بخصوص خميرة البيره لبنتي اللي عمرها 11 سنه فيدوني

[أحاسيس دافئه]

صباح الخير يالغاليات

بنات بنتي الظاهر معاها نقص في فيتامين ب

كل اعراضها تقول جذيه

وانصحوني اني اعطيها خميرة البيره مع اللبن كل يوم

بنات واللي يعافيكم

من وين اييب الخميره؟

قالوا انها مو مالت المعجنات لا

قالوا تنباع عند العطار
وانا مو مقتنعه بهالكلام

فهل خميرة البيره اهيا نفسها اللي انسوي فيها المعجنات ؟
واللي يعافيكم فيدوني
لانها حيل اتعبت وخاصة انه معاها تليف بالكلى بعد

الله لا يوفق من صكها هالعين القشره
قولوا آمين:eh_s(11):

 

[جهراويه مووووت.]

الله يشافيهاااااااااااااااااااااااااااااااا يارب العالمين وتشوفينها باحسن حاال

ماحبيت اطلع بدون رد وان شالله البنات ايفيدونج

 

[الفراولة الوردي]

الله يشافيها :yaaaaaarb:
قصدهم حبوب الخميرة اللي يبيعون بالصيدلية (مكمل غذائي)
بس سألي الدكتور اول يمكن مو زين حق حالتها

 

[noody a&a]

أول شي لازم لازم تتاكدين من المعلومه لان خميره البيره اللي اعرفها لتسمين فقط

وتلقينها عند الحواي

اول مره اعرف استخدامها للاطفال

وهي للبشره

هذا اللي اعرفه

و لأ مو اهي الخميرة مالت الاكل غير هذي

 

[أحاسيس دافئه]

والله يا ريت البنات يفيدوني

بعضهم يقولون اهيا وبعضهم يقولون مو اهيا ما ادري والله

بنات واللي يعافيكم ارفعوا الموضوع الله يوفقكم يا رب

 

[أنفاسي دخون]

دام فيها تليف بالكلى لا تعطينها شي بدون استشارة طبيبها المعالج

وما تشوف شر ان شاء الله