بدأ التسجيل

[بعيونك كلام]

السلام عليكم ورحمة الله


بنات امانه عندي اشياء مو فاهمته ,,,,,,,,,,, ياريت احد يفهمني ,,,,,,,, والله يوفق ويسعد كل اللي ترد علي ,,,,,,,,


اخر الشهر عندي تسجيل على حسب الموعد اللي بسستم التسجيل ,,,,,,,,,,,

وموعارفه شلون اطلع رقم المقرر او شنو اكتب في المربع الخالي ,,,,,,,,,,,

اسم المقرر شنو اكتبه ؟؟؟؟؟؟؟؟؟؟ نفس اللي بالميجرشيت؟؟؟؟؟؟؟


وهل راح ينكتب الوقت والدكتور ,,,,,,,,, ؟؟؟
وووين القى المواد ,,,,,,,؟؟؟؟؟؟؟



بلييييييييييييييييييز ساعدوني
حددددي ضايعه

:eh_s(11)::eh_s(11)::eh_s(11)::eh_s(11):

 

[بعيونك كلام]

آب آب

 

[صـوفي]

اب اب

 

[بعيونك كلام]

صوفي :eh_s(17)::eh_s(17)::eh_s(17):



آب آب

بنات انطر اجااااااااااااااااابه

 

[ابدا يالغالي مانساك]

اب
اب
اب

 

[ورور92]

وعليكم السلام حبيبتي ..

مافيه شي التسجيل سهالات ان شالله ..

مثلا تبين مادة تربية اسرية .. اهيا مثل ما تعرفين تتبع كلية التربية

لما تدشين على رقمج .. وتدخلين عالتسجيل

راح تلقين مكتوب " اضافة باستخدام محرك البحث "
شي جذي
ضغطي عليها

واهو يتيح لج البحث عن طريق رقم المادة أو اسمها أو الكلية والقسم

مثال ان اابي مادة تربية اسرية

بس اختار كلية التربية و يطلعولي كل المواد

او مثلا ثقافة اسلامية

ادش على كلية الشريعة .. ويطلعلولي كل موادها

واحددها .. و احط اضف الى خطتي للتسجيل

و اروح السحب الاضافة

واضغ على الثقافة الاسلامية اظهار الشعب
واشوف الشعب الموجودة .. و يطلع لج الدكاترة و الاوقات .. والايام .. وقت امتحان الفاينل.. و عدد المقاعد المتبقية

وانتي تختارين اللي يناسبج ^_^

ولاي سؤال حبيبتي انا مووجودة

ان شالله اوصلت الفكرة :**

بالتوفيق

 

[amani]

إختي وررو92

شلون نسجل للجامعه ولدي متخرج من الثانويه ومو عارفين شلون نسجل وكل ما نفتح الموقع مو عارفين وين مكان التسجيل

الله يعافيج ساعدينا وبارك الله فيج

 

[al-shyo0o5]

آختي آماني ,,


هذا رابط التسجيل الالكتروني http://portal.ku.edu.kw/kuadm/faces..._afrWindowMode=0&_adf.ctrl-state=18eah9px2j_4


ادخلي عليه تلقين تحت "اصدار اسم مستخدم جديد" اختااريه

خلي ولدج يعبي بيانات "الرقم المدني ,رقم الجلوس ... الخ


وبس يدخل يلقى بياناته لااازم لااازم يطبعه ,حتى حااطين له برنت تحت <يعني طبااعه
لان هذا طلب الالتحاق بالجامعه لازم يقدمه مع اوراقه


وبنفس الصفحه الي راح يطبعها تلقين رابط ادخلي عليه تلقييييين كل بياانات الولد "الاسم كامل , العنوان , ارقاام التليفونات .... الخ

ويسجل رغباااااته وؤالله يوووفقه

اتمنى فهمتي علي

 

[mysterious sea]

اللي بيسجلون بالنت : يروحون قوقل يكتبون جامعة الكويت بالويب < بعدين يضغطون على اول رابط , بعدين يبطل موقع الجامعه تلقون فوق عاليمين مكتوب عربي ضغطي عليها او يمكن يبطل الموقع نفسه بالعربي , المهم تلقين عاليمين مكتوب ((نظام التسجل)) تضغين عليها تطلعلج صفحه بروح , بعدين بهالصفحه اليديدهـ يطلعلج مربع اصفر مكتوب فيه اسم المستخدم وتحته كلمة السر , < تكتبين فيهم رقمج الجامعي اللي اهوا < اسم المستخدم , وكلمة السر اللي اهيا باسووردج < < < و باسووردج محد المفروض يعرفه غيرج علشان محد يقدر يدش على بروفايلج ويتعبث بموادج ويعرف درجاتج

ملاحظه : اسم المستخدم وكلمة السر تروحين تاخذينهم من العمادهـ <<<


المهم بعد ماتحطين اليوزر والباسوورد يدش على بروفايلج عاد اذا بتسجلين ترووحين فوق تلقين الخدمات الاكاديميه> > خدمات التسجل >> التسجيل ,,,

تطلعلج صفحه فيها تحت مربع صغير تحطين عندهـ صح مكتوب عندهـ ( لقد قرأت ووافقت على البنود السابقه) طبعا بعد ما تقرونهم , بعدين تضغطين على ( اذهب الى خطتي للتسجيل باستخدام صحيفة التخرج )

بعدين ,,,

تلقين فوق خطتي للتسجيل بإستخدام محرك البحث <<<

تطلعلج صفحه , تنزلين تحت بالصفحه مو حيل تحت بنص الصفحه جذي , تلقين مكتووب ( الكليه) ويمها سهم تضغطين عليه تطلعلج قائمه فرعيه فيها اسماء كل الكليات

وهمن تحت مربع الكليه مكتوب (القسم) نفس الطريقه عاد تختارين القسم الي تبيه ويكون مكتوب يم الماده الي ناويه تاخذينها هالكورس بين قوسين )) بصحيفة التخرج

يعني اول شي لازم تبطلين الميجرشيت < صحيفة التخرج على اسم كليتج وتختارين التخصص اللي ناويه تتخصصينه وتشوفين المواد المكتوبه فيه , او اذا ماكان عندج الميجر شيت الي اهيا صحيفة التخرج (تروحين تاخذينها من العمادهـ) < واذا تبين تسجلين الحين واهيا موعندج >تروحين هني بالموقع نفسه مكتوب فوق التسجيل باستخدام صحيفة التخرج عاد اختاري اسم كليتج والمواد المطلوبه تاخذينها وتخلصينها عشان تتخرجين , عاد تختارين اسم الكليه مثلا العلوم الاجتماعيه وتنزلين تحت المربع وتضغطين عالسهم يطلعلج اسماء الاقسام الفرعيه بالكليه (علم نفس,علم اجتماع,علوم سياسيه,جغرافيا,الخ) ,,,عاد تختارين مثلا <العلوم الاجتماعيه , والقسم علم الاجتماع < بعد مااخترتي اسم الكليه والتخصص الفرعي مثلا تبين مدخل علم اجتماع تختارين بالقسم الفرعي (علم اجتماع) , الي اهوا مكتوب عندج بالقسم , وبعدين تلقين تحت عاليساركلمة بحث تضغطين عليها ويطلعونلج تحت كل المواد الي بالجتماعيه وخاصه بـ علم الاجتماع <<< وبجذي تختارين اسم الكليه والقسم الي تبينه وتضغطين بحث بعد ماتطلعلج اسم الماده يمها مربع عاليمين حطي عنده صح ونزلي تحت وضغطي على ( اضف الى خطتي للتسجل ))) ,,, بعدين تروحين فوق بالصفحه نفسها مكتوب السحب والاضافه تضغطين عليها < تطلعلج المواد الي انتي ضفتيها واخترتيها وبعدين مكتوب يمها (( أضهر الشعب) << تضغطين عليها وبعدين تنزلين شويه تحت عاد يطلعلج مكتووب اسامي كل الدكاتره الي منزلين هالماده والشعب اذا كانت مغلقه او مبطله وعند اي دكتور ومن الساعه جم لي جم وحتى موعد الامتحان النهائي تلقينه مكتوب عاليسار واذا لقيتوا مكتوب 2 4 عند الماده يعني هالماده تكون بيوم الاثنين والاربعا وديروبالكم < مواد الاثنين والاربعا مدتها تكون ساعه وربع ,, واذا العكس لقيتوا يم الماده مكتوب 1 3 5 يعني هالماده تكون كل احد وثلاثا وخميس وتكون مدتها خمسين دقيقه فقط "< واذا لقيتي الماده مكتوب يمها 12345 يعني طول ايام الاسبوع وماتكون الماده طول الاسبوع الا اذا كانت انجلش تمهيدي او ونفور ون او ون فور تو ,,, ... ,,, واذا لقيتي الشعبه مبطله عشان اتعرفين انها مبطله تلقينهم حاطيلج يمها كلمة ""اضف"" عاد تضغطين اضف واذا ماحصلتي حذفي الماده من السحب والاضافه وردي لفوق < خطتي للتسجيل باستخدام محرك البحث واختاري اسم ماده غيرها وشوفي اذا في شعب مبطله سجلي واذا مالقيتي ردي والله يعيينج !

أتمنى أفدتكم , لان لفت انتباهي شكر مستجدات يسئلون عن طريقة التسجيل , وان شاءالله استفدتوا ,,

الموضوع من مجهودي الخاص , كل اللي ابيه دعوه بظهر الغيب والله الموفق ,,,

 

[مس روبنز]

ادخلي على موقع الجامعة وبتلقين في طريقة الشرح بالصور المتحركه تفيدج أكثر تحصلينها >> بالمساعده