السلام عليكم ورحمة الله
هذي القصه العجيبة ماتخيلت بتصير لي في يوم من الايام
في احد المرات نزلت برنامج على جهاز الجوال وقعدت اتفرج فيه الا واحد يكلمني ومارد عليه استمرت الحالة كم يوم وانا ماحب الشات بس نزلته فضول وكل مرة يكلمني اقوله مب فاضيه باي وراي شغل
يقول شنو الشغل اقوله بزنس ... من قلت كلمة بزنس هنا بدينا الكلام لانه طلع رجل اعمال وعنده خلفيه واسعه صرنا نتناقش في البزنس وامور الشغل واستفدت من كلامه وايد وماكان في بالي علاقه ولا خرابيط وانا الحمدلله ماعندي علاقات مع شباب كلش ..مع الايام صرنا شوي شوي نتكلم في امور ثانيه حاول فيني يعرف عني اي معلومة شخصية ماعلمته وعطيته اسمي غلط وعايلتي غلط وكل معلوماتي غلط بعد انا بنت من حقي اخاف على نفسي .. اما هو قال لي كل شي عنه وعرفت عنه كل صغيره وكبيرة .. تطور الامر بعد شهرين ثلاثه الى ان قال لي انه يحبني وشاريني ومن هالكلام وكان مستعد يساعدني في كل شغلي لانه واصل وله علاقات مع اكبر ناس في البلد ( لو وحده غيري كان بسرعه استغلت هالشغله) وقال لي بصراحه انه تعلق فيني وحبني اكثر لما شافني اصده ههههه وقال لانج ترفضين تعلميني عن نفسج لو وحده غيرج كان الحين معلمتني وين بيتهم .. اكتشفت بعدين انه علاقته مع امه قويه وايد وامه يده عيوز كبيرة بالسن بس متعلمه ونزل لها نفس البرنامج اللي نسولف فيه وخلاها تكلمني وصرت اسوي معها شات ( طبعا مافي مكالمات تلفون ولا شي و لاعمره سمع صوتي حتى ) عرفت من كلام امه انه كل شي قال له عن نفسه صدق وامه حبتني وايد وقالت لي ان ولدها شاريني ويبيني بالحلال وهو سبق وقال لي .. بس مو مستعد للزواج ولا يبي يتزوج الحين واعتقد السبب انه مر بتجربه فاشلة سابقه مع الحب ومع الزواج انتهت بالطلاق والتجربه مأثره فيه .. اللي مو قادرة استوعبه شلون حبني بهالسرعه والله اي طلب اطلبه منه يسويه وينفذه مايسمع كلام امه كثر مايسمع كلامي ... امه لو بغت شي تطلب مني انا اقول له يزعل امه ولا يزعلني .. تخيلوا لما اخليه وانام يروح عند امه ويقول لها يمه نامت وخلتني .. لو صارت لي مشكلة يروح يبكي عند امه ويقول لها .. دايما يذكرني بالخير عند امه لين حبتني مدري ليه حبني هالكثر ...في البداية كنت اشك وماكنت حاطة الثقه فيه حتى امه شكيت انها مب امه لين تاكدت من كل شي وتاكدت من صدقهم .. بس فيه وايد اختلافات بيني وبينه انا اكبر منه بسنتين متعلمة ومثقفه وملتزمة واهلي ناس بسيطين وطيبين مالنا علاقات ولا لنا حد بهالدنيا .. بينما هو طايش وفيه عيوب ماتعجبني مثلا يتلفظ على امه وابوه بكلام اشوفه مافيه احترام بس مسويها مثل مزح لكن ماشوفها انا مزح انا تريبيتي جدا محافظة هو عادي يتكلم بكلام وسخ نفس كلام الاطفال اللي مو متربيين بس قلبه حنووووووون يغلط على امه وبعد شوي يقعد يبوسها من راسها لين رجولها لين ترضى وتسامحه .. وبنفس الوقت قلبه قاسي!! كان يحب وحده لمدة 8 سنوات واهلها زوجوها غصب عنها مااااتت من البكاء والحزن لين تطلقت وحاولت ترجع له لكن رفسها وصدها عنه ولما تحاول تكلمه يقول لها كلام ماينقال رغم ان مالها ذنب بالزواج هذا الشي خلاني افكر فيه اذا حبيبته من 8 سنوات ومالها ذنب وتطلقت وتبيه صدها عنه شلون انا اللي ماحبني الا من كم شهر !! وزوجته اللي طلقها سحب عيالها منها اول ماولدت ولدها عمره شهر خلا واسطاته تجيب له الحضانه !! تخيلوا واسطته فوق كل القوانين
عرفت عن ابوه انه منصب عود بالبلد وعلاقاته زينه وشينه بنفس الوقت .. انا بصراحه ابيه لبعض الميزات اللي فيه لكن بنفس الوقت متردده من عيوبه مثل طيشه ومراهقته رغم انه تعدا سن المراهقه علاقاته القوية اللي ممكن تودي اي واحد في ستين داهيه لو قلب عليه...من عيوبه يدخن وراعي طرب ..وانا ماكنت حاطة في بالي اخذ واحد مدخن او راعي عود ..يصلي من كلام امه انه محافظ على الصلاة ..المشكلة الحين اني خاشة عنه معلوماتي لان ادري لو عرف عني معلومه وحده من علاقاته القوية بيقدر يوصل لين باب غرفتي بعد .. مجنون واللي يبيه يسويه ويحصل عليه مافي شي يوقف طريقه .. وفيه معلومات قلتها له عني غلط .. شلون بعلمه الصج ؟؟ اخاف لو درا بالصج اطيح من عينه ويكرهني ويخلييني .. ودي اعزم امه بالبيت عندي واعلمها بكل شي عشان هو يقرر يا يتم معاي او يخليني .. محتارة شلون اعلمهم معلوماتي الحقيقة مع ان امه قد لمحت لي انها تبي تزورني بالبيت وتتعرف على اهلي بس انا مارديت عليها لاني خايفه يكتشفون الحقيقه وبنفس الوقت مو حلوة بحقي اكون على علاقه مع شخص مو حلوة قدام اهلي .. انا واثقه من حبه وانه يبيني بس شخصيته الغريبة والمتناقضه تخوف
هذي القصه العجيبة ماتخيلت بتصير لي في يوم من الايام
في احد المرات نزلت برنامج على جهاز الجوال وقعدت اتفرج فيه الا واحد يكلمني ومارد عليه استمرت الحالة كم يوم وانا ماحب الشات بس نزلته فضول وكل مرة يكلمني اقوله مب فاضيه باي وراي شغل
يقول شنو الشغل اقوله بزنس ... من قلت كلمة بزنس هنا بدينا الكلام لانه طلع رجل اعمال وعنده خلفيه واسعه صرنا نتناقش في البزنس وامور الشغل واستفدت من كلامه وايد وماكان في بالي علاقه ولا خرابيط وانا الحمدلله ماعندي علاقات مع شباب كلش ..مع الايام صرنا شوي شوي نتكلم في امور ثانيه حاول فيني يعرف عني اي معلومة شخصية ماعلمته وعطيته اسمي غلط وعايلتي غلط وكل معلوماتي غلط بعد انا بنت من حقي اخاف على نفسي .. اما هو قال لي كل شي عنه وعرفت عنه كل صغيره وكبيرة .. تطور الامر بعد شهرين ثلاثه الى ان قال لي انه يحبني وشاريني ومن هالكلام وكان مستعد يساعدني في كل شغلي لانه واصل وله علاقات مع اكبر ناس في البلد ( لو وحده غيري كان بسرعه استغلت هالشغله) وقال لي بصراحه انه تعلق فيني وحبني اكثر لما شافني اصده ههههه وقال لانج ترفضين تعلميني عن نفسج لو وحده غيرج كان الحين معلمتني وين بيتهم .. اكتشفت بعدين انه علاقته مع امه قويه وايد وامه يده عيوز كبيرة بالسن بس متعلمه ونزل لها نفس البرنامج اللي نسولف فيه وخلاها تكلمني وصرت اسوي معها شات ( طبعا مافي مكالمات تلفون ولا شي و لاعمره سمع صوتي حتى ) عرفت من كلام امه انه كل شي قال له عن نفسه صدق وامه حبتني وايد وقالت لي ان ولدها شاريني ويبيني بالحلال وهو سبق وقال لي .. بس مو مستعد للزواج ولا يبي يتزوج الحين واعتقد السبب انه مر بتجربه فاشلة سابقه مع الحب ومع الزواج انتهت بالطلاق والتجربه مأثره فيه .. اللي مو قادرة استوعبه شلون حبني بهالسرعه والله اي طلب اطلبه منه يسويه وينفذه مايسمع كلام امه كثر مايسمع كلامي ... امه لو بغت شي تطلب مني انا اقول له يزعل امه ولا يزعلني .. تخيلوا لما اخليه وانام يروح عند امه ويقول لها يمه نامت وخلتني .. لو صارت لي مشكلة يروح يبكي عند امه ويقول لها .. دايما يذكرني بالخير عند امه لين حبتني مدري ليه حبني هالكثر ...في البداية كنت اشك وماكنت حاطة الثقه فيه حتى امه شكيت انها مب امه لين تاكدت من كل شي وتاكدت من صدقهم .. بس فيه وايد اختلافات بيني وبينه انا اكبر منه بسنتين متعلمة ومثقفه وملتزمة واهلي ناس بسيطين وطيبين مالنا علاقات ولا لنا حد بهالدنيا .. بينما هو طايش وفيه عيوب ماتعجبني مثلا يتلفظ على امه وابوه بكلام اشوفه مافيه احترام بس مسويها مثل مزح لكن ماشوفها انا مزح انا تريبيتي جدا محافظة هو عادي يتكلم بكلام وسخ نفس كلام الاطفال اللي مو متربيين بس قلبه حنووووووون يغلط على امه وبعد شوي يقعد يبوسها من راسها لين رجولها لين ترضى وتسامحه .. وبنفس الوقت قلبه قاسي!! كان يحب وحده لمدة 8 سنوات واهلها زوجوها غصب عنها مااااتت من البكاء والحزن لين تطلقت وحاولت ترجع له لكن رفسها وصدها عنه ولما تحاول تكلمه يقول لها كلام ماينقال رغم ان مالها ذنب بالزواج هذا الشي خلاني افكر فيه اذا حبيبته من 8 سنوات ومالها ذنب وتطلقت وتبيه صدها عنه شلون انا اللي ماحبني الا من كم شهر !! وزوجته اللي طلقها سحب عيالها منها اول ماولدت ولدها عمره شهر خلا واسطاته تجيب له الحضانه !! تخيلوا واسطته فوق كل القوانين
عرفت عن ابوه انه منصب عود بالبلد وعلاقاته زينه وشينه بنفس الوقت .. انا بصراحه ابيه لبعض الميزات اللي فيه لكن بنفس الوقت متردده من عيوبه مثل طيشه ومراهقته رغم انه تعدا سن المراهقه علاقاته القوية اللي ممكن تودي اي واحد في ستين داهيه لو قلب عليه...من عيوبه يدخن وراعي طرب ..وانا ماكنت حاطة في بالي اخذ واحد مدخن او راعي عود ..يصلي من كلام امه انه محافظ على الصلاة ..المشكلة الحين اني خاشة عنه معلوماتي لان ادري لو عرف عني معلومه وحده من علاقاته القوية بيقدر يوصل لين باب غرفتي بعد .. مجنون واللي يبيه يسويه ويحصل عليه مافي شي يوقف طريقه .. وفيه معلومات قلتها له عني غلط .. شلون بعلمه الصج ؟؟ اخاف لو درا بالصج اطيح من عينه ويكرهني ويخلييني .. ودي اعزم امه بالبيت عندي واعلمها بكل شي عشان هو يقرر يا يتم معاي او يخليني .. محتارة شلون اعلمهم معلوماتي الحقيقة مع ان امه قد لمحت لي انها تبي تزورني بالبيت وتتعرف على اهلي بس انا مارديت عليها لاني خايفه يكتشفون الحقيقه وبنفس الوقت مو حلوة بحقي اكون على علاقه مع شخص مو حلوة قدام اهلي .. انا واثقه من حبه وانه يبيني بس شخصيته الغريبة والمتناقضه تخوف
![[ نور عيني ]](/data/avatars/m/330/330475.jpg?1621062804){kind=avatar}
