بروح المكتبه تعالو ابيكم

[Princess mood]

السلام عليكم حبيباتي شخباركم
واخير قررت اطور نفسي وابدا اقرء كتب :ggdw:
ابي اخذلي كتاب تطوير الذات يفيد وابي اطور قرائتي
بالانجليزي واي روايه بالعربي حلوه وتشوق شتنصحوني اخذ ؟!

 

[3oosh <3 MJ]

كتب تطوير الذات انصحج بكتب ابراهيم الفقي
عنده مجموعه كبيرة وتقدرين تختارين اللي يناسبج .. كتبه حلووة وواقعيه جدا
الروايات الانجليزية اذا توج مبتدأة عندج الروايات الموجهه حق الـ teen والـ young adult
لغتهم بسيطه وجنج تجوفين فلم ..
وفي روايات كلاسيكية خفيفة مثل peter pan و treasure island
بالنسبة حق الروايات العربية عندج مجموعه كبيرة من الكتاب .. اقري حق نجيب محفوظ اسلووبه وايد حلوو
والروايات الاجنبية اللي ترجمتها " الدار العربية للعلوم ناشرون" كتبهم حلوة وترجمتهم صحيحة ..

 

[شموخ عزي كويتيه]

الى الآن مافي رواية عربية شبابية قريتها لها معنى سوى روايات الكتاب الكبار مثل مسرحيات الاستاذ الحكيم رائعة

و عندج بعد مثل ماتفضلت الاخت بالاعلى روايات الاستاذ نجيب محفوظ امانة قريت له رواية اللص و الكلاب لقيتها عادية
البعض يقول ان كتاباته خياليه و عجيبة لكن بعد قرائتي وجدت البساطة و الشفافية و لكن تعرفين كل شخص و تعبيره
و عند بعد روايات الاستاذ طه حسين رائعة و سلسة كبادية قراءة لج و أهنيج على هالخطوة الحلوة
وفي كتب رائعة عن تطوير الذات افضلها الاجنبية و المترجمة و تلاقينها في مكتبة جرير و عندهم مجموعة حلوة وايد و شيقة
و لكن أقري محتواها عدل و شوفي اللي يانسبج لان بعضهم غير مفيدين كتب فقط للتسويق
و اذا حابة اي استفسار انا موجودة يالغالية في خدمتج .. لج التحايا​

 

[دلال.]

أنصحج تنطرين معرض الكتاب .. لأنه مابقى شي و يبطل و همن المعرض أشمل أكثر .
بخصوص كتب تطوير الذات .. سيييييييده روحي حق إصدارات مركز الراشد كـ شي أساسي .. وفي متفرقات كتب همن لكتاب غير
بس أنا أفضل مركز الراشد .
والروايات الأجنبية إذا تبي تطورين روحج شوي شوي عندج راويات اكسفورد بمستوياتهم .. تقدرين تبدين بالمستوى الأول إلى الثاني ..
إلخ .. حلوين و معاهم سيديات قراءة ..
عن الروايات ..
روايات عبده خال إذا تبين جرأة في الطرح و لغة دسمه ..
ليلى العثمان .. جرأة أيضاً في الطرح و لغة رومانسية متمكنة و أحداث متسلسلة قريبة للواقع بشكل كبير ..
بثينة العيسى .. فلسفة متقنة و جمال بالكلمات و التعابير و الصور ..
تركي الحمد .. فلسفة و سياسة و طرح غالباً ما يكون ساخط على المجتمع ..
محمد حسن علوان .. رومانسي يجذبك إلى أعماق أعماق الذات الرومانسية ..
منى الشافعي .. هادئة حالمة .. قريبة من ليلى العثمان في الطرح لكني أجد ليلى أجمل ..
غازي القصيبي .. شئ ثقيل الوزن معنى و مضمون و جمال ..
واسيني الأعرج .. آيه من المفردات و الجمال الرومانسي الحزين ..
أحلام مستغانمي .. سيدة الجمال و الحرف ..
جبران خليل جبران .. ماعتقد إنه له علاقة فيهم عشان أحطه معاهم . جبران غير غير غير ..



الكتاب الأجانب ..
باولو كويلو .. بالدرجة الاولى .. تقرين و تاخذين دروس بالحياة .. شي حلو و حكيم ..
جوستاين جاردر .. فلسفة خفيفة و دردشة رومانسية ..
يوكيو ميشيما .. غالبا ما يسيطر على الكلمات بعض الدفء و الوحدة ..
أورهان باموق .. جميل جداً .. مفرداته مختلفة و فلسفته تدخل في الكلمات و تحوّلها إلى شئ آخر ..
إيزابيل الليندي .. حلوة كـ امرأة قديرة تحكي حكايات المساء ..



هذا اللي أذكرهم الحين و إذا تبين أكثر أفضيلج مكتبتي .. : )
و إذا تبين همن دواوين شعر

 

[عادت ذكرياتي]

بالنسبة لكتب تطوير الذات وجذي من هالنوع عندج كتب د. صلاح الراشد وحتى همن بالإلقاء وجذي متخصص بهالأمور


وبالسنبة للروايات الانجلزية شوفي روايات بسيطة عشان ما تملين كبداية لج ومثل ما نعرف قليل دائم خير من كثير منقطع ...

وبالنسبة للكتب العربية كبداية لج حلو إنج تبدين بكتب عمالقة اللغة ألا وهم (((( جبران خليل جبران - وطه حسين ... إلخ )))) وبعدهم أرشح لج غازي القصيبي همن بالشعر العربي أنصحج فيه ....

وفيه بعد كتابات المفكر المنفلوطي حلوة واااااااااااااااااايد


وموفقة

 

[أنثى اليمامة]

اتفق مع دلال ، وانصج تنتظرين المعرض ..


​

 

[Princess mood]

مشكوريييييييين بنات فديتكم
اخترتلي كم كتاب من اللي قلتولي عليهم
ونشاءالله اليوم اروح جرير واخذهم :eh_s(7): :eh_s(7):