برنامج العروس

[M!ss chocolate]

السلام عليكم
شخباركم بنات
حبيت اسأل عن برنامج العروس
افكر اسوي برنامج العروس ف صالون تولاي الي عالبحر
ياريت الي مجربة تفيدني وتساعدني
اذا الصالون حلو وشغله حلو ونظيف
وانا مابي مكان يكون وايد غالي
وثانكس مقدما :eh_s(7):

 

[خجل~]

وعليكم السلام والرحمه

للأسف ماعرف هالصالون كان ودي افيدج ..

بالتوفيق يارب

 

[ايمان7]

حتى انا مااعرفه بس حبيت ارفع الموووضوع
والف مبروووك ياارب عسى الله يتمم عليج ويسعدج

 

[قاهره عذالي]

حسب ميزانيتج


يقولون بيوتي تك برنامجهم حلو بس غالي

انا والله اشوف ان الوحده كل 10 ايام حمام مغربي عادي

وان قرب العرس حف وبديكير وبرافين رجول وايدين وجسم وحف وجه وحواجب وتسوي جلسات شعر قبل العرس على الاقل بشهرين

هي برامج العروس احلى شي فيها الحمامات اللي اشتراك وتكون سعرها زين ونظيف وفرك بضمير

 

[ريتاج_90]

اب
اب
اب

 

[M!ss chocolate]

مشكورين حبايبي ..
ياريت الي يعرف يفيدني

 

[قاهره عذالي]

حبيبتي

انا عروس سابقه


تبين نصيحتي

اذا عندج مشاكل بالجلد وسواد بالجسم

روحي دكتور جلديه

وخلج كل اسبوعين او عشر ايام حمام مغربي وبعد الحمام رطبي جسمج

واستعملي شغلات من الصيدليه للتبيض واستشيري الدكتور

يعني بالله برنامج عروس ب200 دك وكله تنظيفات وفقط

شنو بيغير فيج

هم مو دكاتره

عالجي جلدج عند طبيب

اهتمي ببشرتج وحلي مشاكلها عند طبيب الجلد

والحمامات ابدي اشتراكات قبل العرس ب3 اشهر او سوي ان قرب العرس وبقى شهرين كل 10 ايام حمام


بالنسبه لي احسن صالون حمامات مغربيه جربته

هو صالون رمادا بالجهرا

 

[M!SS.LOBY]

موفقة

 

[Katkoota85]

انتي سوي حق نفسج احسن .. اهتمي بشعرج زيتيه وحطيله خلطات وكل ٣ ايام فركي بليفه مغربيه حطي صابون مغربي على كل جسمج وشطفيه بماي وفركي بعدين بليفه مغربيه بدون صابون بحركه دائريه راح تطلع بلاوي .. وبين فتره وفتره سوي حمام مغربي ببخار الصالون وقبل العرس حف وشيره وبدكير ومنيكير وتنظيف بشره انصحج بحنان دشتي حده عجيب .. يخلون ويهج يلق اللي بحولي وبس ..
مووووفقه

 

[برنسيسة2007]

حبيبتي حق الوجه نظاره وتبييض والبدكير والمناكير والبرافين والتشقير روح لجاك بالسالميه


ونصيييحه قبل عرسج باسبوع سوي الوجه وخلصيه انا بعرسي سويته قبله بيومين والكريم الاساس تقطع بوجهي وعدت عليه مليون مره لان بشرتي كانت متعبه من التنظيف والتشقير وغييييره
ومو مشكله اذا حفيتيه قبل بيوم
اذا كانت بشرتج ماتحبب

وبالنسبه للصالون اللي ذكرتيه ما اعرفه والله

 

[البطه البلدية]

موففه ان شالله

 

[أم*سلمان]

رفع رفع​

 

[تبيني آرضى عليك]

موففففففففففففقققققه

 

[صلوا على الرسول]

بنات افضل شغل عدل لبرنامج العروس . بكل ذمه وظمير .ومانبي دعايات بس وشغل عادي

بلييييز .واللي مجربه وطلعت تلق تقووول واللي تقرا وماترد بلا كسل ^_^ كله حرفييين

 

[M!ss chocolate]

بنات انا اقصد برنامج العروس قبل العرس
شيره وبديكير وحف وحمام زيت وحمام مغربي وتنظيف بشره وحمام ملكي هالسوالف الي تكون قبل العرس
ماقصد ان من الحين ببدا بالصالونات لالالالالا
الحين انا بهتم زيوت بشعري وكريمات وخلطات وسوالف
بس اقصد قبل العرس ابي صالون نظيف وشغلهم عددددددل اروح عندهم اسوي برنامج العروس
ياريت الي تعرف تفييييدني بليييييز

 

[M!ss chocolate]

up
up

 

[زبــــــــدة]

انا برنامجي كان بسبا ليلى جاليري ...

سويت تنظيف بشرة ..

سكراب حق الجسم وتنعيم ..

واكس حق الجسم كله ..

حماام ورد ...

بديكير ومنيكير ...

مساج حق الجسم ...

جلسة حق شعري ...

والمكان حددده واااو ومرييييييح وماكو زحمه اهم شي تروحين على موعدج ...

طلع 170 تقريبا ...حده زين عالمكان والنظافه ...

 

[M!ss chocolate]

زبدة مشكوره حبيبتي على ذكر تجربتج
ياريت البنات يفيدوناا بعد