بدش العاشر لحقوا علي

[koky 7yati]

شلونكم شخباركم بنات توني راده من دكتورتي وقالتلي البيبي مانزل بالحوض وباجيلي 4 ايام واخلص التاسع ومادري شسوي عشان ينزل البيبي وابي يجييني طلق يحوشني عوار جنه بتنزل الدوره علي صارلي فتره اسبوعين يمكن وماكو شي سويت فحص مو مفتوحه ولا سانتي شسوي ! شنو اشرب ! عشان اولد او عادي اشرب دارسين وزنجبيل ومادري شنو بعد تكفون اللي تعرف تفيدني الله يوفقها دنيا واخره *

 

[فتاة.]

ماعندي جواب
الله يقومج بالسلامه ويسهلها عليج

 

[koky 7yati]

مشكوره حبيبتي الله يسلمج

 

[شفايف كرزيه]

الله يهوون عليج
يارب وتقومين بالسلامه
ما ادري والله عرفت

 

[koky 7yati]

مشكوره شفايف ماقصرتي

 

[حنين أنثى]

اختي مثلك ونفس وضعك
شربت ((القرفه ))
وماشاء الله تبارك الله على طول مشت امورها
والبنات بإذن الله يفيدونك

 

[قطرة مطر83]

رد : بدش العاشر لحقوا علي

حبيبتي نصيحه لا تلعوزين نفسج و لا تلعوزين البيبي حرااام

دام انج على قولتج مو مفتوحه ولا سانتي لا تسوين شي غير المشي قد ما تقدرين

و اذا ربج اراد بهاليوم يطلع ان شاء بقدرته بتشوفينه

صبري على نفسج حبيبتي و انا حاسه فيج حبيبتي الثقل و ضيق التنفس هاذا كله ان شاء الله يروح صبرتي 9 شهور و ما تقدرين تصبرين جم يوم ؟

انا في ولدي الثاني خذا 9 شهور بالضبط و اليوم اللي بعده نزل علي ماي الولاده و كانت من احلى الولادات عشان ما كنت شاربه و لا مسويه شي ما غير المشي و الجماااع

الله يكون في عونج و يهون عليج و تولدين بالسلامه
و لا تتضايقين حبيبتي من كلامي و الله ابي مصلحتج و الولاده السهاله لج .

موفقه

 

[om al ghaleen]

..,, طالعي الصدفه انا اخر موعد 7-1 مع اني عوشرت لووول
شربت كف مريم ودارسين وآكلت اناناس ومشيت ع البحر ولفيت الافينوز كله تمصخرت
وماكو اي علامه تدل اني بولد غير كل يومين رازه ويهي بالمستشفى ويردوني "
كل واحد يطلع باليوم اللي الله كاتبه له لا مشي ولاخرابيط تنفع صدقيني



الله يسهل عليج يااارب وتولدين اليوم قبل باجر "


\\

 

[koky 7yati]

خخخخخخ والله تمصخرنا احس طقت جبدي مادري عنه ماوده يطلع اخر موعد ٧-١ وقالتلي الدكتوره اعطيج اسبوع بعد الله كريم الله يسهل عليج يارب امانه طمنيني صج وين تولدين ومنو دكتورتج !

 

[كويتيه مذهله 87]

حبيبتي
اول شي خل ينزل بالحوووض لا تشربين شي وهو مونازل

 

[koky 7yati]

دكتورتي قالت عادي شربي احنا نبيج تولدين والله مادري الله كريم

 

[كويتيه مذهله 87]

خلاص مدام قالتلج هالحجي الدكتوره توكلي ع الله وشربي ان شالله مع الطلق تتعدل وضعيته

 

[الصعيريه]

رد : بدش العاشر لحقوا علي

خلج عالمشي والجمااع
والله يسهل عليج وعليناااا

وانا بولادتي اللي طافت خلصت شهري وعطوني 5 ايام وخلصوا ال5 ايام وبيومها فحصتني والرحم بس مفتوح 1 سانتي وعطتني موعد ثاني يوم الصبح بتعطيني تحاميل فتح رحم وطلق صناااعي

ولما رحت موعدي ثاني يوم وفحصتني ولا الرحم مفتوح 4 سانتي وانا موحااسه مافيني طلوق وبس عطوني طلق صنااعي

يعني لاتحطين ببالج يمكن بيوم وليله ينفتح الرحم
والله يسهل عليج إن شاءالله وتبشرينااا

 

[نرجس 85]

رد : بدش العاشر لحقوا علي

الله يسهل عليج وتولدين بالسلامه زتفرحين بالبيبي صاحي متعافي

 

[om al ghaleen]

خخخخخخ والله تمصخرنا احس طقت جبدي مادري عنه ماوده يطلع اخر موعد ٧-١ وقالتلي الدكتوره اعطيج اسبوع بعد الله كريم الله يسهل عليج يارب امانه طمنيني صج وين تولدين ومنو دكتورتج !

امين يارب والله يسهل عليج حبيبتي وعادي اهو دايما يحطوٌن اسبوع احتياط
ومراجعاتي بعياده فوزيه القطان بس ماافكر تولدني لانه مو فاضيه فعطتني تقريري
وبولد بمستشفى حياه رويال عند د ندا بخضور .. ان شاء الله ..,

\\

 

[جذابه بنت ذيابه]

رد : بدش العاشر لحقوا علي

عليج بالجمااااااااع والمشششششششششي

 

[هوازن العتيبي]

رد : بدش العاشر لحقوا علي

الله يهوووووووون عليج يالغلا

 

[ام بديير]

الجماع والحبي حبيبتي بس جربي طريقه الحبي تنزل البيبي بالحوض ,., والله يسهل عليج ...

 

[فله]

وااي نفس الحالة تعذبت طلوق باردة حيل احس كرهت عمري

 

[رفيف الخير]

الله يسهل عليك ياقلبي حاولي تمشين وايد حافية على ارض غير مستوية يعني على رمل الشاطىء مثلا او البر انا مجربه وفادتني