بخصوص الكونسيلر وكريم الاساس

[حواء الكون]

بنات اشلون تبتدون بتوزيع الكونسيلر على البشره يعني بواسطة شنو ؟ بأصابع الايد والا بفرشاه خاصه والا ؟؟

وكريم الاساس نفس الشي اشلون توزعونه بشكل طبيعي وناعم ومايتكتل عالبشره

آنا بالشريط شفت اللي تسوي لها المكياج توزع الكونسيلر باصابعها وبعدين بأسفنجه تمسح أماكن العيوب اللي بالبشره

وهم كريم الاساس تمسحه بنفس الطريقه ( ما ادري شنو اسمها الاسفنجه هذي ) بس مكياجها كله كان من ميك آب فور ايفر

ياريت تعطونا آرائكم

 

[حواء الكون]

مشاركة: بخصوص الكونسيلر وكريم الاساس

اي هم يبقى سؤال اخير بعد كريم الاساس ومع توزيع البودره المضغوطه على الويه كامل

في ناس تحط بودره على العيون وفي ناس لا تنصح ان ماتنحط البودره يقولون جذي الشدو ما يثبت صحيح هالكلام ؟

انتوا شنو طريقتكم ؟

لو ما حطينا بودره مضغوطه منطقة العيون بتكون باهته وايد ومافيها اشراقه مثل باجي الويه !

صح كلامي والا غلط ياريت تصلحون معلوماتي وتفيدوني اكثررر

 

[حواء الكون]

مشاركة: بخصوص الكونسيلر وكريم الاساس

ألو ألو نحن هنااااااااااااااااا

 

[حواء الكون]

مشاركة: بخصوص الكونسيلر وكريم الاساس

وينكم اشدعوه ماتردون ؟

 

[حواء الكون]

مشاركة: بخصوص الكونسيلر وكريم الاساس

؟؟؟؟

 

[رفرف]

مشاركة: بخصوص الكونسيلر وكريم الاساس

سوووووري توني اشوف الموضوع
البنات شكلهم لاهين برمضان

اشلون تبتدون بتوزيع الكونسيلر على البشره يعني بواسطة شنو ؟ بأصابع الايد والا بفرشاه خاصه والا ؟؟
انا استعمل ايدي اكثر من الفرش ...
الكونسيلر ماحطه الا تحت عيني واوزعه مثل ماقلتلج باصابعي ..
انا استعمل كونسيلر بودي شوب او ميكب فوريفر الرعاص .. احط نقط قليلة تحت العين وعلى الجفن بعدين اوزعه باصابعي



وكريم الاساس نفس الشي اشلون توزعونه بشكل طبيعي وناعم ومايتكتل عالبشره
كريم الاساس نفس الطريقة .. وجربت كذا مره اوزعه بالاسفنجة الخاصة ماطلع حلو صار وايد ثقيل ...
فقمت احطه نفس طريقة الكونسيلر .. اوزعه على ويهي على شكل نقط بعدين ادمجه باصابعي ..
واخر شي احط البودرة المضغوطة طبعا بالاسفنجة .. جذي يبين طبيعي ومايتكتل ..

وانا مرتاحة على هالطريقة ومافكر اشتري فرشاة حق الاساس او الكونسيلر احسه ماراح يطلع حلو ..


بالنسبة للبودرة المضغوطة ..
انا احطها على الويه كله اذا كنت بحط مكياج كامل .. بس اذا مكياج خفيف لا تسوي الويه باهت ...
ومرات ماحط
بس دااايما احط تحت العين مباشرة علشان الكحل مايسيح وفعلا يثبت . .
بس هالطريقة يقولون اتطلع تجاعيد مادري يعني صج المكياج يثبت ويطلع حلو بس لها عيوبها وانتي كيفج ..

 

[حواء الكون]

مشاركة: بخصوص الكونسيلر وكريم الاساس

مشكوره رفرف والله ماتقصرين ويعطيج الف عافيه

والباجي عذرهم معاهم ولو اني ودي اعرف رايهم بعد

 

[brettey]

مشاركة: بخصوص الكونسيلر وكريم الاساس

عزيزتي الكونسيلر يتوزع بالاصبع اما بخصوص كريم الاساس يفضل اسفنجه مبلوله بقليل من الماء عشان يخفف من الاساس وما يكتل بعدين تحطين البودره المضغوطه

 

[ebleeesah]

مشاركة: بخصوص الكونسيلر وكريم الاساس

حبيبتي حوا ... الاسفنجه اللي تسألين عنها .. مو شرط تكون ماركه .. انا ترى اخذ من بو 100 يكون جيس فيه 3-5 استفجات .. و تعرفينها بأن يكون ملمسها ناعم حيل جنه خد بيبي

و بالنسبه لتوزيع الكونسيلر انا ما استخدمه لان الحمدلله ماعندي هالات سودا

اما كريم الاساس مثل ما تفضلوا فيه الخوات .. التوزيع يكون عن طريق الاصابع .. و من ثم بالاسفنجه

لما تخلصين توزيع الكريم اساس .. حطي كميه من البودره المضغوطه تحت العين .. مو على الجفن .. لا تحت العين علشان اذا حطيتي الشدو ما يطبع على خدودج

ملاحظه اذا حطيتي كريم اساس على الجفن .. امشي عليه خفيف بالاسفنجه علشان ما يدهن جفنج ويطلع خط متكتل و يعفس مكياجج فوق حدر

 

[miss loly]

مشاركة: بخصوص الكونسيلر وكريم الاساس

شوفي حبيبتي

الكونسيلر <<

انا احطه باصابعي .. واستخدم ماك فور ايفير (( تكون علبة مستطيله فيها 5 درجات معاهم لون اخضر ))

طبعا اغمق درجه للحبوب والبقع الداكنة .. << عجيب

كريم الاساس <<

اي اسفنجه تمشي الحال .. لكن طبعا اسفنجه افضل

معلومة << انا سمعتها من خبراء التجميل
يقولون الكونسيلر تحطينه ع كل العين (اللون الفاتح) وماتحطين فوقه كريم اساس

<< عشان يثبت الشدو ...

وان شالله فدتج خيتوو ..