صبآح / مسآء الخير
وآيد ترددت أكتب مشكلتي أهني ولكن حآبه أعرف رآئي الاغالبيه
من البنات وهل أنا غلطآنه باللي رآح آقوله ولا معآي الحق ؟
آولا أنا ما صأرلي سنه من زوآجي وحآمل بالشهر الاخير وبأذن الله
ما بقى شي وآولد مشكلتي أهيا بخل زوجي مع آنه يحبني ويدآريني وأذا
زعلني يردلي بنفس الحزة يرآضيني بس شسوي مع بخله ؟؟
بقولكم موقف مثلن والكل يقولي شنو رآئيه مرهـ رحت ويه أخته السوق
ودخلنأ نشتري عطر مع أن البنت أنا مخذتهأ علشان أتشرى لها للعيد
بحكم أنه خالتي صار لها مده تتعالج برأ وهالبنت بذمتي لازم أونسها بشي
علشان لا تحس أنها غير هالبنات المهم دخلنا أشتريت عطر أشترت عطر أهيا
ولا الحبيب يحاسب على عطرها ويطلع أي وعطري يقولي لا أنتي تحاسبين
عليه وانا لا اشتغل ولا هم يحزنون غير هالميه اللي يعطيني اياها كل شهر
أهيا مصروفي واهيا حق العيد كانت ولا يعطيني فوقها دينار بلعت السالفه ولا قلت
شي حاسبت على عطري وطلعت جت ابي اخذ ساعه قالي لا غاليه قلتله عادي زيدني
قالي حريمتج مالج شي يا ولد الحلال مني مناك ماطو قالي اخليج بالمحل
واطلع ترى ولا زعلت صج حزت بخاطري بس قلت ما عليه مابي ازعل نفسي
خاصه أني حامل بس تحز بالخاطر غير جذي السوق محروم علي واذا دخلته
يقولي لج ساعتين وتطلعين تخلصين ما تخلصين بكيفج ؟
هذا كله ينبلع والله بالعه ليمن قايله بس وتعبت من الهواش والله تعبت
كل يوم مشكله اهوا سببها كل يوم سالفه كل يوم نجره زهقت وكل هذا ولا يقدر
تعبي وحملي واني باخر شهر وتعبانه واذا انسدحت قالي كله منسدحه قومي
شوفي الخدامه شتسوي قومي عدلي البيت لين طقت جبدي وقلتله انا مسوؤله
عن داري وبس ماني مسؤوله عن بيتكم كله واقعد أنظف فيه واهما والله يا بنات ماني
قايله شي بس بيتهم قمه بالقذاره لو اعدل 24 ساعه ما راح يتعدل ومع هذا
عمري ما حسسته بهالشي ولا عمري حسسته انه مو بيتي ولا هذيلا مو اخواني
انا مالي علاقه فيهم بالعكس انظف لهم ومدريتهم وقايمه فيهم وحتى اذا طلعوا
معانا ما اقول شي بكل طلعه لي معاه لازم اهما معانا بكل مكان حتى بالسوق يقعد
يتكلم جدامهم بسعر الساعه اللي كنت بشتريها ولا بسعر العبايه اللي شريتها
واهما ما يقصرون يروحون يقولون لامهم
المشكله الاحين يقولي ما تولدين بمستشفى خاص وما علي منج وانا خايفه
حيل ومابي هالشي قولولي شسوي معاه حولت اكلمه افهمه ما يستوعب مع أنه
مو مقصر مع بنته من حرمته الاولى وانا محسر فيني واهوا معاشه راهي اسكت
له ليمن اولد والله يحلها بعدين ولا اكلمه وان كلمته ما يفيد الكلام معاه
لازم توصل للمناجر والهواش ويمد ايده ولازم أعاند واعلي صوتي عليه علشان
يخاف ويسكت عني وآخر مرآ وصلت للطلاق بينا وبغيت آروح بيت أهلي
بسبت سوالفه العويه معآي ؟؟
