بخاطري اسافر بس مو عارفه وين

[سكر-زيااااده]

تكفون ابي اغير جو...بخاطري اسافر ديره ونيسه فيها ملاهي وتسوق ومطاعم ومهرجانات... احس تايلاند اهيا اللي جوها جذي بس اخاف وضعها خطر هالايام..واحيانا اقول ابي دوله اوربيه..ودشيت كذا موقع احوس عن فرنسا ولندن ..لندن مافيها الا اسوقه ..وفرنسا قصور وكافيهات..اخاف اروح وما استانس...عفيه شورو علي واذا كلامي غلط عن هالدير صلحولي.. وايه صج ..انا رحت لماليزيا ولتركيا وصج صج استانست..فأبي غيرهم

 

[تكييف]

زلامسي وسويسرا

 

[سكر-زيااااده]

اول شي مشكوة حبيبتي.بس زلمسي احس انها هاديه واايد..سويسرا شنو فيها؟؟لاني مو رايحت لها

 

[مفرفشة ومنعنشة]

صح كلامج تايلند ونيسة خصوصا اذا كنتي تحبين البحر ورحتي بوكيت ، بس لا تجازفين شرق اسيا خطرة هالايام مع هالزلازل الله يكافينا الشر ويرفع عنهم
وعموما انتي حددي شنو تحبين ( طبيعة / بحر / آثار / تسوق ...... )
فرنسا حلوة ووسيعة صدر
وشوفي الدول الي فيها مهرجانات بوقت سفرتج وسوي سيرج عنهم
اذا طرت لي ديرة اقولج ... كل ما فكرت بدولة يطلع فيها شي مع هالاحداث
الله يحفظ ديرتنا وديار المسلمين
وان شاء الله تلقين ديرة تستانسين فيها

 

[الدلال]

لندن ونيسه
فيها الطبيعه والجو الحلو والسوق
وترى فيها وااايد اماكن حلوه فيها وفي برا لندن مناطق عجييبه
يعني عندج اختيارات واايد

 

[سكر-زيااااده]

يامال العافيه ما قصرتو.في ملاهي بلندن؟ او مهرجانات او بفرنسا؟ ابي ترفيه هو الدرجه الاولى والمطلب الاول وبعدين السوق والطبيعه

 

[الدلال]

في ملاهي بلندن

الثورب بارك
ليغو لاند
وفي بعد متاحف حلوه
واماكن سياحيه وايد

 

[جروح ودموع]

اختي اذا تبين وناسه وترفيه وراحة بال انا ارشح دبي بصراحه مع هالاحداث اللي تخرع كافي انها ديرة امان الحمدلله الله يحفظها ان شالله وقريبه بالطياره ساعه وربع

 

[ام سوسو الحلوة]

في ظل هالاوضااع دبي هي وجهه الكويتيين هالسنه
او رووحي لندددن الكل يمدحهاا

 

[نااناا]

ارشح لج فرنسا تهببببببل تروحين ديزني لاند تونس يبيلها اقل شي يومين حق ديزني..
وبرج ايفل تجربه عجييييبه في فوق مصور يعطيج لبس تاريخي والصووره بتكوون عجيبه
ورحله بالنهر روووعه وقوس النصر تصعدين فوق وتشوفين باريس من فوق
واحلى شارع الشانزلزييه ياحلووه بالليل تكملين السهره فيه((على فكـره هذيل كلهم تقريبا يم بعض))ماعاد ديزني
بالاضاافه الى الجو الحلو والطبيعه والاســــــــــوووووق والمتااحف والكاافيهاات والقصوور
باريس وااااااو

 

[CALM]

انا سمعت عن هولندا " امستردام " حيل حلووه واختى بعد راحت لها بسياره لما كانت ابلجيكا تمدحها وتمدح شعبها انهم حبوبين

 

[أنفاسي دخون]

تبين ترفيه مالش الا ديزني لاند باريس اسبوع كامل يا الله تشطبين عليها تهبل تهبل

 

[*kim*]

ماليزيا تونس

تايلند ما انصحج فيها تخرع ومو نظيفه

 

[NoOoBy]

انا ارشحلج فرنسا ومو شرط تقعدين في باريس لانها بصراحه بالنسبه لي ممله
انا كنت ادرس بمنطقه اسمها بواتيه ! ويمها مناطق وايد حلوه ماتتعدى الساعه بالقطار
بصراحه تهبل المنطقه كلها طبيعه ومجمعاتها حلوه وفيها حدايق حيوان تكرمين بس نفس نظام الغابه واغلب الحيوانات برا مو بالقفص

وبعد شنو ....

فيها ملاهي و العاب مائيه و وبحرها يهبل وفي مطاعم اسلاميه

واي شي تبين انا حاضره بس ع الخاص اخاف ماارد ع الموضوع

 

[زهره الجلنار]

اب اب

 

[أم سيف وسلطان]

انا محتاره مثلج