بدووون خجل هل تفعلينها لوطلبها منك ليلة الدخله ؟؟؟

[لـ LoOola ـولا]

قصة واقعية .. حصلت في ليلة الدخله


اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
..
..
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق .. عشاكم الليلة عندي) قل تم
المتصل : يا ابن الحلال مايصير انت عريس جد و.. و..
\
/
" المهم مافيه فايده ... الزوج مصر الا يتعشون عنده "
الزوج : يالله انا انتظركم .. مع السلامه !!
وقفل الخط
الزوجه المسكينه ما هي مصدقه اللي سواه زوجها ليلة الدخلة
..
..
ثم قال : يافلانه .. انا رايح السوق وراجع
..
" على بالها يبي يجيب عشاء جاهز "
..
..
بعد ربع ساعه رجع الزوج ومعه اغراض العشاء
قالت الزوجه : وش ذا ؟؟؟؟؟
قال : الله يسلمك قومي سوي العشاء لزملاي في العمل ،، جايين من بعيد وما بعد تعشوا
..
..
وفي أثناء الحوار،،، " الباب " يدق .. .. .. " دندن ... دندن .. دندن "
\
/
قال : هذولا " هم " وصلوا ،، يالله همّه يا مره !!!!!!
وراح عند ربعه .. يقهويهم
/
\
المهم المسكينه في المطبخ تقطع " البصل والطماط " بفستان الزفاف ، وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء ،، وتعشوا . . وراحوا لديرتهم
\
/
العروس ..المسكينه .. متضايقه
..
..
والمفاجأة !!!!!!!!
/
\
/
\
يدخل زوجها عليها .. ويرمي لها ( 50.000 ) خمسين ألف ريال ،، قال : هذا حقك ،، قالت له : وش حقه ؟؟؟
..
..
قال الرهان اللي بيني وبين زملاي العشرة ،، على كل واحد (5000) بأنك تطبخين " ليلة الدخلة " وش يكون ردة فعلك موافقه والا .. لا وانتي من كسب الرهان !!!!!!!!
..
..
وتمت " ليلتهم " على خير وصاروا اسعد زوجين

:eh_s(6):


بصرااااحه .. لو كنتي مكان هالبنت تسوينها والا .. لا .. ؟؟؟؟؟؟؟

 

[● ταʝ ɨʟ ʀοοѕ ●]

اسويييييها ..! بس اردله الفلوووس اقووله ما ابيها !!
مو عشااان الزووج لا بس عشااان ابي الجنه !!

 

[بنت المنصور]

الصراحه ابد ما اسويها وبعدين ما ادري كل كلمه وقلتو الجنه والجنه يعني الجنه ماراح تييي الا من ورى الزوج

انا ماسويت شي ولا غلطت توني اول يوم بسم الله اطبخ اصلا ما اعرف اطبخ خير شر

 

[tolay]

يمكن ازعل << اولها

توني عروس اروح اطبخ !!! يمكن ازعل عليه و ماوافق واكيد باخذ فكره سيئه عنه بيخليني اطبخ وانا بلبس العرس وتوني اول ليله !!!

 

[تنـــاســـانــي]

مودري ،،

امبله ادري اني ماراح اسويها ،، بلا عشى بلا بطيخ ،، اذا اهوا يايب اغراض العشى ،، انا بدقله ع المطعم و على حسابي بعد ^_^

يسلموو ع الموضوع الحلوو

 

[واثقة بجمالها]

ما ادري بس بزعل شكوو يتراهن علي ولا بأوول يووم عررسناا

 

[حوررريه]

بزعل اول شي بعدين بدخل المطبخ عشان ما افشله قدام الرجال..

 

[أم مشموش]

لو انا جان انصدمت بعدين تقبلت الصدمه وقمت سويت بس يمكن اضل اسبوع زعلانه ومااكلمه مو يقولي فلوس لوشنو انا مافشلته بس خلاص لايكلمني

 

[شراره الكويت]

لا والله بطبخ له وانا اضحك بعد

يطلبني واقول لا ليش ان شاء الله هو كل يوم بلقا ريل

خل اتزوج اول .......ويصير خير

 

[شنكولة]

الصراحه ابد ما اسويها وبعدين ما ادري كل كلمه وقلتو الجنه والجنه يعني الجنه ماراح تييي الا من ورى الزوج

انا ماسويت شي ولا غلطت توني اول يوم بسم الله اطبخ اصلا ما اعرف اطبخ خير شر

الزوج هو جنتج ونارج
الله يهديج بس

 

[shjoon]

لا والله بطبخ له وانا اضحك بعد

يطلبني واقول لا ليش ان شاء الله هو كل يوم بلقا ريل

خل اتزوج اول .......ويصير خير

ههههههههههههههههههههههه صح هالكلام ...ولاحقين على الوناسه

 

[لـ LoOola ـولا]

احلة شي اذا الوحده ماتعرف تطبخ :eh_s(6): .. احلى مطعم يسكته :dddds:
امممممممممم انا اذا كنت اعرفه من قبل العرس وماخذين على بعض وكنت اعرف اطبخ راح اسوي وانا اضحك بس عاد مايتراهن على افاي
يعني لو من دون رهان ماكنت راح ازعل واسويله وانا مستانسه.. بس دام ان متراهن مع ربعه عليي اكيد بزعل

واذا ماكنت اعرفه اكيد راح انحرج منه بس هم مو معناته راح اسويله.. المطعم مايقول لأ
وراح اظل ماخذه منه موقف وراح احرص على كل حركه اسويها معاه وانتبه لكل تصرفاتي
واكيد راح ابجي (بيني وبين نفسي)

واذا عطاني الفلوس ما راح آخذهم
خل ربعه وفلوسهم ينفعونه .. خوش علاقه تبلش بمراهن ومرجله على افاي

 

[علولي]

اكيد بتوافق لانه صعبة تقولين لا من اول مرة
بس بعدها بيشوف النكد على اصوله
( انفجار من البكااااااااا)

 

[مزون2010]

صارلي نفس الموقف بس بدون مكافاا

 

[بدورة القمورة]

اقووووله اطبخ انتي انا توني عروووووووووووووووووووووسه :$ بس بدلع شويه هههههههههههههههه

 

[mamanoonaa]

لا ما اعتقد اني راح اطبخ ماكو شغل تطبخ واهي بعدها ابدلة العرس

 

[كويتية و لكن]

حقير
وجاهل
والله ما اقعد معاه ولا دقيقة
حقييييييييييييييييييييييييييييييير

 

[manhattan girl]

اكيد بزعل و اتضايق بس من حبي له ما ابي افشله جدام ربعده ادش و اطبخله في شغلات بالنسبه للريال كبيييييرة و تكبر الزوجه في عينه بس احنا ما نعرف عنها مشكورة حبيبتي القصه حدها روعه

 

[آلسحرآلحلال]

واللي ماتعرف تطبخ شتسوي لووووول ...

اذا كلش كلش بسويله جااي ههههههههه


خل اتزوج ويصير خير

 

[*آحلى قمر*]

ما اعتقد اني اسويها

^_^