برنامج عنايه .. البشرة .. الشعر .. الجسم.. التغذية

[زبده 25]

صباح الخير
ومبارك عليكم الشهر

حبايبي انا آرادتي حيل ضعيفه وبنفس الوقت ودي

ودي حبابي يساعدوني نقوي ارادتنا ونسوي برنامج
للبشرة .. الشعر.. الجسم .. التغذيه

عندي برنامج كاتبته صارلي اشهر واشتري اغراض للخلطات بس ما عندي احد يشجعني >> زوجي يزفني يقولي ليش هالمعابل دام انتي جذي

انا عندي وقت فاضي بس كله عالكومبيوتر مضيعته >>> اتابعكم يوميا بس خلف الكواليس وتوني سجلت
ماشالله شفت بنات بالمنتديات الثانيه يشجعون بعض << قصدي من غير حملات


لان الحملات تقيدج بفترة معينه وبصراحه مايكفينا الوقت شنسوي وشنخلي >>> اهو تقشير واهو تبيض >> وهذا كله من الاهمال

لان برنامجي يبيله من 4 الى 6 اشهر >> حشى عروس

وانا ابي قروب من 3 او 4 بنات نشجع بعض واللي بتدخل حياها الله
ولفترة طويييييييييييييييييييييييييله نسجل كل شي نسوي >> من غير حملات


ان شالله بقولكم طبيعه بشرتي وشعري وجسمي تغذيتي << لان والله محتاجين للبرنامج عنايه
واللي تبي تبتدي معاي تبلغني
:nbvppw:

 

[حبيبه ببي]

يالله انامعاج قمه الكسل بخلص الحوسه والاغراض اللي عندي والشهر اخر شهر عشان مابقى شي ولزام ارجع امريكا

 

[لمساتـي]

حياكم مع برامج التفتيح
للبشره والجسم واليين د والقدمين
والشعر
وفيه تجارب البنات بتويتر والواتس اب
٩٩٤٢١٥١٨
Share your adventures with your friends realtime

Share your adventures with your friends realtime

 

[ά38Ł miήόήά ㋡]

وانا معاااكم

 

[RO0O7Y KUWAITYA]

الله ينولج اللي ببالج يااااااااااااارب وتوصلين للنتيجه اللي تبينها

 

[الكيكه دندن]

فكره حلوه وبلشوا وعطونا خبر

 

[زبده 25]

صباح الخير
اول : يامرحبااا بالكل
ثانيا: بقولكم طبيعة بشرتي .. شعري .. جسمي .. تغذيتي

أ - البشرة : عاديه ( صافيه ) يعني من غير حبوب/ غير موحده صوب الشفايف غامج شوي / شحوب وذبلانه
هالات سوداء / زيوان عالخشم ..

ب - شعري : (كان كثيف وطويل ويهبل واسود ) : والحين لونه شاحب / تساقط بالهبل / قشرة / فراغات صوب الجبهه / تقصف / طويل بس مو لايق الطول على تقصف

ج - جسمي آآآااااه ياجسمي : طبيعه جسمي المتن يتركز باماكن معينه .. مثل الصدر والمؤخرة والكرش و الفخذ
اولآ : الوزن كان يجنن صار قرف >> كان 65 صار بال90 وضعفت والحين 75 / صدر / كرش / ومؤخرة << قصة
مترهل / تشققات بس ماتبان لاني حنطاويه فنفس لوني صاروا / شعر تحت الجلد / مافي لياقه / سيلوليت بجميع اشكاله

ثانيآ : لوني حنطاوية اميل للبياض ..
الركب والاكواع والاباط والمنطقه الحساسه والرقبه والايدين والرجلين ( اغمج من لوني بدرجتين )
لوني شاحب مافيه حيويه ولا نضارة / جاف / ما عرف شي اسمه ترطيب


تغذيه : اغلبيه اكلي مطاعم وجبات سريعه / وما عرف ولا فواكهه ولاخضرا / عصاير برتقال وليمون بالنعناع مره بالاسبوع
فيني انيميا / نقص فيتامينات / كاليسوم / ما اشرب الماي وايد / النوم متقطع او نايمه كل اليوم مافي حل وسط
في هرمون حليب مرتفع فآ ما اشرب حليب /




الاظافر تقصف وبسرعه تتكسر وضعيفه
الرموش متنتفه
شفايف غامجه >> فآ استعمل حمره جافه وقلوس جاف
العيون << لبيسه عدسات من كثر ما البس زوجي يقولي هذيل عيونج .. تعوت عليهم << لازم قطرة و مرهم
اسناني حمد الله زنيين بس الثه شويه حساسه

 

[WAAAW]

شدوا حيلكم good luck

 

[زبده 25]

الجدول
بسم الله نبدي

البشرة :

غسول _ صابونه << انتي مرتاحه لها .. انا استخدم البابايا مرات فير اند وايت

سيروم فيتامين سي من فير اند وايت .. قبل المكياج <<< توني باديه فيه


كريم بين .. مرطب واهو كريم اساس لي بكل المناسبات
ماسوى لي شي استخدمه من 2009 بس يعطي لمعه حلوه للبشرة
كل احد يشوفني يسألني ؟ شنو كريمج ؟

كريم حمايه .. بحياتي ما عرفته ولا حطيته بس علشان بشوي تقشير
امدحوا لي انواع كثيرة للحين ماشتريت
ماي ورد _ اسكينول .. بعد ماغسل المكياج

مزيل مكياج .. استخدمت انواع كثيرة رسيت على جونسون سائل او غسول او مناديل واستخدم اللي خاليه من العطور

سنفرة .. استخدم انواع كثيرة .. ماسوت لي شي غير النعومه

ماسك .. الهرده والروب / الطين خاوه والروب .. امي مدحته لي تقول يتفح ويشد

(جتني فترة استخدم ماي الحلبه والخميرة بصراحه يتفخ ويتفح البشرة )

ازاله الشعر .. بالشمع ( مرة بالشهر )

تشقير .. استخدم كنت او اوكسجين على حسب الحاله


كريمات تقشير وتبيض ( لمده شهرين )


تنظيف بشرة ( مرة بالشهر)








الاسنان .. استخدم اكثر من معجون / غسول مطهر
وان شالله بشتري حبوب الزيتون ..

الرموش .. استخدمه مافالا بصراحه ماستمريت عليها >> كسل
ان شالله بستخدم خلطه

الاظافر .. استخدمت مافالا .. بس ماستمريت عليهم
استخدم سيباميد

شفايف مرطب فازلين مثل الحمره

للعين قطرة ومرهم من المستوصف

 

[زبده 25]

الشعر
حنا .. السعوديه + سدر + كريم الزباد مكتوب عليه man ( مرة بالاسبوع )

زيوت : دابر املآ + براشوت + كيشور + حبوب الثوم من الصيدليه للحين ماشتريتهم ( مرتين او ثلاث مرات بالاسبوع )


حبوب هير فيث + اوميغا 3+6+9
استخدمهم صار لي 3 ايام

شامبو تريسيمي ( مقاوم التساقط ) + لوريال (للتساقط)

مرات استخدم حمام زيت

مدحوا لي تونك روز ماري
ان شالله بستخدمه

 

[زبده 25]

الجسم :
كريمات تقشير اليدين والرجلين + صابونه فير اند وايت ( لمدة شهرين )

كريمات تبيض ( قبل النوم ) اللي انتي مرتاحه لهم او خلطه طبيعه يوميآ

خلطه شسالفه او بياض الثلج ( لمدة ساعتين او اكثر ) يوميآ

سنفرة ( كاب ومشمش وهرده وروب حليب بودره ) + مرةكنت اكلم رفيجتي بالوات جان اسألها عن محل بيت الصابون اللبناني جان
تمدح لي عن سنفرة الزنجبيل

ان شالله استخدمها

حمام بخار + خلطه بصراحه ما رسيت على خلطه معينه

انا اسوي الحمام بخار بالصالون بس ان شالله اسويه في البيت لان عندي خيمه السونا

تشقير (مره بالاسبوع )

ترطيب
فير اند وايت من كثر ما شفت المدح
قررت اشتري مرطب الميلك و كريم وايتنق و السيروم المقشر و الصابونه البنيه فيها سنفرة

مزيل عرق >> من سنين استخدم ماركه mum لونه ارتكواز بعدين الشركه خربت منتجاتها
جان اختي تمدح لي كريم كونفدنس من الشايع .. الله لا يوريكم اشم ريحه لي لما اعرق استغفر الله خايسه
وانا بطبيعه جسمي مالي ريحه حمدالله اثاري اهو يطلع ريحه لما تعريق جان احذفه
والحين استخدم دوف الرول مو الشمع بصراحه لو اتمين واقفه بالشمس ما تطلع لج ريحه مجرد عرق بس لان ما تمنع افراز العرق وهذا شي زين >> قصه حياتها


شور جل من لايف بوي

غسول للمنطقه الحساسه استخدمت كير فري / فيم فرش / انتيميت وريحته حلوة

 

[زبده 25]

التغذيه
النوم .. انا نومي متقطع او نايمه طول اليوم
شرب ماي
عصير برتقال
عصير ليمون بالنعناع
ماي دافي بالليمون عالريق
عسل طبيعي
روب
سلطتي (خس/ كرنب /فلفل بارد / خيار طمط صغير/ ليمون وزيت زيتون وملح )
فواكهه انا احب الفراوله والتفاح الاخضر
شاي اخضر بالنعناع فترة العصر
فيتامينات + حبوب حديد


المحظورات :
قهوة >> انا مدمنه قهوة عربيه وفرنسيه وتركيه ولا سكر زياده بعد .. ها شرايكم فيني
كاكاو حمدالله انا وياه مو ربع
شاي
مشروبات غازيه بعد مو من ربعي بس لما اشتري من المطاعم
دهون دسم وعيوش


انا بطبيعتي مو اكيله فآ انتوا قسموا الجدول عاليوم كله ونصيحه لا تاكلين بعد الساعه 6 ( بعد رمضان )
ولا تاكلون قبل النوم اقل شي ساعتين


طبعآ زوجي بفلس والسبب هالبرنامج .. ههههههههههههه

ان شالله يكون الجدول خفيف .. ياحبايبي لا تشوفون الجدول تقولون هذي فاضيه لاني بيتوتيه حيييييييييل