بدايي مع الدكتور باتريك ..!!

[bent_elnuor]

السلام عليكم ورحمة الله وبركاته ​

اسعد الله ايامكم بالرضا ​

ورزقني واياكم الذريه الصالحه ​

بدخل بالموضوع على طول :yaaaaaarb:

صار لي سنتين واربع اشهر من الزواج

وسويت خلال هذي السنتين فحوصات وتحاليل انا وزوجي

والحمدلله كل شي سليم​

وبعد حنــّه المقربين الي ​

توكلت على ورحت امس الاثنين الموافق 26/9/2011 الى مستشفى لندن عند الدكتور باتريك ​

اولا : قمت بفتح ملف اول مره طلبوا مني بطاقتي المدنيه وبطاقة زوجي دفعت
25 دينار ​

ثانيا : بعد الانتظار جا دوري دخلنا على الدكتور نفسه خايسه :rgewrg:​

وبدأ يسالني عدة اساله :​

العمر ، كم صار لك متزوجه ، كم عملية سويتي ، عندك سكر ضغط ، ) ​

بعدها قال اصعدي بسوي سونار ​

سويت سونار والحمدلله كل شي تمام بس قال فيه تليف بسيط في الرحم الايسر​

طوله سانتي ما يحتاج تشيلنه ولا له اي تأثير ​

قعد على المكتب وطبعا كانت في وحده اسمها تهاني هي اللي تترجم ​

قال :​

1- سوي تحاليل لك ولزوجك انا تقريبا 11 تحليل وزوجي تحليلين :eh_s(2):​

2- بنسوي منظار يوم الاربعاء نبي نتأكد من ان الرحم نظيف ولا فيه اي شي ​

وبعدها يتم الجماع عادي بينكم وان شاء الله يحصل الحمل ​

في حال عدم حصول الحمل راجعيني اسوي لك انابيب على طول ؟؟؟؟ ​

رحت اسوي التحاليل قيمت التحاليل (295.700 ) دينار بالضبط واذا تبون اصور احط لكم الفاتوره ​

قالت المنظار راح يكون الدفع بيوم العمليه ب( 450) دينار​

طلعت وانا اسال الله الخيره في كل امر لي ​

سؤالي للي عندها خبره ويا ليت تفيدوني ​

ليش يسوي لي انابيب اذا انا سليمه وزوجي سليم ؟؟

والمنظار يدخل معاي احد والا لأ ؟؟​

وراح اوافيكم برحلتي مع الدكتور اول بأول ​

دعواتكم ​

 

[دلوعه ززوجي]

اب اب االله يوفقكم

 

[جديده 1]

شوفي توقيعي يمكن يفيدج .. و موفقه

 

[ام دليار]

الله يرزقك يارب
بس كتير غالي دكتور

 

[smaillips]

للرفع

 

[.. مـــلاكـ ..]

الله يرزقج حبوبة

 

[درر2008]

دكتور باترك شااااااااااااااااااااااااااااااااااااااااااااااااااااااااااااااااااااااااطر ومايبدي معاج الي علي اصول
ماخذ تحاليل ومنظار علشان يعرف الرحم شنو علته ويبدي بعلاج و ان شاء الله اذا استمريتي معاه راح تبشرينا انج حامل

 

[دمعة^حزن]

ليش حيل غالي شنو منظار ٤٥٠ ليش انا اسوي منظار عند دكتورتي ٢٠ جد ليش جذي اسعاره وسويت تحاليل ٦٥ عاد مفكره اروحله بس جد صدمتيني بالاسعار*

 

[دمعة^حزن]

نسيت اقولج موفقه يارب مايكون فيج شي والتحاليل كلها اوكي ويارب يرزقج الذريه الصالحه

 

[كويتية222]

منظار والا اشعة صبغة ؟

 

[منووله مشعل]

الله يرزقج حبوبة​

 

[bent_elnuor]

دلوعة زوجي
شاكره لك مرورك ودعواتك يا عزيزتي ​

جديدة 1
شفت التوقيع ،، وشاكره لك مرورك حبيبتي​

ام دليار
الله يجزاك خير ،، بس هذي هي اسعاره ​

smaillips
مشكوره حبيبتي ​

درر 2008
مشكوره على المرور حبيبتي ​

دمعة حزن
هذه اسعاره ،،
الله يطمنك بالرضا
ومشكوره على المرور​

كويتيه 222
قال منظار ،، ما جاب لي طاري الصبغه ولما قلت له - قال لأ ما تحتاجين
نحتاج منظار فقط​

منولة مشعل
الله يجزاك خير حبيبتي​

 

[bent_elnuor]

خواتي العزيزات


دقو علي المستشفى قالو

التحاليل سليمه والحمدلله

بس تبين معاك تكيسات ما بينت في السونار !

وراح ينشأل لما نشوي المنظار مره وحده

وبيزيد السعر من 450 الى 650

شرايكم ؟

أمس. لما سوا لي السونار قول تكيس ما ياثر

واليوم يقولون بين معانا بالتحاليل ولازم تنشأل ؟

شرايكم ؟

لا تبخلون علي منظاري بآجر

 

[دمعة^حزن]

انتي بطلتي ملف عنده وتحاليلج وكل شي عنده ابتدي معاه من الالف الي الياء خوش دكتور واكيد اهو بيسويلج الشي الزين لج موفقه يارب

 

[دمعة^حزن]

انا مو فاهمه المنظار شنو اهو سونار داخلي ولا شي ثاني

 

[الأميرة مولان]

المنظار عباره عن كاميرا صغيره يقومون بإدخالها عن طريق المهبل لفحص الرحم من الداخل وانا أجريتها عند د. ناهض وكان سعر المنظار ٢٨٠ تقريبا وكان التخدير كامل وانا بعد المنظار اعطوني cd مصور فيه العمليه وشفت رحمي من الداخل والله شكله عجيب سبحان الله

 

[smaillips]

اختي بغيت اسألج هل ممكن يكون في تكيس ومايبين الا في التحاليل يعني بالسونار وشنو التحليل هذا اللي سووا لجياه واسفه طولت عليج.

 

[دمعة^حزن]

اها يعني مو سونار داخلي انا عبالي سونار بعد تخدير يعني نفس العمليه الله يكون بالعون وموفقه يارب

 

[غرام القمة]

حيبتي بيسولون لج منظار تدرين ليش عشان يسون اشعة الصبغة ويتاكدون من الانابيب عندج واذا في تكيس يكوونه لج
والله يعينج علي هالعملية وبعدين من البطن مو من الرحم راح ينفخون لج بطنج بمادة غازية مثل البالون عشان يشوفون بالكاميرة كل شي واضح وبعدها كانج نفاس لازم تدفين نفسج وتتنفسين وما كو جماع من عشر الي عشرين يوم انا من الخوف شهر وزيادة ههههاي
وتري اذا التكيسات عندج حجمها صغير ماله داعي يكونها خل يعطونج حبوب او اذا حملتي تنزل مع الولادة وجهزي للعملية شورتات وملاببس داخلية وسيعه وكوتكسااات لان راح تنزفين مثل النفاس وعليج بالاعشاب والادويات الحريم وبعدين اقولج شنو الخطوات الباقية
وتري 3 فتحات حيل ضغار وحدة علي السر وحدة علي المبيض الايمن والثاني الايسر
والله يعييييييييييييييينج ويرزقج

 

[الأميرة مولان]

اهلا اختي غرام القمه انا عن طريق المهبل مو فتحات من البطن وانا سويته من أسبوعين واهو يسونه حتى يتاكدون ان الرحم ما فيه عيب خلقي ولا يوجد اي اورام ممكن تمنع إلتصاق أجنه او لحميات ويتاكدون من بطانه الرحم انها سليمه *