بروح سيرلانكا وابي مساعده

[الدانه7]

السلام عليكم ورحمه الله وبركاته كيف الحال انشاء الله طيبن ابي منكم مساعده بسيطه بعد مشاورات في العائله قررنا اولا نروح الى ايران لكن طلع لنل مشكله في الحجوزات بسبب الزحمه ومن ثما قررت انا لوحدي بان نغير الوجه الى تونس لكن تم الرفض بسب حراره الجو المهم وصلنا الى الاهم وهو انا نسافر الى سيرلنكا ونقعد يومين بكولمبو يومين بكاندي وثلاث ايام بنوراليا لانها بارده جدا وتدعى بانجلترا الصغرى ويؤمين في بنتتوته ومن ثم يوم بكولمبو ومن ثم الى مطار الملك فهد وزبده الحكي الي عنده اي معلومه عنها لا يبخل علينا بكتابته ويكتب المكتب السياحي اللي تعامل معه بسيلان وكم تكلفت عليه للعلم ان الدوله جميله جدا ورخيصه وتصلح للي يحب الاستجمام والراحه وابي اسماء المنتجعات فالله يخليكم لا تنسوني وابي اعرف كيف الجو بشهر 7جولاي ودمتم بصحه وسلامه :tek:

 

[ورق عنب]

مادري اختي بس سامعه انه عندهم حرب هناك وحوووسة حتى قبل جم شهر صايره خبصه بس شوفوا الوضع هناك وسألوا قبل لا تحجزون ... وبالتوفيق

 

[ام ناييف]

شوفي اختي انا رايحه سيلان وبقولك برنامج احسن
كولومبو ليلة وحده كافي بس ترتاحون
3 ليال في كاندي المدينه حلوه واسكنوا بالريجنسي روعه وفيه حوض سباحه ما تملين من قعدة الفندق
2 ليال في نورالينا اسكنوا بفندق مصنع الشاي بس اخذوا معاكم جاكيتات برد موت المنطقه حلوه بس مو لازم تطولون استروا شاي وامشوا لا يطوفك شاي الفندق يقدمونه اول ما تجين ضيافه ويعطيك الوصفه بعد
3 ليال بنتوته اسكنوا في تاج او فندق قريب منه بعد حلو بس تاج هادي جدا والبحر قريب منكم حيل وناسه
2-3 ليال في كولومبو اسكنوا بالهيلتون وتسوقوا في كولومبو كل شي رخيص

وتروحون وتجون بالسلامه

 

[زهرة شيك]

السلام عليكم...حبيبتي انا قبل ثلاث شهور كنت بسيريلانكا ..ونزلت بفندق كولمبو عجيب والجو ينن ..وطلعنا برحلة جميلة لمدة خمس ايام ..كاندي ..نواريليا هذي منطقة حلوة وااااااااااااااايد..وبعدين رحنا بنتوتا والفندق قريب على البحر..وكل شي رخيص والاكل لذيذ داخل الفندق ..وعندي صور اطرشها لج ...واعطيجرقم المكتب بسيريلانكا ممتاز

 

[الدانه7]

يعطيكم العافيه حبايبي والله حمستوني حنا رحلتنا بتكون 22\7 والعوده 31 او2\8 مع العلم لازم نقعد الثلاث الايام الولى في كولومبو والباقي تمشيه وانتظر زهره شيك الرقم والصور ومشكورين

 

[السولعية]

احنا بعد نازلين 6 ايام في سيرلانكا وعقب تايلند لكن لحد الحين ماحدد المناطق اللى بنروحها اهناك اكثر شي عجبني من المواضيع اللى قريتها بنتوته و نواريليا

جوفي هالموضوع بيفيدج وايد http://travel.maktoob.com/vb/travel152639/

 

[الدانه7]

تسلمين ياقلبي وموضوع جيييييييييييييييييييييييييييييييييييييييييييييييييييييييييييييييييييييييييييييد جداااااااااااااااااااااااااااا

 

[فطووومة]

http://www.q8yat.net/showthread.php?t=23952

 

[السولعية]

احنا عيل عقبكم تاريخ 5-8 اول ماتردين بالسلامه قولي لي شرايج فيها لان بصراحه انا متخوفه مع انها طبيعه واااوو =)وانشاءالله تستانسون

 

[الدانه7]

ولا يهمك ان قدرني ربي رديت عليك واعطيتك خبر كم سولعيه عندنا امري

 

[السولعية]

تسلميييييييين =)

 

[ميساء]

اليوم المفروض سفرتنا لسيلان و الحين بنكلسها و الحمد لله

الخارجية تقول لاحد يروح هناك الأوضاع الأمنية غير مستقرة .. خيرة بس أبي بديل ..

سوق و طبيعة

 

[sweetn]

السولعيه قبلنا بيوم لول

احنه باذن الله 6-8 واول زياره راح تكون لنا

شوفي انا كنت مسويه سيرج ويمعت اسامي هالسوقه

بكولومبوو

ارقى واحد عندهم اسمه 1- اودل

2- مجمع مانديه

3-هاوس اوف فاشن

4- cotton collection
5- msgestic city

6- lakmedura

انشالله اكون افدتج

 

[السولعية]

ميساء ليش لهدرجه الاوضاع خطيره ؟؟ انا اللى سمعته الاشتباكات من زمان عندهم بس بعيد عن المناطق السياحيه

واذا عن مكان ثاني راحوا تايلند اذا لقيتوا حجز لان الحين كله فل....,

sweetn مشكوره على الاسواق .. شلون عن خططكم شنو المناطق اللى بتروحونهاا ؟؟

 

[أحلى همبه كويتية]

بجريدة امس كانت فيه خبر
تحذير الكويتيتن من السفر إلى سيلان لأن الأوضاع الأمنية مو تمام

شوفي لج ديرة ثانية
والله يوفقك

 

[أحلى همبه كويتية]

اليوم المفروض سفرتنا لسيلان و الحين بنكلسها و الحمد لله

الخارجية تقول لاحد يروح هناك الأوضاع الأمنية غير مستقرة .. خيرة بس أبي بديل ..

سوق و طبيعة

تايلند

 

[razany]

بناات مابي اضيق خلقكم بس سيلااااااان مافيها شيي بسس طبيعه او شكل اما جوو رطوووبه وبخمس دقايق اطق مطرر موطبيعي قووووي وفجأه يوقف والديره وصخه خاصه كولومبو بس الحق ينقال الفنادق عجبه هناك جنج بقص مهراجا قاعده بس لما تطلعين بره تزهقين عمرج ماكو تكاسي كله تكتك

 

[دمـوع الشـموع]

حنا طلعنا قبل سنتين لسريلانكا
طبعاا الريال = 25 روبيه

جلسنا 14 يوم
استئجرنا من المطار باص يجلس معنا 14 يوم ويتقل فينا بين المدن يعنيي معنا من طلعنا للمطار الى ان رجعنا للمطار واخذ بس 1000 دولار

2يوم كلومبو في فندق الانتر طبعا مهم تروحون حديقة الحيوان حقتهم مره كبيره وحلوه
وفيه سوق اسمه اودل هذا احلى وانظف سوق هناك
وفيه محلات بالشوارع ماعليها تلاقين عندها شغلات حلوه واحينا ستوكات ماركات مثل زارا وناين وست ولاسنزا وتكون رخيصه يعني اغلى شي فيها 80 ريال ويكونون لاعبين عليك
وبعدها انتقلنا بالباص الى كاندي ووقفنا في حديقة الفيله
وبعدها في كاندي منتجع نسيت اسمه بس عموما كاندي ماعجبتني موب نظيفه مره جلسنا 3 ايام

وبعدها نتقلنا الى نوريليا جوها رايق وحلو وروعه ومطر وكل شي طبعا بالطريق بتمرون على مزارع الشاي ويبيلكم توقفون عند مصنع من المصانع تتفرجون وتاخذون هدايا شاي

احنا سكنا في جراند وممكن تسكونو في فندق مصنع الشاي

جلسنا 3 ايام بس المشكله الوحيده الاكل في نوريليا مافيه وجبات سريعه زي كنتاكي وماكدونالدز يعني يبغلكم تاكلون في الفندق افضل

وبعدها انتقلنا الى بنتوته وسكنا في منتجع اج وكان توهم مجددينه عقب تسونامي بس كان حلو ونظيف مره المدينه رطوبه وحر عشانها على المحيط
ورجعنا بعدها الة كلومبو وسكنا في الهلتون وانا انصح فيه بشده لانه فخم وحلو وسعره رخيص يمكن 90 دولار لليله

 

[sweet.sweet]

ترى سيريلانكا وايد حلوه انا قعدت في كولمبو في فندق هيلتون بلو اليفانت هذا ارقى فندق في كولمبو واامن لج شوفي حبيبتي ما بي اخرعج بس اهم عندهم مشاكل مع طائفة التاميل واهم اللي يسوون مشاكل يعني مره كنا تونا طالعين من الفندق ولا يقتلون واحد جدامنا طلقات سمعنا يم فندقنا وهذيل التاميل يبونه صفوه هذا غير مره فجروا ارضية المطار ومن ضمنهم جم طياره تابعه للخطوط الامارتيه اللي توهقنا وقعدنا فيها اسبوع لين فتحوا المطار مره ثانيه وكاندي حلوه كلها مزارع شاي والهيل ما عندهم اسواق بمعنى الكلمه لا مثل سوقين واحد اسمه ارينا والثاني ما اذكره يبيعون قطع ماركه اصليه واغلبها تكون معروضه بوقتها بالمحلات يعني و قديمه من طق بربريز تومي هاليفايجر بولو رالف لورين انتي وحظج وفكتوريا سيكرت والله انا طحت في بربريز كل اللي شريته كان معروض بمحلهم وقته وشريتهم برخص التراب

 

[الدانه7]

اولا لن يصيبنا الا ماكتب الله لنا ثانيا الله يعطيكم العافيه حبيباتي