بروح شهر عسل وميزانيتنا 1000 دينار ؟!

[cuteya85]

السلام على بنات بطوطه لوووول


بناات بليييز آنا وزوجي ودنا نسافر بالصيف وميزانيتنا آنا وياه 1000 دينار للسفر ..
تهقون نقدر تسافر فيها ؟؟ احنا ناوين نروح نستانس بس يعني ما راح انتشرى شي من برا كلللش مللش ..

دقيت على اكثر من شركة سفريات وسألتهم عن القروبات لماليزيا قالولي الشخص تقريبا 500 دينار تشمل التذاكر والسفر وكل المصاريف .. أحس هذا اللي يصلحلي .. وهم بعضهم قالولي روحي قروب لزلمسي ب 400 دينار .. أحس الاسعاار حيل مناسبة وعلى قد الميزانيه .. بس صراحه الينات هني بالمنتدى حيل مخرعيني اللي تقول كلفتها السفره 3000 دينار واللي 5 واللي 6 .. :ssssso:

بليز قولولي أقدر أسافر شهر عسل لدوله أجنبيه آنا وزوجي ب1000 دينار تشمل التذاكر والسكن وكل شي ؟؟؟!!! وترى ما عندي مانع اذا قروبات أو غيره ..:eh_s(22):


وثاااااانكس

 

[nouna82]

يعني 1000 غير تكاليف التذكرة و السكن ؟؟

لا اذا بتروحين اوروبا ماتكفيج 1000 اليورو مو رخيص بس تقدرين تروحين تركيا عن طريق طيران الجزيرة بسعر رخيص او تايلند عن طريق طيران اندونيسيا يعني لازم تشوفيلج عروض

 

[cuteya85]

ميزانيتي 1000 دينار تشمل التذاكر والسفر وكل شي ..

شلون القروبات يقولولي الشخص 500 شامل كل المصاريف من تذاكر وسفر ووجيات وغيره .. اختيnouna82 شلون تقوليلي 1000 غير التذاكر ما يكفي ؟؟ والله تحبطت

 

[طوق البنفسج]

من صجج .. الف شتكفي

اذا بس مصرف رحلات اوكي بس يبيلج الف ثانيه للسكن و الطيران و التنقلات .. وحتى الرحلات القروبات مايضمنون لج الرحلات لي رحتي هناك تحجزين الرحله الي تبينها .. و اكلج عليج مو على السفريات هذي كلها مصاريف ... حتى لو ماتبين سوق

كلش كلش روحي دبي التذكره ب 60 على طيران العربيه .. و السكن دوري سكن رخيص

 

[eng.q8]

روحي شرم الشيخ تكفييج وحلوه

 

[أمواج البحر]

اممممم 1000 شامله كل شي صعبه شوي

لازم على الاقل تشيلون فلوس التذاكر و السكن

حاولوا تدبرون مني مناك

وبعدين مو حلوة السفره اذا كنتوا قاعدين تحسبون فلوسكم بالمللي ماراح تستانسون

خاصه انكم بتروحون شهر عسل و المفروض تستااانسون

عندكم معاش 4 و 5 شيلوا فلوس التذكره و السكن

 

[واصله]

حبيبتي روحي شرم الشيخ
انا رحتلها قبل 3شهرو حلوة
وكلفتني 700 دينار تذاكر وسكن ورحلات وتشري لخمس ايام على الجزيرة بعد

و1000دينار ما توديج دولة اوروبية اقل شي يبيلج 2500
والقروبات الرحلة على حسابج مو عليهم
اللي عليهم بس التذكرة والسكن والريوق فقط لا غير لايقصون عليج
انا سافرت مرتين مع قروب وععع حدهم نصابين

 

[حلوى البحرين]

مادرى والله اشدعوه خل يزيد ريلج خل تعطيه امه والا يعطيه ابوه العسل على الريال اشعدوووووووووووووووووووووووووووووه

 

[candy21]

حبيبتي القروب مناك تعطينهم فلوس الرحله انا رايحه بقروب السكن والريوق والتذكره يمكن 500 والباجي عليج يعنى الرحلات والباص والتكاسي والمطاعم حبيبتي روحي شرم الشيخ او شاليهات في البحرين احسلج ولاتقصر فلوسج وماراح تستانسين بالسفره

 

[sHa6o0ra]

اوربا صعبه

لان المصرف فيها غالي ,, جربي دولة عربيه شرم الشيخ او المغرب هالدول المصرف فيها مو وايد بس حطي عالفندق والتذاكر

ولا تحطين ابالج ان ماراح تستانسين لان شهر العسر حلو وين ماتروحين

الله يوفقكم وتنكتبلكم سفره بالمكان الي تتمنونه

 

[Noor AlQ8]

الف ما تسوي شي

التكاسي بروحها يبيلها ميزانية .. ياما تزيدون ميزانيتكم ولا دورو لكم دولة عربية ارخص

 

[AL-BaNDry]

الف تكفيج في دبي

روحي وتونسي صج رطوبه وحر بس على الاقل الاسم غيرتي

 

[أم عبداللطيف]

الله يوفقكم يارب ويرزقك الذرية الصالحة

البنات كفو ووفو بس بزيد شوي

1000 ما تكفي انتي رايحة تستانسين يا تحطين ميزانية تونسج يا تروحين دولة عربية قربية احسن لج كلش كلش شرم حلوة وواااايد حلوة وزينة للمتزوجين تستانسين وتكفيج 1000 الفندق والطيران والرحلات او العمرة مكة ما تتطوف روحي فندق راقي واستانسي

لانه نصيحة السفرة يا تقطييين على الفلوس ولا تحكرين عمرج انتي رايحة تستانسين مو تحكرين عمرج لازم تشترين شئ
تشتهين مطاعم غالية رحلات غالية لاتوهقين روحج

من ناحييتي يا عندج فلوس كافيه تونسين عمرج ولا روحي دولة قريبة ورخيصة

موفقة يارب

 

[nouna82]

حبيبتي ترى مو شرط تروحين شهر العسل الحين يمعوا شوي و بعدين روحي العمر طويل و انشالله الله يرزقكم و تروحين بميزانية راهية

 

[ArEEj]

1000 تكفي 4 ايام بدبي بس

 

[شهدQ]

الحين الكويتية مسويه دايركت ماليزيا 145 بالنت وطبعا بالحجز عن طريق الهاتف تطلع ارخص طبعا لشهر 4 و5 بس

بمعنى ثنينكم مع طيران داخلي لجزيرة لنكاوي من اير اسيا 340 تقريبا

تذاكرداخلية ودوليه

خلي سفرتج 7 ايام فقط

العاصمه فندق رويال بيتنانج

http://www.daleel-malaysia.com/vb/showthread.php?t=23616

سعر الليله تقريبا 35 دينار كويتي

35 * 4 = 140 دينار + 200 مصرف بيومية 50 دينار ( اكل وسياحه ) 340


لنكاوي

http://www.daleel-malaysia.com/vb/showthread.php?t=23664
لنكاوي لاقون كونكم معاريس الليله ب45 دينار * 3 = 135 + 150 مصرف ( اكل وسياحة ) = 185 دينار


المجموع

185 + 340 + 340 + 20 ( من والى المطار ) = 885 دينار ويبقالج 125 دينار للسوق وهم تقدرين توفرين من خلال المصرف اليومي وتاكلين بمطاعم الوجبات السريعه عندهم حييييل رخيصه انتي وريلج يطلع حسابهم 3 دنانير بس

وهذا كله عشانج وربي اسلوبج عور قلبي

وتروحون وتردون بالسلامه

ولاتنسين تطبعين الموضوع مالي الي فيه ملف ماليزيا حييييييييل بيفيدج

دعواتج

 

[شهدQ]

على فكره هالجدول لشهر ابريل ومايو

سعر التذاكر يتغير بالمواسم وتوصل التذكره ل290 للشخص

دامكم خفاف روحو هالوقت احسن لكم

 

[bambena]

تكفي تكفي

بدزلج عالخاص

 

[شهدQ]

تكفي تكفي

بدزلج عالخاص

شعليييييييييج عاد هذي المنقذه

عسى الله يسهل دربج

ترى هم تقدرين تروحين للهند او سيلان او قبرص تذاكرها ببلاش عن طريق الجزيره

وشوفي هم تركيا هم اسعار التذاكر ببلاش عن طريق طيران الجزيره

ولاشرايج بامبي

 

[bambena]

الراي رايك يا يبه والشور شورك يا يبه

مشكلتنا مانعرف الا فنادق ال 5 نجوم والتفسفس ولا انا اقدر اذا خططت اسافر واستانس وارد بباجي الفلوس بعد