^[ بخصوص بشرتي الدهنية ]^ .. من تجاربكم ;)

[زهرائي ~]

السلام عليكم ورحمه الله وبركاته

شلونكم بنوتات شخباركم

عندي مشكلتين ببشرتي ..

(1)
^[ بشرتي الدهنية ]^

أعاني من البشرة الدهنية بس مو كل ويهي تحت عيني , جبهتي , خشمي ..

بشكل رهيب ولمعاااان أرهب بصراحه .. يعني بس اطلع بالشمس اصير ككاوه ..

بنات الي جربت شي عدلت بشرتهاا ياريت تفيدني بس مابي يكون

( اعشااب - خلطاات ) لاني ماثق بهالاشيااء ..

قبل فتره رحت " فيسس " محل المكياج والعطور اثق دايم ببضاعتهم ..
سألتها لو عندها شي يفيد بشرتي عطتني كريم ..
قمت استعمله الحين باقي شوي ويخلص ..
ولكن هم مااستفدت ..

هذا شكله ^^

(2)
^[ سواد تحت العينين ]^

اعاني من تجاعيد وسواد حول عيني مع اني توني بمقتبل العمر :eh_s(16):

هم نفس الشي استعملت كريم تحت العين من نفس الماركة ولكن هم مافادني !!


اتمنى من الي جربت شي وخصوصاا من محل تجميل من فيسس مثلا ياريت تفيدني
واكون ممنونه لهااا ..:eh_s(22):

 

[زهرائي ~]

رد : ^[ بخصوص بشرتي الدهنية ]^ .. من تجاربكم ;)

شدعوه ؟؟ ^^

 

[شغفني حبآ.~]

احسن حل روحي دكتور جلديه واذا مالج خلق مري صيدليه عندهم كريمات تنفع لهالمشكله

احس اللي من فيسس و بيضون وهالطقه بس كريمات تجاريه اكثر منها طبيه ومفيده ،،،

وان شاءالله البنات يفيدونج ..

 

[اماراتيه vip]

رد : ^[ بخصوص بشرتي الدهنية ]^ .. من تجاربكم ;)

شراتي قبل كنت كل ما حط مكيااااج الويهه يلق لق من الدهووون بس الحين الحمد الله استخدمت حبوب الركوتين وافتكييت

حبيبيتي جربي ماسك الطين فالاسبوع مرا لانه بيشد المسام وبتقل الدهون او جربي ماسك من كلينك حق المسام بعد حلووو

 

[زهرائي ~]

رد : ^[ بخصوص بشرتي الدهنية ]^ .. من تجاربكم ;)

اماراتية .. هلوله

اشكركم حبايبي وماقصرتووا ..

الله لايحرمني منكم ان شاءالله ..

اماراتية : وين القى ماسك الطين ؟؟

منورين فديتكم

 

[بنت الاحلام]

هلا وغلا حبوبه نصيحه انا نفسج وجربت كل خرابيط الجمعيه ولا اكو فايده اخر شي رحت

انترشونال كلينك بالسالميه دكتور جلديه معروف مصري دارس بره اسمه

فتحي عمر او عمر فتحي حجزت عنه

وعطاني غسول وكريم لاثار حب الشباب وكريم حق الحب الي يطلع فيني فجا

وحبوب لان فيني خربطه هرمونيه واهي سوت بوجهي حب

والحمد لله احسن تحسنت حيل والغسول عجيب يجفف الوجه وخفف عندي الدهون

 

[N F N F]

تعرفين المره .. سويها ماسك على ويهج مع الهرده او مع ماي الورد

ونقعي شوي منها ببطل ماي وخليها مثل التونك .. او التونر

ويتنشف الدهون على ويهج ان شاء الله

 

[@ نجمة العطااا @]

تعرفين المره .. سويها ماسك على ويهج مع الهرده او مع ماي الورد

ونقعي شوي منها ببطل ماي وخليها مثل التونك .. او التونر

ويتنشف الدهون على ويهج ان شاء الله

صادقة المرة حييييييييييل تنفع للي بشرتها دهنية وحتى اللي في بشرتها حبوب تنفعهااا
وترى تحت عيونج حطي شوي منها تشد الترهل والتجاعيد
اما السواد انا انصحك بالحليب سويه مكعبات ثلج وكل يوم حطيه على عيونك يخفف الانتفاخ وينظف العيون خاصة ان السواد من السهر وبقايا الكحل لان المنظفات ما تنظف 100%
ولما ينشف اخذي قطنه بماي ورد وامسحي مكان السواد ولما تنشف اخذي شوي من زيت جنين القمح وادهني المكان لكن بطريقة الطبطبة مو بالمسح
ولا تفركين عيونج انتبهي لان يزيد السواد والتجاعيد

وكرري هالامر كل يوم اهو تعب لكن نتيجته حلووة حيل
والحليب لو تحطينه على كل وجهك ترى ممتاز حيل ينظف بعمق وماي الورد يرطب ويورد الوجه وزيت جنين القمح للاماكن السمرا فقط