بدلة قرقيعان

[ام فجور 2008]

قوة بنات شلونكم

بنات انا عندي بنوتة جنها القمر الله يخليها لي ويخلي اعيالكم لكم انشاءلله بغيت لها بدلة حق القرقيعان تدرون بعدين ماراح يمدي وراح تغلى الاسعار وانا الصراحة ما اقدر على الغالي وايد فياليت الي تعرف اماكن يبيعون بدلات قرقيعان تنورنا فيهم

واذا ابي علب كشخة حلوة او صناديق حق امي و عمات بنتي وخالتي من وين تدرون خو ما يعجبهم شي :0bee2e8d89:

 

[Love \ Hate]

اذا لقيتي دليني عليها .. انا بعد بنتي عمرها سنه وابيلها شغله غريبة وحلوه وسعرها معقول بنفس الوقت

 

[Q8stylle]

شوفي بقسم المول ياعمري
تلقين في بنات مسوين معارض
وكاتبين ان المعرض فيه للقرقيعان وبدل
ومنتجات متنوعه

 

[سمار الشمس]

اتمنى البنات يساعدونج

 

[غيب وانا غيب]

اتمنى البنات يساعدونج

 

[Athwaq]

انا راح اييب شغلات من البحرين ان شالله

اللي تبي كمية تقول لي من الحين

 

[دانتي]

ان شاءالله البنات راح يفيدونج

 

[ام فجور 2008]

يعطيكم العافية وياليت الي تعرف معارض تدلني عليهم

 

[عبق البنفسج]

حتى أنا أختي أدور ملابس حق بناتي .. ماشاء الله عندي ثلاث بنوتات ومابي أشتريلهم من المباركية أو غيره لأن اشكالهم عادية وقديمة ..

وبنسبة أختي حق الصناديق الي حق أمج وخالتج ... أنا عندي فكرة وايد حلوة وسويتها بقرقيعان قبل سنتين وطلعت وايد حلوة ..

ييبي زبيل وحطي فيه فيمتو وزعفران وهيل وعلبة كريم كرمل وعلبة جلي، وعلبة لقيمات جاهزة وماي لقاح و و و وو و و الخ "باختصار كل الاشياء الي تستخدمينها برمضان" وغلفي الزبيل بورق شفاف
وايد وايد بيطلع شكله حلو وأمي وخالتي وايد استانسو عليه ..

أما اذا تبين علب فتلقينهم بحولي بالسرداب .. وتقدير انتي تزينين العلبة أو تودينها بوابة الهداية ..

 

[ام فجور 2008]

شنو زبيل

 

[القطانيه]

الله يخليها لج يارب

 

[حبيبه زوجها]

مرحبا بناات وانا بعد ابى اسويلة قرقااعووة بس محتتتارة ابغوو شغلات غريبة نا من الحيين رحت اشترى وبسووويهم بنفسى عندى كذا فكرة ويااريت تسااعدوونى باافكااركم ولة مسوووية لووولدة او بنتهاا تقوولى رجاااء واللة تعبت

 

[ام طلال]

ياليت اللي عندها ملابس قرقيعان للاولاد من عمر 1الى 3 سنوات ويكونون فنتك تدزلي على الخاص
وابي للبنات من عمر اشهر

 

[عبق البنفسج]

زبيل
امممممممممممممم شلون اشرحلج ..

نفس الصحن مدور مصنوع من القش .. عرفتيه!؟؟
انا شريته من محل الحلويات الي بشويخ يبيعون بسعر الجملة .. قوليلهم ابي زبيل ..
وتقدرين تروحين بأول رمضان الرفاعي وبتشوفين عنده زبيل ومسوي نفس الطريقة الي قتلج عنه بس الاغراض يحط شغلات من عنده

 

[Om JaNa & JaWa]

ان شاء الله البنات يساعدونج انا ما اعرف شي اسعاره معقوله كله عالي عالي ..بس الحمدلله

 

[نوووور الكويت]

اذا تحبون انا عندي شغلات حلوة حق القرقيعان وباسعار وايد مناسبة..

ممكن نشوف الصور ؟؟؟
:gathering:

 

[نوووور الكويت]

انا راح اييب شغلات من البحرين ان شالله

اللي تبي كمية تقول لي من الحين

بلييييز عندج صور ,,, او شلون طريقته ,,,, عشان نقدر نحجز ؟؟؟

 

[Brounzeya]

تبين علب حلوة كشخة اشتري من سنتر بوينت بس راح يطلع وايد عليج بس شوفي حلوين

 

[ام فجور 2008]

بس غاليين وماشاءلله اهلنا وايد