بداوم من بعد غيبة8اشهر عن الدواام...وبسوي ريووق للدوام ساعدوني برايكم

[om MaRyooM]

السلاااااااام






صارت عندي ظروف وحملت وولدت وتعبت ... فـ توتال غيبتي عن الدوام مدتها 8اشهر

بعد جم يوم برد الدوام

وحابة اسوي ريوق واييب حلو بهالمناسبة

خصوصا ان بنات الدوام فديتهم علاقتي فيهم قوية .. ودوامي خلط :eh_s(10):

شنو المناسب؟؟؟؟

من وين ايييب ريوووق ؟؟؟
والحلو شنو يكون ؟؟؟
ومن وين؟؟؟؟

ابي رايكم بليز
ابي اسعار زينة لأن الميزانية عليها السلام:eh_s(4):

 

[DELY]

اذا تبين شي حلو عندج اوبرا لذيذة معجناته وهم حلو القهوة
اذا ميزانيتج ما تسمح طلبي شاميات مشكلة من فطاير الفارس لذيذ ومرتب وسعره وايد زين والحلو ييبيه من اوبرا او امبرس

 

[تمر & رطب]

بالسلامه اداومين انشالله
اذا تبين ميني ساندويش عندي بوكس مشكل 48 حبه ب 12 دك
بالنسبه للحلو عندي
بوكس التمريه المشكل ب 12 دك
بوكس الرطب المحشي ب 15 دك
وعندي عالطلب محشي لهانه ب 12 دك
واذا تبين نظام مواعين او سخانات في حريم بالمنتدى شغلهم حلو مثل وحده اسمها ناطع وفي ركن الذواقه

 

[om MaRyooM]

مشكورين قلب

ابي بعد اراااء بليز

 

[baskota mal7a]

انا اقول حبيبتي طلبي من وحده حمسات وجذي سوالف ويبي عصاير فريش اتفقي ويا احد يوصلهم

ولا تبين سوالف صاج وسندويجات ؟​

 

[*عهد*]

للرفع

 

[الاحساس]

انتي شنو تبين ؟بالضبط

تقدرين تيبين سخانات فيها حمسات مع الحلو والسيرفس كله

او تييبين من عندج اطباق او تطلبين حلو بروح وتييبين عصاير والقهوة

 

[softlady]

جم عددكم ؟

 

[manoooram]

حبيبتي انا يبت ريوق من wow صج كان حلو ويبيض الويه وراااهي
عبارة عن ساندويش و كاسات سويت و ورق عنب مع كبب
كان حلو

 

[om MaRyooM]

ماقدر اسوي حمسات وهالسةالف
ابي شي فيه ذرابه
لان دوامي صعب اسوي جذي ومااقدر بوفيه او اطلب سيرفس لان اداوم بمستشفي ومعاي دكاترة
والقسم في واايد

 

[سويت فانيلا]

في مطم في مثل مربع مقسمات كذا نوع اكل ومرتب وذرب وايد حلو كل شي فيه متل سنادويجات حلويات وايد فيه اشيا حلو با6 ونص

 

[حجيه هيونه]

اكو بالمووضوع هذا واحد يسوي سندويشات شكلهم وايد مرتب


http://www.q8yat.com/t980340.html

 

[شوقي وغلاي]

ماادري ..بس المفروض اهم الي يسوون لج الريوق ..

 

[من يشابه ديرتي]

واو
ريوقهم ذرب وحلو
طلبت منهم مره ريوق للدوام ,,, ساندويشات الحجم الصغير حشواتهم لذيذه
وورق عنب ..وكاسات الحلو

والدنماركي بعد حيل حلو

 

[ام الدرر]

ام مريوم
مدام الميزانية مش ولا بد
اولا شوفي احد من الاهل يسوي لج ورق عنب صحن كبير
ثانيا شهريار
عندهم جاطات سلطة ب6 دنانير الصحن القصدير الكبيير (تبوله - فتوش - معكرونه خضرا - معكرونه سويت - شمندر - بيديان حلو)يحط لج بالصحن تقريبا 6 انواع
طلبي لج 2 او 3
شكله حلو وذرب
ثالثا معجنات اختاري محل كشخة اما
واو او مندرين او الدانمركي
واذا غالين الخباز معجناته حلوة وفريش مع صلصاتهم تصفينه بصحن من عندج بيطلع شكله عجيب
والسويت كيكة من كراميل او فيكتوريا من برد توك شزينها
والف الحمدلله عالسلامة​

 

[om MaRyooM]

تسلمون فديتكم والله مااااقصرتووو

 

[om MaRyooM]

ام الدرر

حبيبتي والله
خوش افكاار مشكووورة
صاجه محل كراميل عجييب

 

[baskota mal7a]

مطعم بونجورنو حق الريوق وايد يمدحونه وعندج هيلثي بيقلز اذا تحبين البيقلز وينوعلج بالحشوات عندج مطعم ميلز اون ويلز وايد يمدحون الريوق عنده صاجات وهسوالف ويبيلج بطلين عصير عوار قلب كفخيهم فيه لووووول والف صحتين​

 

[om MaRyooM]

thaaaaaaaaaaaanks


ماتقصرون والله
احبكم

 

[امواج الكويت]

اعتقد اهما المفروض يسوون لج احنا دوامنا جذي