بدينا و البادي بسم الله ( شنو تجهيزاتكم للدوام 2011 )

[:: Diva ::]

السلام عليكم


بدأ العد التنازلي للدوام
اقل من 3 اسابيع و نداوم


شنو شريتي و شنو جهزتي ؟
و شنو ناقصج و من وين بتجهزين ؟




انا عن نفسي
ما سويت شي للحين
يا دوب جهزت 3 عبي و جم بدله بس
ناقصني اودي الداتا شو ابدل اللمبه
ناقصني اسوي فورمات للاب توب
ناقصني القرطاسيه و ملف التحضير

اممممممم ناقص شنو بعد ؟


نفسياً ؟
ما ادري
ما ودي اداوم لكن اذا حطيت ولدي بحضانه بكون مرتاحه و جاهزه
هالاسبوع ان شالله اشوف لي حضانه سنعه



ابلات شلون عليكم ؟

 

[randomy]

ماشاء الله عليج

انا بعدني ماسويت شي

بس شريت بنطلونين حلوين ومريحين

وعندي تنورة يديده يبيلها بديات

القرطاسية والوسائل الله يستر انشالله يكفي المعاش

طيرته عالسفر والخرابيط

 

[قلب راشد]

الى الآن ما استعديت نفسيا

ومخليه كل شي الى بعد العيد

بس شفت جم قطعه بالسوق حلوين برووح اخذهم

يصلحون للدوام وبشتري لي عباة

ووو شنو بعد ؟؟

ما ادري مفلسه وناطره ريلي يعطيني مووني

 

[MisS *-* BMW]

وعليكم السلاااام

انا عن نفسي بعد ما سويت شيء

بالنسبه للهدوم اشتريت من بره وخلصت

بس سوالف دفتر تحضير ولويه بعد للحين في جم فكره ابالي ودي اسويها هل ايااام ..


اما من ناحيه النفسيه

ههههه بصراحه حييييل خايفه والله يسترر من اتذكر اول يوم يحوووشني عوار بطن قوي هههه

ومشكوره يالغلااا ع الموضوووع

ومبروك للمعلمااات التعيين اليديد :eh_s(17): والله يوفق الجمييييييع يارب

 

[مظلومه ياناس]

بالنسبه لي انا فصلت عبايتين ساده عند حناين ( خاماتهم حلوه ) وخذيتلي ٤ ملافع من المشعل ،،، وجننطتين وتكرمون نعال طبيه من فيتال
اما القرطاسيه تو الناس بشوف شنو مرحلتي وجم نصابي منها احدد القرطاسيه
ايه ونسيت مكياجي وعطوراتي توني ماخذتهم حق رمضان اكيد يكفوون ويوفوون للدوام
الله يعيني على الدوام هالسنه اول مره اداوم وانا حامل دايما اخذ مجلس طبي للولاده بس هالمره ماخذيت كلها شهرين ان شاءالله واولد

 

[نوني.]

اممممممممم انا فصلت عباتين وشريت شنطه و فصلت للعيد فستان قصير

بصراحه حايسين مدري نجهز للعيد والا للدوام
الله يعين

 

[بنات حواء2]

انا مخلصه اموري كلها
ريلي شرالي هديه لابتوب يديد هدية التعيين و فرمت لياه و حطالي برامج الله يخليه لي ولا يحرمني منه
بدلت خذيتلي فوق ال8 بدلات غير بدلت العيد
كلهم بنطرونات مادري اي مدرسه بقطوني و لا ادري اذا عندها عقده من البنطرونات و لا لا بس انا بصراحه حابه البس الي يريحني ومااحب احد يتحكم فيني
والي مو عاجبه خيحاسبني و لا ييبلي قانون يمنع البنطرونات
علمن بان لبسي محترم و ساتر بنطرون بس عليه شغلات طويله و كل شي متستر و راهي
اغراض المكتبه عندي وايد مالوت الميداني كلشي موجود بس بغلف هلاسبوع ملفين و بخليهم وباخذلي اقلام سبوره وبس
و الباجي جاهز
بس الي احاتيه بالضبط نفس الشي الي تحاتينه
بنتي
مارضو يدخلونها روضه على يومين تخيلي
فانا هلاسبوع بسجلها حضانه
منو فيكم يعرف حضانه زينه بمبارك الكبير او العدان او صباح السالم
بلييييييييز فيدوني الله يوفقكم
قلبي يطبخ احاتيها و حبيبتي تبي تروح و متشجعه ويوم قالو لا ضاق خلقي عليها حبيبتي فبوديها حضانه مثل جو المدرسه و منها تتعلم و تستفيد بدال القعده بس
ابي حضانه زينه و تعلم انجليزي مابي حضانه العاب وبس لا ابي منهج حلو و مفيد
الي تعرف تقولي بليز

 

[اريج الجوري]

مازهبت شي ,,,

والنفسيه لي اللحين مو مستوعبه ان العطله بسرعه خلصت ,,,

اهي اهي اهي ...

 

[lolowawa1234]

أنا الحمدلله تقريبا خلصت تجهيز بدل تقريبا9 وجنطتين وعبايتين وناقصني جم بنطلون

وأما دفتر التحضير بدق على المكتبه يجهز لي شغل مرتب

واللاب توب الحمدلله مو محتاج اي شي والداتاشو ان شاء الله زين ومافيه شي وهم بشيك عليه

اهم شي نتوكل على الله وان شاء الله ادرس صف زين ههههههههه:eh_s(9):


وانتوو بنات شنو تجهيزكم وتوقعاتكم عن هالسنه
بالنسبه لي السنه اللي طافت حلوووووووووووووه بس شوي طويله ...وأتوقع هالسنه هذي بتكون حلوه بشرط اذا غمضنا عيونا عن المشاكل وطوفنااها ...احسبوها صدقه عند ربكم :eh_s(8):

 

[lolowawa1234]

اي بنات صج متى الدوام ؟؟؟؟؟؟؟

 

[سنـــابل]

عندي جم قميص مخيطتهم بالعطله بلبسهم للدوام ان شاءالله وبقزر فيهم

باقي لي عبايه وجنطه

والقرطاسيه دفتر التحضير احنا بالروضه يعطوننا اياه فماني شاريه وعندي اقلامي


ابي اقلام سبوره يدد بروح اشتري ان شاءالله وبفرمت لابتوبي

 

[قلبي ودمي كويتي]

بنات شكو انتو اللي تييبون الداتو شو

مولازم الاداره توفره لج

 

[صلفا]

:bbbiu: انا اداريه بس ما جهزت شى

 

[قلبي ودمي كويتي]

ايه والله بنات تكفون تعيين يديد

وموعارفه من وين ابدأ


ولا شسوي

 

[miele]

اب اب

 

[ذكريات عشاق]

انا فصلت عبايتين وشريتلي جنطتين وجوتي وانتوا بكرامة
وعندي ملابس مدخلتهم الخياط وشريت جم ملفع اسود بس عليها نقشات ناعمة لان عندي عباية ساده فاركب عليها الملفع
وشريت النفانيف ركبت عليها تونزات
والمكياج عندي وايد بس يبيلي شوية تناتيف

اما بخصوص القرطاسية في شغلات راح اشتريها بعد العيد اما دفتر التحضير فلاني تعيين جديد فراح انطر لما اشوف المدرسة الاولى وشنو تقولي عشان اعرف شنو اخذ بالضبط

 

[أميرة طفولتي]

بالنسبه للنفسيه زيرو
ولا لي خلق الدوام


ووووو الملابس
انا بنتقل انشالله مدرسه ثانيه وملابسي مالت الكورس الثاني السنه الي طافت كلها يديده
فبرد البسها مايستاهلون الواحد يرد يقط عليهم فلس


والقرطاسيه انشالله في مجال تو الناس
اول اسبوع من الدوام الطلبه للحينهم مو مداومين
واعرف انا اي مرحله وشنو نصابي وبعدها اجهز دفاتر التحضير والزي منهووو

ويسلمو عالموضوع

 

[@ نجمة العطااا @]

أنا ماكان لي نية اروح سوق برمضان بس اضطريت عشان البزران
فاستغليتها فرصة فصلت عبايتين عند حناين ناعمه وحلوة مع ملافعهم
وشربت لي جوتي تكرمون طبي للدوام وجنطتين وحدة من بازار والثانية من نواعم
وفي من قبل عندي شارية من النت
وعندي من قبل سوالف القرطاسية وجهزت العدة لتزيين الدفتر وللحين ما بديت

باقي لي فورمات للآب توب وابدل خط النت الايقو وأقعد احضر دروسي بوربوينت وكتابي

 

[غرام نانا]

مرحبا ياحلوين ومبارك عليكم منتصف الشهر الفضيل وتقبل منكم ربكم الاعمال الصالحه ربما اكون انا اكثر خبره من حضراتكم

انا كمعلمه لى 9 سنوات ولله الحمد نستمع من بعض لتعم الفائدة اقدم بعض النصائح لاخواتى المعلمات من واقع تجارب وليس من واقع

كتب وكلام فاضى :

نتكلم عن اللبس اولا : اول يوم دراسي لبسي اللي يريحج لان ماكو طلبه ولكن حطى فى بالج ان اللبس عند الاداره يحكمون منه على شخصيتج لان بعض الادرات ماتحب اللبس الاوفر وعندهم انه اياثر على الطالبات وطبعا ماكو قرار بهالشي ولكن تقدر المديره تمنع

هذا الشي وتتحكم فى اللبس من واقع انها خايفه على الطالبات وانج يامعلمه قدوه وينعكس سلبا على تقديرج من خلال تقويم الكفاءه

من باب اخلاقيات المهنه واهوا فعلا انه مو من حق احد يتحكم فينى او يوجهنى لكن راح اتشوفين القيل والقال بين المعلمات وان هاذى 0000 وممكن يوصلون السوالف برا المدارس المهم تابعى مزاج الاداره موعلشان التقدير ولكن منعا للسوالف

طبعا الاداره راح اتسوى اجتماع مع بدايه العام وتقولج شنو اللبس اللى يعجبهم وووو



وفى ادارات عادى يحبون اللبس والكشخه وال..


ثانيا : اللبس المناسب اذا عبايه احسن شى العملي يعنى انها ماتكون الكم واسع حيل يتوسخ او طويله وايد تلبسين كعب عالى ويتعبج


البدل الوانها راقيه ماتكون الاحمر الاوفر والبرتقالى ووو ولا مزركشه وترتر وخرابيط وتكون القميص او البلوزه تغطى


الميك اب مايكون اوفر


الجنطه مولازم تهتمين فيها لان الماركات حرام توصخينها بالمدرسه وبعدين راح تنحط بالدرج محد دارى عنها انا عن نفسي احب الجناط السبورت اللي تكون عالجنب خفيفه وسهله


وهم لاتنسي الموبايل مادشين فيه الصف نهائيا

ثالثا : لوازم المعلمه القرطاسيه لاتشترين اى شي الا مع الدوام يعنى اتعرفين شنو مطلوب منج جم بدرسين فى رئيسات اقسام يحبون الملفات والطباعه وفى يحبون الدفتر والكتابه بخط الايد وفى مايهتمون وايضا الموجهه يبدى رايه وهذا اوكى وهذا لا

يعنى حرام تلعبين بفلوسج نطرى يحددون

اما بنات التعين اليديد لاتندفعون بقوه الداتاشو مو ملزومه انتى بتوفيره رئيسه القسم تقولين لها انا بالحصه الفلانيه ابيه وتنسقمع الاداره ديرى بالج اذا كان كل يوم داتاشو اتسوين ممكن ياخذونه سلبيه عليج لان المناشط لازم تتدون بدفتر التحضير ولازم يكون فى تنويع مره داتاشو مره صور مره مشهد مره كتاب خارجى مره ....الخ


ولازم ماترفضين اى شي اختى المعلمه التعين الجديد لان راح يحطون عليج وكونى عاديه لاتندفعين بوسائل قويه من اول شى خلى كل شى مفاجئه مثلا اذا قالوا بنزورج بالصف اليوم فاجئيهم بالداتاشو مو من اول السنه كل تحاضيرج داتاشو وداتاشو بعدين اتقولج ماغيرتى وين اليديد

رابعا : العلاقات الاجتماعيه بالمدارس خليج سطحيه مع الكل ولا تتعمقين لانه كل سنه تتغير الوجوه وديرى بالج تتحجين برئيسه قسمج اة باى معلمه الابالخير لانه كل وحده متربيه غير ممكن وحده تثقين فيها تلاقينها تفشلج وتفضحج


انا مو رئيسه قسم هههههههههههههه ولكن من واقع معايش وتجارب اى سؤال انا حاضره واتمنى لكن التوفيق

 

[النوراء]

غرام نانا مشكووره حبيبتي ماقصرتي
احنا محتاجين نصايحكم وخبراتكم