بدايه حملة (بياض روسيات وشعور هنديه وجمال طبيعي ) تـــاريخ 1/7/2009

[طـالبة]

ليالي

خلاص اذا مو مرتاحتله لا تستعملينه

اخذي اللي يريحج حبيبتي

بنت السيالات

كاااااني

شلونج حياتي؟ انشالله ماشية بالبرنامج عدل؟


عناية قبل النوم

غسلت ويهي بكلين اند كلير + صابونة البابايا + ماي ورد + كريم بين + هيمالايا للهالات السوداء
واكو نملة خيوسة قارصتني من حنجي وقاعده تحكني حطيت فازلين


ايديني
صابونة البابايا + سنفرة ستيفز + كريم بين فوقه فازلين

ريولي صابونة البابايا وسنفرة ستيفز وفازلين ولبست دلاغ
والاكواع والركب خلطة الفازلين

وبس

تمسون على خير

 

[غــــلاالكــون]

والله انا كنت مساااااافرة وتوني ابي اريح لي شووي من تعب السفر

بعدهاا ابلش اشتري اغراااض الخلطاات


بسوالله عورني قلبي لما عرفت انكم بلشتووو قبلي


بس ما عليه اناا بعد بحااول بسرع وقت اخلص و ابلش

تقبلووووا مروووري


الله يعطيكم اللي في بالكم

و بااالي بعد

 

[فـرفـر]

صباحكم وووووووووووورد


شلونكم يالغزلااان




انا توني ماحطيت شي بس بحط خلطه شالسالفه وخلطه الجرجير لشعري

تري جد حبيت خلطه شالسالفه تهببببببل

ومالها ريحه مثل قبل

 

[فـرفـر]

طــاااالبه & أم فروووحه

بنـــاااااااات وينكم ........,


لوليتااااا شلونج .. بشريني جربتي الخلطه شصاااار وياج ؟!!

موجوده يااقلبي



ان شاء الله تصيرين احلي وحده بالاستقبال بس الكريم للي بتحطينه من وين ماخذته _03ba:

 

[فـرفـر]

قلبي حطي عند رهام الشطي رووووووووووووعه

سامعه عنها بس ماعرف شغلها يبيله افتر واشووف ابي اطلع طلعه _03ba:

 

[مدمنة خلطات]

ام منيرة
يسلمووووووو يا الغلا
ابشرج طلعت الق لق هههههههههههه

القبلة
يا قلبي اللي يسوون مغربي كل اسبوع كم يجلسون بالبخار ؟؟
مو اقل من ساعة
وانا اسوي البخار حوالي 3 مرات بالاسبوع لمدة عشر دقايق واذا بسوي انجاز ربع ساعة
يعني المدة اللي اجلسها اقل حتى من المطلوب

ام فروحة لووووووووووول
لباااااااااااااااا قليبج والله
سكن سكس كريم تقلينه بالصيدلية
والخلطة احطها بالليل ولا صحيت غسلتها
احطها على جسمي و وجهي
وفيداوت وش سالفته ..؟؟
نبي تفاصيل قصة الاحراج لوووووووووووول


رمش العين
هلالالالا وغلالالا
يارب تصيرين احلى عروس

عطر
موووووفقة وفالج الفل مارك

 

[فـرفـر]

ام فروحة لووووووووووول
لباااااااااااااااا قليبج والله
سكن سكس كريم تقلينه بالصيدلية
والخلطة احطها بالليل ولا صحيت غسلتها
احطها على جسمي و وجهي
وفيداوت وش سالفته ..؟؟
نبي تفاصيل قصة الاحراج لوووووووووووول

اهليييييييين مدمنه بشري شصار علي الحفله _03BA:


كتبت رد شطوله وشرح علي كيف كيفج والا يفصل الجهاز قطع اكرهه هالحركه :eh_s(1):

السالفه ياطويلة العمر


شريت كريم فيداويت البني قالت لي الصيدلانيه اخذي البني اخف من الازرق


واخذته وتسبحت وتعطرت>> اخلصي :dddds:


وكان اذكر وقتها كاان الشتا وتعرفين لازم نسبح والماي يغلي :eh_s(6):


المهم لطخت الكريم في وجهي ونمت

ثاني يوم قمت





الصدمه











وجهي متفووخ وعيوني وارمه وجنها احد صاكني طراق علي عيني لونهم ازرق علي بنفسجي خوش لون يصلح لبدله عرس :dddds:


والله امى جكت فيني تقولي انتى رايحه تافخه ابر :eh_s(1):

والا يقولي منو طاقج



قلت الحمد الله انا قبل لا انام شفتيني وهالشي صار بليل يعني وين بطس واتفخ هههههههههههههههههههههههه



المهم رحت لدكتور الجلديه بالصباح والا الدكتوره عندها طلبه ميداانى ياحليلهم بكتب لج الكلمه بالابيض


جيكي :eh_s(6):>> مزايين



انصدمت قالت هذا من شنو وانا حسيت انه وجهي بررررررررررررد فشله واقولها من هالكريم

والا هم يطلون بوجهي ويكتبون والا واحد يقولي ممكن احط ايدي واجيسه عاد انا قلت السالفه خربانه

خل يحط ايده بلعنه اهم شي وجهي يرجع :krkrkr:



قعدت اسبوع علي حبوب للحساسيه وكريم

بس جد تهزأت :eh_s(1):

 

[..ليالي..]

صباح الخلطات والماسكات والحنا والزيت

شخباركم بنات

انا بصراحه مواصله من امس نمت ساعه ونص بالضبط
وقعدني الغالي الصغيرون الله يحفظه

طبعا تعومست وقلت خلاص ماراح انام

عاد انا قعدت واهو رد نام <<تستاهلين هههههههههههههههه

المهم
انا اليوم ماشاء الله
اول مره احط خلطة شالسالفه على جسمي
وحطيت ماسك نشا مع ماي ورد بوجهي
وبس
بعد شوي بأتحنا واغفى الظهر
واتسبح العصر ان شاء الله

بنات خلطة شالسالفه لازم اتطول يعني 6 ساعات

 

[مدمنة خلطات]

سلالالالالالالالامتج >> متأأخرة :dddds:

زززين نبهتيني

اما موقفج مع المزايين يهبلللللللل لووووووووووووووووووووووووووووول

>> فطست عليج من الضحك >> ابد مثل هذا :krkrkr:

الخلطة الحين صار لي يومين استخدمها احس بديت اصير طرية بزيادة :ggdw:

أما الحفل فحددددددددددث ولا حرج
مسكينة خالتي تووورطت امس
هي مسوية حفلة صغيرونة لملكة بنتها .. يعني العدد محدود ..
وفجأأأة بوسط الحفل
تأأأأأأأأأأتي أفو111ج وأفو1111ج وخالتي قامت تطق اصبع من هوووووول الصدمة

ووودي احش زووووووووووود بالافواج اللي استهلت ولا انورت بس صدقيني بيطردوني من الموضوع لوووووووووول

 

[مدمنة خلطات]

لياااالي

هلا وغلا

لا مو لازم 6 ساعات

ساعتين تكفي وتووفي

 

[فـرفـر]

سلالالالالالالالامتج >> متأأخرة :dddds:

زززين نبهتيني

اما موقفج مع المزايين يهبلللللللل لووووووووووووووووووووووووووووول

>> فطست عليج من الضحك >> ابد مثل هذا :krkrkr:

الخلطة الحين صار لي يومين استخدمها احس بديت اصير طرية بزيادة :ggdw:

أما الحفل فحددددددددددث ولا حرج
مسكينة خالتي تووورطت امس
هي مسوية حفلة صغيرونة لملكة بنتها .. يعني العدد محدود ..
وفجأأأة بوسط الحفل
تأأأأأأأأأأتي أفو111ج وأفو1111ج وخالتي قامت تطق اصبع من هوووووول الصدمة

ووودي احش زووووووووووود بالافواج اللي استهلت ولا انورت بس صدقيني بيطردوني من الموضوع لوووووووووول

الله يسلمج وعسااج ماتجربين للي جربته قمه الاحرااج عاد اقول لامى السالفه تقول يمكن احد منهم يعجب فيج ويخطبج

اقولها من زين وجهي وقتها الا بقول شالخبله للي تحط كريمات علي وجهها خخخخخخخخخخخخخ





يحول ماحب هالنوع من الحفلااااات اللي تفاجأت الله يعين خالتج احراج

بس ان شاء الله صكيتي عليهم _03ba:







انا الحين حطيت خلطه شالسالفه لي 3 ايام ورا بعض احطها


مدمنه احس الخلطه شلون الجلسويد ثقيل جذيه ازيد عليها زيوت والا عادي انا للي سويته صح

 

[..ليالي..]

هلا والله مدمد

ايه طمنتيني الله يجزاج خير

على طاري الادمان

هههههههههههههههه
انا مالي بسوالف الخلطات والماسكات حدي كسوله
بس انتوا ماشاء الله عليكم تشجعون الوحده
المهم حطيتلي شويه نشا مع ماي ورد بحطهم بوجهي والا ما ادري شلون صايره خبرج اول مره
حدي قبل الروب وبس ما احط غيره
المهم حطيت عليه شويه ماي دافي صار اوكي ولطخت وجهي
عاد قلت مدام ان التجمع فيه مدمنة خلطات

اجل انا عبيطة خلطات

هههههههههههههههههههههههه

 

[شوشآآ]

مرحبآآآآآآ ،، اخبااركم يآجميلآآآآآآآآت ...


آمس رحت الصيدليه وخذت كريم تبييض للأماكن الداكنه في الجسم ،، دكتوره الجلد وصفته لي وتقول آستمري عليه وعقب كم آسبوع رآح تشوفين النتآيج .. وخاصه للمنطقه الحساسه .. وهذا هو إلي لونه أبيض .. وقالت لي حطيه في كل الاماكن الداكنه إلي بجسمج إلآ الويه وخاصه آحطه عقب الليزر ..

المهم وآنا في الصيدليه حصلت كريمـ عجبني ،، وشريته .. آسمه كريم كيلي لونه أحمر علبته صغيره .. بنآت بسألكم في حد جررربه ؟؟؟

انااا اليوم غسلت ويهي بغسول دوف للبشره المختلطه ،، وعقب صابونه الباباياا وبعدين حطيت كريم كيلي ،، ودشيت النت وقريت آن الكريم مب زين
فيه نسبه زئبق وآنه ضااااااااار .. وحصلت هااي الدرااسه


هذا البحث قام به الدكتور الصالح والدويش عام 1997 في مستشفى الامن او العسكري ..

كيليkelly اندونيسيا اصفر لامع 43,

فير اند لفلي fair and lovely الهند ابيض 54,

اوفور orrefor غير معروف اصفر داكن لامع 912,5

باليpally تايلاند اصفر فاتح 2,19

بيفونج bivong غير معروف اصفر غامق لامع 928,50

بيوتي butae غير معروف اصفر لامع 517,50

جنسنج ginsing غير معروف اصفر 467,35

ارتش arche تايلاند اصفر باهت 74,


لاست فيد كريم last fade cream اندونيسا ابيض لامع 60,

ايمون emoon غير معروف اصفر باهت 45,

يو بي فور ميلا تايلاند اصفر باهت 43,
u.b.formula

كريم سلفاناsilvana cream لبنان ابيض 2,15

لي ناly-na تايون ابيض برتقالي لامع 1,49

كريم العرايس سوريا ابيض باهت 23,

كريم حواء سوريا ابيض لامع 0.00

كريم باريس الامارات اصفر لامع 0,00

الفاalfa غير معروف اصفر لامع 1319,00

ين فونج yin fong تايلاند اصفر لامع 388,90

روز كريم لبنان عاجي لامع 0,00

ينج شنyong chin تايلاند ابيض 0,00

بيان beanne تايلاند اصفر غامق لامع 0,09

كريم ديانا لبنان عاجي غامق لامع 5650,00

سيفكcivic تايلاند اصفر باهت 1964,50

كريم ايديالideal لبنان عاجي لامع 1,18

ميلانكسmelanix باكستان ابيض لامع 1,73

بشير bashear سوريا ابيض 73,

سنج سنج cing-sing غير معروف اصفر باهت 1,18

دايفوdaifu تايلاند ابيض لامع 271,15

درولاdrula المانيا ابيض لامع 0,00

ثلج التبتtibet snow باكستان 37,

بالمر سكن سكسسpalmer skin success اجلترا ابيض لامع 0,00

سكنيكلزskincles انجلترا لبيض لامع 0,00

فيد اوت انجلترا ابيض لامع 0,00

منيرفاminerva انجلترا عاجي لامع 1281,50

اخواتي ذكرت لكم بعض الكريمات الموجوده

وهذي كميه الزئبق في جزء بالمليون....

 

[silent-girl]

السلام عليكم


شلونكم بنات ؟


انا متابعتكمـ من البدايه
وحبيت أنظم لكمـ وأزيد عنايتي

بديت اشتري الشغلات الي ناقصتني
وبعد بقى لي كم من غرض وأبتدي وياكمـ


بقولكم عنايتي اليوميه شلون



الصبح اغسل ويهي بـ غسول كلين أند كلير
وعقب اغسله بصابونة pears الزرقا بالنعاع تعطي انتعاش :ggdw:
وعقب ارش ماي ورد و احط كريم ترطيب و مرهم على الحبوب
الي فـ ويهي و مرطب للشفايف


والسبوح أخذ شاور عادي بـ صابونة الغار او البابايا
وعقب اتفرك بصابونة جونسون وأطلع


و بعدين أرش بودرة جونسن على ملابسي وارش رشه خفيفه على جسمي
وبعدين أحط فازلين بالككاو على جسمي كله
وللأكواع والركب أحط كريمـ للتفتيح


و لـ ريلي أحط كريم نيفيا أو جلسرين
ويدي أسنفرها بـ سنفرة الكرز وعقب أحط عليها كريم بالمشمش
وبس :eh_s(22):


lulu lolita



حبيبتي عندنا الشايع فـ قطر
بتلاقينه فـ رويال بلازا ، الطابق الأول .. صوب العطارين السوررين
هناك محلهمـ

وفي فرع ثاني بالحياة بلازا :tek:

 

[آلصرقــ غ ـرآآآمي ــعه]

"]السلااااااااااام عليــــــــــكم بناااااااااااااااات

قريت وايد من موضوعكم بس طبعا عقب ما بدا بمدة طوييله .. يعني من اسبوع تقريبا

وسجلت جم خلطة بس للحين ما سويتها .. بسويها ان شاء الله

وعندي جم خلطة قاعدة اسويها

يعني متابعه بصمت :wqedqw:


---


بس بغيت اسالكم عن شغله

وانا ادور بقوقل عن شي يفتح السواد حول العين

قالوا ان عصير البطاط زين ويفتح .. وانا ما احب احط الشرايح وانسدح لما اخلص .. مالي خلق .. العصير اريح .. احطه نفس الماي واخليه .. واحوس على كيفي .. لما متى ما بغيت اغسله

وانا امس بشرت لي جم بطاطة وطلعت مايها .. وحطيتها في علبة عندي

الماي كان لونه اصفر .. على لون البطاط >>> اكيد .. وايد ذكية :eh_s(3):

واليوم ييت بحط .. بس لقيت ان لون العصير صار بني مايل للاسود

يعني باختصار تأكسد ..

بس السؤال ... عادي احط منه واشوف مفعول .. والا يصير ضار وما ينفع ؟؟؟؟؟؟؟؟

تكفون جاوبوني .. لحد يكشت .. .. بلييييييييييييز [/​

:yaaaaaarb:​

 

[آليشآآ]

قوه يآعسولآآت



شوشآآ معرووف كيلي مع بينآ بيآآض عجيب

آنآ بروح آدهن كشتي وآحط شسالفه

 

[شوشآآ]

قوه يآعسولآآت



شوشآآ معرووف كيلي مع بينآ بيآآض عجيب

آنآ بروح آدهن كشتي وآحط شسالفه

الله يقوييج يآعسل ..

بس آنا قريت آن كيلي يسوي أمراض الكلى في المستقبل

عااد توهقت الحين آحطه ولا لا

 

[q8-vip]

قوه بنات شخباركم انا توي بديت بالبرنامج اليوم وان شاء الله استمر عليه .....وسويت خلطة لندن بس ماادري طلعت نفس البودره ...اهي طلعتلكم جذي او انا مسويتها غلط

 

[Pearl Qatar]

السلام عليكم


شلونكم بنات ؟


انا متابعتكمـ من البدايه
وحبيت أنظم لكمـ وأزيد عنايتي

بديت اشتري الشغلات الي ناقصتني
وبعد بقى لي كم من غرض وأبتدي وياكمـ


بقولكم عنايتي اليوميه شلون



الصبح اغسل ويهي بـ غسول كلين أند كلير
وعقب اغسله بصابونة pears الزرقا بالنعاع تعطي انتعاش :ggdw:
وعقب ارش ماي ورد و احط كريم ترطيب و مرهم على الحبوب
الي فـ ويهي و مرطب للشفايف


والسبوح أخذ شاور عادي بـ صابونة الغار او البابايا
وعقب اتفرك بصابونة جونسون وأطلع


و بعدين أرش بودرة جونسن على ملابسي وارش رشه خفيفه على جسمي
وبعدين أحط فازلين بالككاو على جسمي كله
وللأكواع والركب أحط كريمـ للتفتيح


و لـ ريلي أحط كريم نيفيا أو جلسرين
ويدي أسنفرها بـ سنفرة الكرز وعقب أحط عليها كريم بالمشمش
وبس :eh_s(22):


lulu lolita



حبيبتي عندنا الشايع فـ قطر
بتلاقينه فـ رويال بلازا ، الطابق الأول .. صوب العطارين السوررين
هناك محلهمـ

وفي فرع ثاني بالحياة بلازا :tek:

فديت قلبج حبوبه ..وه فديت بنت بلادي
ان شاء الله بروح رويال بلازا بكره وبشوف اذا عندهم ..
يعطيج العافيه ياقلبي

 

[Pearl Qatar]

السلام عليكم ورحمة الله وبركاته

شخباركم حبيباتي ان شاء الله طيبين



احم احم


انا اليوم حطيت في شعري دهن دابر املا والريحه حاكره الصاله كلها واخواني يتنافرون مني يقولون ريحتج خدامتنا هههههههههههه وحاطه في جسمي خلطة شسالفة .. وسويت خلطة الفازلين والكركم وحطيتها في ريولي .. قلت اول شي بجربها في الريول قبل الجسم كامل لان وايد يمدحونها ..

وبس انطر 6 ساعات علشان اتسبح هههههههه