حبيبتي لو تسوين خياط حقج بروحج وايد احسن و اوفر
انا الحين عندي
انا دشيت مشروع
كنت اصمم ملابس وادخل معارض وكنت ابيع برخص
وتصاميمي كانت راقيه الكل يسأل من وين
عبالهم من برا ولا اهوا شغل الكويت
كنت اروح عند كذا خياط ووايد كانت غاليه اجارات الخياييط .. ( رحت فياصل الي بالجابريه + واحد بمشرف )
كانو ياخذون عالقطعه 15 و 10 وشغلهم وااايد حلو ومظبوط جنه جاهز لا واحلا من الجاهز بعد
اجار الخياييط كانت قريب ال 1000
وايد صح؟؟
فلو اتيبين لج خياط تحطينهه فبيتكم افضل
ترا معاشه 150 او ان كثر 200
ونصيحتي لج بدايه مشروعج لا تسوين وايد ملابس نفسي ..
والي اكتشفته من مشاركتي حق المعارض ان الحريم مايبون شي راقي وسعره فيه
يبون شي ب 10 و 20 /انا كنت اربح عالقطعه دينارين او 5 . شوي صح يعني القطعه الي تكلفني 35 ابيعها 38 او 40 وما يعجبهم يتحلطمون ويطيحون حظ شغلج بس مالج شغل فيهم في ناس ذويقين ويعرفون الشغل الراقي
بس بعدين الله وفقني والحمدلله
الله يوفقج حبوبه
اذا تبين مسااعده انا حاضره
واي استفسار راسليني عالخاص
