بدايه حملة (بياض روسيات وشعور هنديه وجمال طبيعي ) تـــاريخ 1/7/2009

[المتلثمه بعلم الكويت]

امل اي هذا الزيت لوز لايفوتك روووعه للجسم يفتح حيييييييييل وحتى للوجه يوحد اللون

 

[مدمنة خلطات]

صباح النور على أحلى البنات

طلوووبة
موجوودين يا الغلا
ومدهرررين

اليوم ..

شعري
دابر وحلبة
حنة وسدر
ترطيب مكثف

بشرتي
بابايا وماي ورد
سكراب
ماسك (كركم + لبن + ماي ورد)
ترطيب بخلطة (سودو + لوز + فكس)

جسمي
خلطة شالسالفة (6 ساعات) :ggdw:
بخار (10 دقايق)
نشفت جسمي واخذت صابونة (شاندريكا) بللتها بماي حار وفركت جسمي فيها
يعني غرقت جسمي برغوووتهاااا
ولبست فوقها كيس الثياب حق المغسلة
وجلست فيه حوالي (ربع ساعة)
بعدها دخلت تفركت بالخلطة الصابونية
آآخر شي تفركت بالليفة المغربية تحت الماي الحااار أنوااااع النظافة تحسونها بهالحركة _03BA:

ترطيب .. جلوسليد + زبدة الكاكاو ....

قبل النوم ..
تررررررررطيب للبشرة والجسم بانواع الخلطات اللي عندي :dddds:
علشان بكره الممممممع لمعتن ابدن مهيب طبيعية :krkrkr: >> عندنا الفطور بكره حياااااكم :eh_s(6):

 

[طـالبة]

ام الجكر

انا قعدت العصر غصبا عني

والحين بنام

وانشالله اقدر انام


وليش ما تحبين الخلطات

بالعكس والله حلوين واااااااايد

شوفي اول شي لازم تحسين بملل
بس بعدين يصير روتين عندج

انا اقعد من النوم نص ساعه بالحمام
عشان اغسل ويهي واشيل اللي حطيته قبل لا انام
وناسة تعودت على هالشي

والتكريم والله ماكو احلى منه
وريحة فازلين زبدة الكاكاو عجيبة ودي على طول احط منه

يلا عشان انا وياج نتزوج بيوم واحد انشالله

بنات بقولكم على شغله
حق اللي شعرها خفييييييييف


انا بعد ما تسبحت
نشفت شعري بالفوطة
وبعدين نزلت راسي لي تحت
ودلكت فروة راسي
وبعدين رفعت راسي مشطت شعري
ورديت نزلت راسي ثاني مره
وربطته بشباصة كلبس

وخليته جذي تقريبا ساعه

ولما وخرت الشباصه
بصراحة شفت شي مو طبيعي
شعري فيه لمعه + شكلها كثيييييييييييييييييييييييييف ماشالله لا اله الا الله
وانا اصلا شعري مدرج فبين شكله وايد حلو
وكل درجة واقفة بروحها

بنات والله شي عجيب لو اوصف لكم من اليوم لباجر ما راح اوصل لكم اللي انا شفته

جربوووووووووها خوووووووش حركة



مدمنة
اي وينكم ليش منخشين

انا قريت قرآن وصليت والحمدلله

وحطيت زيت جنين القمح على ويهي وخلطة الزيوت على رموشي وحواجبي

والحين بنام

انشااااااااااااااالله انام

تصبحون على خير

 

[أم منيـرة]

اليوم
راااااااااحه بس مجرد ترطيــــــب ،
لشعري اول ماقعدت حطيت كريم مرطب للشعر .. ورشي بخاخي طبعا ..
ووجهـي بعد العناية بالغسول وصابونة البابايا .. حطيت كريم يوولاي ..
وجسمي ترطيب بزيت اللوز المر + زيت الخروع للبشره + زيت الجلسرين ..
ورجولي جليسوليد << حسافه شوي فيه وبيخلص ..
وايديني مرطب فازلين .. وكوعي وركبي " فازلين + كريم ماجيك " ..
وبس وبعدين نزلت وتفطرررررت عدل < ياربي أمتن :$

والحين سويت العناية الي قبل النوم للوجه ..
سنفرة ستيفيز للوجه ، ولليدين وللرجل ..
وعقب غسلتهم بصابونة البابايا ورشيت ماي الورد ..
وعقب حطيت على وجهي زيت جنين القمح + كريم بين ..
جسمي = زيت اللوز المر + زيت الجلسرين ..
رجلي = جليسلوليد ، ايديني = كمان جليسلوليد ..
ركبي وكوعي = جلسرين وليموون < نتايج مذهله :$
وشعري رشيت البخاخ :$ ..
وبـآجر ان شاء الله بسوي العناية بالشعر " بحط وحده من خلطات الشعرررر " ، وبدهن جسمي
وسلامتـكم ..

أمــل اي هذا إهو زيت اللوز المــــــر

 

[امـل]

امل اي هذا الزيت لوز لايفوتك روووعه للجسم يفتح حيييييييييل وحتى للوجه يوحد اللون

مشكوووووره متلثمه عالرد الله يجزاك خير

والله يشفي اختك عااااجلا غير آآآجل

 

[آلصرقــ غ ـرآآآمي ــعه]

طالبة نوم العوافي :eh_s(6):

بنات بقولكم شي مستغربة منه

انا ريولي قامجة .. بس بمفاصل اصابع ريلي .. اللي نفس مفاصل الايد ... ماكانت سودة بس بالصبع العود وشوي قامج مو حيل ... والحين بعد خلطة الفازلين كل يوم مع السنفرة الصبح ... احس قام يطلع لي في كل اصابيعي .. ليش .. انا قلت افتح مو اقمج ... ليش صار جذي ... هل يمكن يكون من السنفرة ؟؟؟؟

لان مرة سمعت وحدة تقول ان دكتورة جلدية تقول ان السنفرة تسود مع الوقت ما تفتح ..؟؟؟؟؟ هل هالشي صحيح ... مع ان السنفرة معرووف انها تشيل الجلد الميت وتفتحه .... بس ليييييييييييييش صار معاي جذي .... عفيا قولوليييييييييييييي



انا الحين حاطة شالسالفة .. صار لي ساعه فيها .. وبقعد ساعة زيادة او ساعتين ... يعني المجموع 2 او 3 ... بس وعساني اسوي هالشي كل يوم .. عشان القا نتيجة نفس هذيك البنت .. اللي جربت هالطريقة .. وعقبها بتفرك بلندن وبالصابونية .. وبتدهن ... بجلسرين وزبدة الككاو .. ريحتها تهببببببببببببببل ...

اي والله صاجة طالبة ريحتها حلوة .. بس يا ربي اتملل .. يلا ان شاء الله اتعود وتصير من الروتين .. الله يسمع منج ... واذا ع العرس .. ماراح اتزوج الا لما اشوف شعري لي ركبي .. والكثافة .. مثل شعر الاسد ...... قوية صح .. :eh_s(6):

لان صج اذا بتزوج .. وين شعري الي بسويه بالصالون حق يوم العرس .. مافي شعرررررر .. بس الحمد لله وايد شعر صغار طالعة لي .. وقاموا يطولون بسرعه ... طول صبعي مرتين .. خلال شهر او شهرين .. مو كل الشعرات بعضهم ... لازم هالنتيجة من عقب 5 اشهر علاج بهالزيوت الخايسة ...

المهم عقب ما اتدهن بحاول اقعد واواصل لي الليل .. عشان انام مبجر .. والعناية اليومية مثل ما اهي ..

بنات قريتوا موضوع خطورة زيت الخروع ع العين ... وحده صارت حولة منه وراحت تتعالج منه .. والدكتور قال فيه ملين ومادري شنو بعد .. بصراحه خفت .. بس للحيني استخدمه ...

بس بقول حق خالتي تييب لي اثمد عشان اخلطه مع فازلين (( يقوي الرموش الفازلين )) وبخلطه مع عسل .. وبتكون هذي خلطتي بس عقب ما احصل الاثمد الاصلي .. تقول مادري من وين اييبونه .. بس منقع بماي زمزم .. وزين حل ومو مغشوش .....

ولان الحديث اللي حاطته حيادر الله يهداها .. عن نواة التمر .. انه ينبت الرمش ويحد البصر ... ماسمعت فيه من قبل .. احسه غلط .. سمعت عن الاثمد ...{ عليكم بالإثمد فإنه يجلو البصر وينبت الشعر } هذا الحديث ... بس التمر الي اعرفه انه يقوي البصر .. بس مو النواة .. فمادري شنو فايدته .. الله اعلم .. .. بس وانا بقوقل ادور عن النواة .. قالوا انه يستخدمونه كمسحوق لتكحيل العيون .. والقدماء المصريين يستخدمونه .. فمادري عنه ...
وهذا رابط عن فوايده .. بس ماله شغل بحديث الرسول عليه الصلاة والسلام
http://www.inshady.com/vb/showthread.php?t=2173

المهم

شنو بقول بعد اممممممممممممممم .. ودي اتحلطم بس مادري شقول :eh_s(6):
بس ماعندي شي .. بس عاد ردوا علي ... لا تطنشون ...:eh_s(6): ..سولفوا وياي :eh_s(6):
​

 

[امـل]

مشكووووره ام منيره عالرد بصراحه كنت ملخبطه بينه وبين زيت اللوز الحلو

والله يخليلك منيره

 

[مطيريه عسل .. ~]

بنات !!





انا اسألكم ما رديتو علي ليييييييش ؟




كل اللي مكتووب بالموضوع استفدتو منه بكل امـانه

لان والله ودي .. ابدا معاكم






ردوو علي بليييييييز

 

[Fofita..]

مرحبا

سجلت بالمنتدى خصوصي عشان الموضوع

بنفع ابدا معكم هلء ولا خلص!!

لاني شفت الموضوع بالصدفة وعجبني وسجلت كل الاشياء عشان اشتريهم من عند العطار

بس حتى شجعتوني وعملت بلاشياء الموجودة عندي

بنات بنفع اكمل معكم ولا لاء؟!!

والله يحفظكم .. وان شاء الله بتضلو مستمرين

 

[آلصرقــ غ ـرآآآمي ــعه]

مطيرية عسل

اقري الجم صفحة اللي فاتوا ... راح تشوفين اجابات على سؤالج ... لان وايد قبلج سالوا نفس الاسئلة

وانا توني بادية للحين مامدى تطلع لي نتيجة


◕‿◕Fofita

اي حبيبتي حياج ويانا ... وابدي وشوفي النتايج

بس سمعت من اضوى انها بتبدي حملة يديدة بعد العيد .. فمادري عنها بتكنسل هالحملة والا بتستمر عليها ؟؟؟:eh_s(1):

لكن كيفج انتي تبين تسوين عادي .. حياج .. ويانا .. وابدي من الحين .. وخلصي خلطاتج بشهر .. واذا في حملة يديدة .. اشتركي فيها بعد :eh_s(6):​

 

[طـالبة]

ام الجكر


اليوم بعد قعدت الساعه 3 ونص العصر

بس بالليل ما اقدر انام
انام تقريبا 7

لكن الحمدلله على كل حال

ومفاصل ريولج يمكن لان المنطقة اللي حوله قاعده تفتح
واهو تفتحه بطئ
عشان جذي تحسين انه لونه يغمج

انا جذي ايديني وريولي
بس مو اسود
لا
فيهم نقاط لونهم بني
قبل كان لونهم اسود

والحمدلله خف السواد

وقريت الموضوع اللي يقول ان الخروع مو زين

بس اول مره اعرف هالمعلومة بصراحة
طول عمرهم اهلنا يستعملونه وماصار فيهم شي
اسمله علينا وعليهم وعلى كل البنات

والاثمد الاصلي يقولون بالسعودية يبيعونه
لونه احمر اعتقد

لكن والله ماعندي علم فيه

 

[آلصرقــ غ ـرآآآمي ــعه]

بنات

اكتشفت من شنو التعب اللي احس فيه من التفرك بالخلطات ... اهي بروحها تعب .. والا يهلكني وما يخلي عندي شوية نسم بزيادة .... الخلطة الصابونية

مع انها زينه .. وريحتها صابون .. بس واااااااااااااااااااااااايد ريحتها قوية .. احس تخنق .. الاكسجين يخلص بالحمام

واحس ان صدري وبطني مترووووووس من الريحة .. والله اخاف يحوشني تنق والا ربو منها ... انتوا مايصير معاكم جذي

؟؟؟؟؟؟؟؟؟؟؟؟؟؟؟؟

المهم بعد ما تسبحت من شالسالفة كانت الساعة تسع ونص الصبح .. وحتى من التعب .. ما تدهنت .. بس كنت حاطة بيبي اويل جونسون ..

وسييييييييييييييييدة الفراش .. وخشششششششششش عطها نووووووومة .. وقمت 2 ونص صليت الظهر ورديت نمت .. ماحسيت بالوقت .. وعقب قمت 4 ونص تقريبا .. عقب ما حوشت لي جم زفة من امي :eh_s(1):

وبعد كل ما اتذكر ريحة شالسالفة .. احس جبدي تقلب... امي تقول لان خشمج تشبع من الريحة ... وااااااااااي على كثر ما ادور هالخلطات .. لاعت جبدي منها .. مادري شسوي .. كرهتها

بس بحاول اكمل .. مدامها ساعتين .. والله يعييييييييييييييييييييييييينيييييييييييييييي من قلببببببببببب .. ابي يتوحد لوني بسرعه .. بس مايصير اهو مو سحر



يلا الحين بصلي العشا و التراويح .. وبتدهن بخلطة الفازلين عشان تكون لي فترة فيها ( للركب والكوع والريل ) واتدهن بزبدة الككاو والجلسرين ( حق جسمي ).. وبحط جنين القمح حق ويهي .. وخلطة الرموش والحواجب .. ومادري يا انام او ادش النت مرة ثانية (( مافيني نوم ... بس مكسلة )) .. ويمكن اسوي كمادات جاي على عيني عشان يسحب السواد والانتفاخ .. بحطه فوق جنين القمح عشان يعطي مفعول اقوى

يلا سلااااااااااام :eh_s(6):​

 

[آلصرقــ غ ـرآآآمي ــعه]

واي حددددده معاناة مع النووووووووم

هههههههههههههههه

بالنسبة لللاثمد .. مو شرط الاحمر ... الاحمر نشتريه من العاطار عادي .. لانه مايصير يغشونه .. بس الاسود يحطون فيه رصاص .. عشان يصير اكثر.. وعادي ينباع باي مكان على ما اعتقد .. بس على حسب مغشوش او لا .. وانا بشتري اصلي .. تقول خالتي نفس الحجر منقع بماي زمزم .. واحنا نطحنه ونبيعه باللجنة ... وانا بشتريه ... وبشوف النتيجة

بس والله اللي فيها حساسية بعينها تحط الاثمد ..ز عجييييييييب .. اخواني 2 منهم حساسية .. واحد منهم حطتله 3 ايام وراحت كلش ... لان تعب من كثر ما نوديه مستشفا البحر .. وماكو فايدة .. بس من الاثمد الحمد لله وحده بوحده ... هههههه بس اخوي مايحبه .. لانه بودرة ويقز العين .. وتصير مكحلة .. يحس انه بنت ... يعصب ... يروح يغسله ساعات ههههههه مسكين :eh_s(6): ​

 

[المتلثمه بعلم الكويت]

حاليا حاطه خلطه جسمي
وشعري زيت ولابسه كاب وانتضر الفجر اتسبح

 

[رسوم الحب]

مرحبا بنات شخباركم عساكم بخير
انا بصراحة صارلي يومين مالي خلق اسوي شي بس ترطيب للجسم وانشالله من باجر ابدي احط الخلطات

 

[مدمنة خلطات]

هااااي بنوتااااات شاخباركم ..؟؟

اللي يسألون لقينا نتيجة ..!!
اي الحمدلله لقينا
صج ما بعد صرت مثل هالممثلات والدميرات :dddds: لكن في سبيلي الى ذلك _03BA:

اليوم ,,
بما اني نمت وانا متدهنة بالزيوت
اول ما صحيت

بشرتي
بابايا وماي ورد

جسمي
تفركت بخلطة شالسالفة
ترررطيب

شعري
غسلته ورطبته ترطيب مكثف


ام الجكر
حطي خلطة شالسالفة على ريولج ولبسي كيس نايلون >> حق اللحم
وفوقهم دلاغات .. وقعدي فيه المدة اللي تقدرين
بعدين فركيهم بالخلطة الصابونية وسوي لهم سكراب

وان شاء الله بيخف

 

[طـالبة]

ويي بنات وينكم

انا امس سويت ماسك النشا وماي الورد
ولما نشف شلته

بس لاحظة ويهي صار احمر منه وكأنه حسس
راح ابعد عنه فتره واحط ماسكات ثانيه
سنفرت ويهي بستيفز

وفكرت ايديني بزيت زيتون وشكر وسنفرة ستيفز

والحين حطيت جنين القمح على ويهي
وخلطة الرموش
وبين على ركبي وريولي وفوقهم فازلين
وايديني بين


صج بنات بقولكم

امس اختي شرت زيت النمل من العطار
منو جربته؟
ام منيره قلتي انج جربتيه صح؟



بس بنات بسألكم

تعرفون شنو الحية بالحلم؟

وتصبحون على خير

 

[أم منيـرة]

طـآلبه ،
اي انا من زمان جربت زيت النمـل ولي يومج هذا أحطـه ..
رهيييييييب نفعني حيـل ..
صرت ما احف الا من شهرين لي ثلاث شهوور ..
يخلي الشعر يطـوول على ما يطلـع ..
وفي أماكن يضعف الشعر فيها ويخليه ما يطلع نهائيا ..
عجيييييب ..
لكن حطيه بعد الحـف ..
ولازم تكون حافه بشيره او ملقـط .. مع المووس ما ينفع أبداااااااااااا ..
وبس :$

 

[طـالبة]

ام منيرة
مشكووووووورة وانشالله بجربه

وعلى الله يخف هالشعر اللي ملوع جبدي

بس تبين نتايجه على طول او تطول؟

 

[رسوم الحب]

مرحبا بنات
شخباركم والله لكم وحشة
انا الحين حاطة خلطة شسالفة ع جسمي وسويت العناية اليومية