرول + كبوسه + صدريته + لفته ) احب الاطقم لان حزة الحزه اعرف شنو البسه مو احوس ادور شنو يلبق مع شنو ماله داعي كثرتهم لانهم يكفون ويوفون وقت الاربعين
تلقين مهاد بسنتربوينت حده خامته روعه تلفين البيبي فيه وتالي تلفينه بلفة الطقم (المهاد عندهم من غير خيوط خامته حلوه لان لما تلفين البيبي بتثبت عليه وماراح تحتاجين تربطينه بالخيط )
باكيج تبانات اللي يكونون 6 مع بعض
اخذي لفتين او ثلاث اللي يكونون تريكو او فوطه خامتهم اخذي الوان مقاربه لاطقمج
واخذيي بطانيه وحده او 2
بس هذا اللي فعلا تحتاجينه للبيبي
بالنسبه لج
تحتاجين 3 قمصان استقبال ستان مع ملافعهم
4 ارواب قطن تلبسينهم وقت مايكون حد عندج
دلاغات و سراويل طوال
بس
الله يسهل عليج بالسلامه

 

[ام فواازي]

نسيت اقولج تحتاجين كيس للبيبي واحد وجنطه و فوطه كبيره و فوط صغار وفوط متوسط حجمهم كبر مخدته عشان تحطينهم فوق مخدته لو يرجع ماتتوسخ المخده

 

[الريمـ اللعوبـ]

ماقصرت ام فوازي
الله يسهل عليج

 

[ليمونة وزيتونه]

روحي سنتر بوينت عجيب بس لاتكثرين يكبر الياهل

 

[كتالونيه]

البنات ماقصرووووووووووووووو
ررررررررررررررررفع

 

[حشمه]

الله يقومج بالسلامه شوفي كل وحده تختلف عن الثانيه في ناس

كل شوي تغير البيبي وفي ناس تغيره مره باليوم

اول شي اخذي البجايم الكامله للبيبت وفي نوع يتسكر

من صوب الريلين وفي نوع صوب واحد بس يتسكر

وثاني تدخلين ريله بس صوب واحد نفس الصوره

وهالصوره للبجامه اريح شي فلا تشترين انتبهي

http://img.alibaba.com/wsphoto/3768...pajamas-tee-shirt-garment-jumpsuits-ZW301.jpg

واما الفنايل خاصه اول شهرين ثلاث

اشتري هالنوع يتبطل من جانب

اريح لج من هالنوعيه

http://www.babycaredaily.com/wp-content/uploads/2010/08/baby-clothing.jpg

خاصه البيبي اول فتره يكون نتفه

المهم نرجع للقياسات بجايم وفنايل اخذي

سايزين او 3 قصدي يعني من 0-3

ومن3-6 لان اول فتره بعد الاربعين

يمكن ماعندج وقت تطلعين والبيبي يكبر بسرعه

اخذي البجايم جيستين يعني6 قطع و5 قطع فنايل

وقطعتين تصير كامله بجامه مع فنيله وكاب وصدريه

واخذي فوط صغار لما ترضعين البيبي تحطينه على رقبته

لان لما يشرب الحليب كله يطلع على جنب واخذي جنطتين حجمين

حق اغراض البيبي ومميات حجمين صغير ووسط

واخذي قطعتين حق طلعه لان بييونج هدايا ان شالله

ودلاغات بس ترا الدلاغات احتمال مايلبسهم

واخذي مهادين ولحافين وجيسه تشيلين فيها البيبي

هذول اللي ببالي ولو عندج اي سؤال حاضرين