بخصوص حبوب الاسبرين للحامل

[بنت حصه]

بنات انا سمعت ان الاسبرين مفيد للحامل اللي سبق لها الاجهاض
من تستعمله وشنو اسم الحبوب بالضبط فيه بيبي اسبرين وفيه جو اسبرين
اللي تاكلها تتفضل تعطيني رايها

 

[ام ساره 4]

إي مفيد للاجهاض بعد الله سبحانه وأنا آخذ البيبي أسبيرين من بداية الحمل لغاية الشهر الثامن

 

[((غلاي))]

عادي اذا الدكتورة كاتبته اخذيه
بيبي اسبرين

 

[مروة الكندري]

أنا هم أكلة .. انا حالتي غير عنكم .. وما أدري يسمونه اجهاض او شنو
قصتي طويلة .. نفس التاريخ الدورة نزل علي نقطتين دم الله يعزكم وبعدين وقف 4 ايام .. حللت هرموني قالو حامل والنسبة 60 .. بعد 4 ايام نزل هم دم .. وحللت مرة ثانية جان تصير النسبة 38 وقالو لي مافي حمل .. ونزلت الدورة اكثر من عادتها .. وطولت اكثر من المدة المعتادة
والشهر اللي وراه على طول اكلت الأسبرين .. مع فوليك اسد .. والحمدلله حملت :yaaaaaarb:
ولما الحين اكلة وانا بالأسبوع الثامن احين ربي لك الحمد

الله يثبته ويوصلني تمامة يارب يا كريم :eh_s(7):

 

[أم عزيـز]

اي حبيبتي هذي الحبوب وايد مفيده وتغذي المشيمة ويعطونها للي طرحت من قبل
وفي ناس يقولون لهم اخذيها لي الرابع وفي ناس لي الثامن كل وحده على حسب حالتها

وهذا شكلها

 

[عروسة جدة]

أنا أخذت حبوب جو أسبرين وإلان حامل في الشهر السادس واستعملها الى الان والحمدالله لانه قبلها أجهضت مرتين

 

[noo7a]

انا كنت مجهضه
وبعد ماحملت مره ثانيه وصفت لي الدكتوره البيبي اسبرين
و اخذتهم لي قبل الولاده بيوم (ولدت بالثامن)
و قالت لي لازم بكل حمله اخذهم

 

[بيت التوت]

اول مرا اسمع المعلومه هذي
الله يثبتج

 

[Vip qatar]

انا بعد اخذ البيبي اسبرين لانه عندي اجهاضين ولازم اكلهم لين الشهر الثامن مع انه ماعندي مشكله في تجلط الدم

والدكتور يقولي وايد زينة للبيبي

 

[بنت حصه]

اشكر كل اللي ردو علي
الله يتمم علينا حملنا ويرزقنا بالجنين حسن الخلقه ونفرح بشوفته ونولد بالسلامه
يعطيكم الف عافيه حبيباتي

 

[ام فوااز]

انا اخذ بيبي اسبرين جرعه ٨١
لان عندي اجهاض من قبل
وكل وحده تاخذ على حسب حالتها

 

[سوزي الشرقية]

اني من الشهور الاولى عطتني جواسبرين اطفال 81 وتالي على بالي شهرفقط وقفته وردت كتبت الي الاسبيكارد اسبرين مخفض للكبار81 وقالت الي ماوقف الادوية لين ادخل الشهر التاسع بأذن الله تعالى

 

[ناتشوو]

لازم توصفه الدكتورة مو من كيفنا

 

[كويتيه مذهله 87]

اول شي هالحبوب لازم تحت استشاره الطبيبه وعلي حسب كل حامل لي متي تاخذه انا مثلا اخذته من اول ما احلل لمن ولدت قطعته

ومثل الشي بيبي وجو بيبي بس اختلاف بالشركه اتوقع

 

[&هند&]

اي زين البيبي اسبرين بس انتبهي الي ينزل عليها دم توقفه ،،،،

 

[Meeesh]

ايه مفيد انا اخذه واثنينهم يعتبرون بيبي اسبرين وانا اخذ هذا