بحط تقويم اسنان .. أروح عيادة الحكمة ولا الميدان .. ؟

[[ . . Jee Jee . . ]]

قوة ..

شرايكم بنات .. ؟

بحط تقويم اسنان .. أروح عيادة الحكمة ولا الميدان ..




واللي تعرف عيادة احسن ويسوون بأقل من الف دينار اتقولي ..

ميزانيتي كلش ما تستحمل .. معه انه الحكمة يقسطون السعر ..


شرايكم ؟



​

 

[دكتوراة بالذوق]

نصيحة لج روحي لمستشفى حكومي بالاول ويفضل العدان في دكتور شاطر

لان رفيجتي راحت اول لمستشقى خاص وقال لها بعد اسبوع نسوي لج التقويم وبعدين استخارت وراحت العدان


تدرين شقالوا لها ؟؟

قالوا لو كنتي سويتي تقويم كانت اسنانج كلها عقب التقويم راح تطيح لان يبيلج علاج كامل للعصب وبعدين اللثة واخر شئ التقويم


لا تستعجلين ترى السالفة مو بسيطة ؟؟


دبري لج واسطة واخذ موعد سريع بالعدان عند دكتور هندي بس والله ما اعرف اسمة
بالتوفيق

 

[[ . . Jee Jee . . ]]

يصير ؟ آنا عمري 21 ..

 

[ArEEj]

أنا حطيت تقويم بالحكمه
دكتور شاطر وأستشاري
بالعدان يعنى صبري سنتين ثلاث عشان يجيج الدور
بصراحه استخيرى وحطيه اللحين احسن
كل ما تكبرين تزيد المده
وثانيا حتى الحكمه يكشف على اسنانج ويسوى لهم اشعه قبل التقويم
يعنى مستحيل يركب تقويم على لثه معطوبه او اسنان تعبانه

 

[نظـــرات حـــائرة]

يعني الكويتيه ماتقدر تسويه بمستشفى حكومي ؟؟

 

[مواســم]

السلام عليكم ..

اختي نجمه انا كنت مثلج محتارة :eh_s(10):
وتوكلت على الله وسويتها بالخاص وبالحكمة تحديداً عند الدكتور سوريش الهندي .. بصراحه شاطر وماحسيت بعوار معاه ايده خفيفة ماشاء الله:eh_s(4):

ومارحت للحكومة لان اغلب اللي اعرفهم اسنانهم ردت مثل اول وشغلهم عالسريع وفوق هذا تنطرين كذا شهر على ماينادونج هذا اذا مو سنة او اكثر:eh_s(2):

بالبداية بس تدفعين مقدم بسيط تقريباً 200 وبعدين كل شهر 50
ونصيحة لج الأشعة والتنظيفات والخلع كله سويه بالحكومة ابلاش ..:eh_s(15):

انا قالي خلال سنة يشيله لان بروز الاسنان عندي خفيف
توكلي على الله وسوي عنده .. وخلينا نشوفج هنــاك :eh_s(8): ​

 

[nono78]

الحكمه وين صاير ؟؟؟

وجم سعر التقويم الأبيض ؟؟؟

انا سالت بالميدان تقويم السيراميك الأبيض

قالتلي الف و 400

وقالتلي العادي الف و 200

 

[[ . . Jee Jee . . ]]

اي والله قالوا لي نفسس الكلام بالضبط يا اريج

صح سوولي اشعه لما رحت لهم مرة بس قعد يطالع ساعتين
عقب قال مو لازم !! وبرد ضرسي اللي تحت صار شوية راد لي ورا
من ضروس العقل الله لا يعقله هالهندي :/​

 

[[ . . Jee Jee . . ]]

امبلاا الياسمين يصير
بس اللي فوق الـ 20 خلاص راحت عليها
<< عاد صج ولا لا والله مادري
بس كله اسمعهم يقولون روحي قبل لا يصير عمرج 20​

 

[[ . . Jee Jee . . ]]

هلا مواسم .. اييي سوريش
آنا اشوفها تقول سوري اقول سوري ولا هندي
مالت عليها السستر هبله :/
خلاص توكلت على الله يقولون الميدان خربوطة :/
معه اني سويت عندهم علاج لثه يهبلون @@ لهطوا 40 عالفاضي
مالت عليهم :/ بروحي منتفه

انزين مواسم .. انتي الحين لما يقولج بخلع هاذا ولا هاذا وبسويلج تنظيف
تقولين : " هووب بروح الحكومة يسوونه ؟ " ؟
ولا من الاول قبل لا اروح لهم اروح يشيلون ضروسي عند الحكومة ؟



اشوفج ومعاي قهوتي بعد لول​

 

[[ . . Jee Jee . . ]]

هلا نونو .. والله مادري عن فروعهم بشوفلج الكرت
بس اللي اتكلم عنه بالفحيحل
بحط رقمهم تسألينهم

​

 

[حواء الكون]

لحظه ماني مصدقه الحين التقويم العادي الف و 200

على شنو ؟؟؟؟؟؟؟ شنو هالنصب هذا كله

وافهم من كلامج الا بآخر العشرينات ماتقدر تسوي تقويم ؟؟ ماعتقد

لان اختي بالثلاثينات وسوت تقويم عند الحكومه بس تعاملهم اي شي

انا بعرف التقويم العادي كله على بعضه جم ؟؟ عن الحكمه ؟ او اي عيادة خاصه بليز فيدونااااااا

 

[[ . . Jee Jee . . ]]

بس اللي فوق الـ 20 خلاص راحت عليها
<< عاد صج ولا لا والله مادري
بس كله اسمعهم يقولون روحي قبل لا يصير عمرج 20​

هلا حواء الكون ..

حبيبتي آنا مو متأكدة ما ادري ..

آنا مالي خلق يذلوني على تقويم وينطروني بالساعات على ربع ساعه

فوق اني رحت مرة وسولي اشعه وكل شي قالي ماله داعي

معه مسطرته المكسرة :/


شسوي

 

[Layz]

السلام عليكم و رحمة الله و بركاته ..

ومارحت للحكومة لان اغلب اللي اعرفهم اسنانهم ردت مثل اول

هذيله اللي ردت أسنانهم ردت تلقينهم اهما ما يهتمون .. يعني في اشياء تسوينها ضروسج تطلع لي بره و أنا ما كنت أدري و ضروسي كل شوي تطلع ..
أو آخر شي لما يشيلون التقويم يعطونج تقويم اللي تشيلينه على كيفج .. هذا في ناس ما يهتمون فيه ! عشان جذي ضروسهم ترد نفس أول ..


بس معاملتهم !!

 

[* مـذهـلـه *]

حبيبتي روحي عيادة الحكمه و انتي مغمضه شغلهم حلووو و المعامله احلى
قطي فلوسج و ارتاحي احسن من الحكومه اللي يذلون الواحد اصلا لي رحتي خاص بتنصدمين انه التقويم ما يطول تركيبه الحكومه يلطعونج ..

بعيادة الحكمه اول ما تروحين طبعا بسويلج اشعه و بركبلج لسيور و بياخذ مقاس ضروسج هذا كله بكلفج 50 دينار ..

و اذا فيه شلع ضرس او ضرس يبيله حشوه .. شلاع الضرس الواحد بـ 20
دينار و الحشوه بـ 30 دينار و انتي على حسب جم ضرس تبين تشلعين و جم حشوه تركبين ..

وبعدين اذا ركبلج التقويم لازم تدفعين 250 دينار و الباقي راح يتقصد على 50 دينار ليما تنتهين ان شاء الله من التقويم و ما راح يطول معاج بالكثير سنه او سنه و نص و انتي شايلته ..

التقويم العادي بـالف و 100
و الغير مرئي بالف و 200

ان شاء الله اكون افدتج حبيبتي ..​

 

[هيكل عظمي]

قوة بنات .. انتو من صجكم الف دينار ؟؟:eh_s(12):
شدعوة هذي عيادة مو مستشفى خاص
دنتل كير والانصاري وبيرفكت دنتل بين 300-800 والحالات الصعبة (الي اسنانهم كلش حوسة حول الالف
بعدين التقويم للاربعيناتب بالعمر"][/SIZE]:eh_s(9

 

[soz]

انا توني صارلي اسبوعين حاطه تقويم بالحكمه والدكتوور اينن اسمه لايجوو
وعلى العمر اتوقع لي 25 لان اعرف وحده عمرها 23 وتوها تحط التقويم يعني عادي
اول شي رحتلهم على اساس اشوف اذا يصير احط تقويم ولا لازم اعالج ضروسي بالاول
وراني جم ضرس لازم اسويهم عاد ابوي كان معا
ي ومعارض فكره اني اسويهم عندهم قاله بصوت عالي لا لا اهيه بتسويهم بالحكوومه << هخخخخ فشلني
ماقال شي بس عطاني ورقه وكتب كل سن وشنو يبيله
قالي تعالي متى ماخلصتي ونبلش حق التقوييم
عاااد انا ماخلصت الا بعد سنه كاااامله على ضرسيين لووووول حتى قام يتحلطم علي اول مارحتلهم
واعتقد العلاج كلفني اقل من الف بحدود 800 وشي
هذاا اللي اتذكره الميزانيه عند الواالد الله يحفظه لنا ياارب
االمهم انه اقل من الالف ومعاملتهم تيينن هذا اللي مريحيني
وفروعهم انا اللي اروحله بالفروانيه وهذه ارقامهم 4757168
و 4757153 و 4757153
واعتقد جنه في بفحيحيل بس ما اعرف ارقامهم
الله يوفقج انشالله ويكون كله سهالاات

 

[حواء الكون]

قوة بنات .. انتو من صجكم الف دينار ؟؟:eh_s(12):
شدعوة هذي عيادة مو مستشفى خاص
دنتل كير والانصاري وبيرفكت دنتل بين 300-800 والحالات الصعبة (الي اسنانهم كلش حوسة حول الالف
بعدين التقويم للاربعيناتب بالعمر"][/SIZE]:eh_s(9

نفس راي الاخت !!

اشدعوه الف دينار على شنو !!

انا اللي سمعته 200 ليما 300 التقويم العادي

على شنو ألف ؟؟؟؟ تجاره مو طب

اقول شكو العمر بالله بعد واللي عمرها فوق ال25 مالها رب يعني خخخ

والله حاله هالعيادات :eh_s(6): :eh_s(3):

 

[om_3esa]

انا اقول عياده الميدان احسن اللي بالفروانيه عند الدكتور زياد العفيف والله خووش دكتور وشاطر وايده خفيخه ماشالله عليه

 

[ArEEj]

فى الحكمه يحدد السعر على حسب حاله الاسنان
بس من 700 - الى 1200
انا اخذ منى 900
طبعا اقساط اول شي 200 وكل شهر 50
بالنسبة للحشو والخلع انا سويته عندهم
أحسن وأسرع من الحكومه
بقولج شي ما تصدقينه
انا راجعت العياده السبت وخذيت فكره
حشيت اسنانى اللى محتاجين حشوه الاحد
خلعت سنين من اليسار يوم الاثنين
خلعت سنين من اليمين يوم الثلاثاء
ركبت التقويم يوم الاربعاء
:eh_s(6):
عصر السرعه