برائتي بيدكم

[أكاديميه]

السلام عليكم ورحمة الله وبركاته

الكل يعرف شعور الظلم والي ما جربه اتمنى ما يشوفه
ولو انه الظلم مو قهر جان الله ما خلا دعوه المظلوم مجابه

انا اليوم كان عندي امتحان ايلتس والي ممتحن
يعرف انه الامتحان يطول

يقولولنا تعالوا 8 ونص عشان ندش
ومايبلشون الا تسع و شي
وكل امتحان ساعه غير التعليمات
اليوم طلعت من الامتحان 1 الا ربع
و زوجي مومصدقني يقولي جذابه
وتهاوشنا
فكرت اكتب والي امتحن يأكد كلامي يمكن اذا وريته يصدقني
سامحوني عللاطاله واتمنى تساعدوني​

 

[صمت اللـ ي ـالي]

اب اب

 

[أكاديميه]

عفيه طلبتكم

 

[أم الفناتك]

اذا مو واثق فيج وانتي مظلومه مايستاهلج وخلج واثقه بنفسج صدق والا عند يدي المهم اني صاجه جدام ربي

 

[UNICORNA]

اممممم خله يروح يسأل بالمكان اللى تدرسين فيه متى خلصتم

ومو كل شى يكذبك فيه تروحين تستموتين عشان تبرئين نفسك لان بهالطريقه

راح يتعود يتهمك ولو ماقدرتى تثبتى عكس كلامه راح يثبت عليكى التهمه

عموما خله يروح المعهد يسأل وبعد كذا لو اتهمك بشى لا تجلسين تبررين له كنك متهمه

 

[Queenleo]

من صجه ريلج!!
اسمحيلي ووين قاعدين
حلوه هذه الي تبي الخرابيط لووو بغرفتها بين اربع طوووف وومصكر عليها الباب تووصل للي تبيه
البنت اذا تبي شيء ماحد يمنعها
خلااص مره ثانيه خل ينزل وويقعد عند القاعه الين تطلعين
صج رفع ضغطي

المهم

اسمع ياريلها
الامتحانات تتمدد ووتقصر المده على حسب الضرووف
ووالدكتوور
ووالطلبه اذا كملوا العدد او لا
اهوا موو قرأن مايتغير استغفرالله

 

[NEW WOMEN]

ربي يصلح مابينكم

 

[سحـورة]

صح واايد يطوول
4 ساعات .. أنا مرة رحت 8 و دخلنا ع الإمتحان بحدود 9 وشي و رجعت 1 ونص
لأنه يبيلهم فتره يجمعون الأوراق و خروج الكل نفس التوقيت تقريباُ حتى
ما يكون إزعاج
يعني شراتج ب الضبط ... و إذا كان السبيكنج ويااه بيطول لين 3 و نص
و إحتمال 4

 

[زوجة الوزير]

الله يهديه وكلام الاخت اللي فوق في محله اذا مو مصدقك يروح ويسأل هناك وبعدها يعرف انه غلطان وظلمك

 

[مهره بلا خيال]

أحتسبيها أجر وأدعي له بالهدايه وعدم التفكير في هالأمور...

 

[ربي محتاجتك]

البنات كفو ووفو
وان شاء يصدقج

 

[_ظل الياسمين _]

الله يهديه...

 

[سكوتي بذوقي]

الله يهديه يارب

 

[قلبي يتبعك]

في الايلتس كل سيكشن له ساعات محدده

من غير الوقت اللي يستغرقونها في التعليمات وغيره وغيره

بصراحة ماله الحق يظلمج

ربي ينصرج