بروح لندن وفرنسا جم يبيلي ميزانيه ؟؟؟؟

[ملكة الثلج]

فونا صاااجه , ,
انا مثل رحلتج
بس انا كانت 19 يوم وكانت ميزانيتي 6000
السكن خليه بفندق انظف واريح واحسن والله شلج بالشقق , روحي استانسي
انا يوم احجز بالصييييييييف يعني الاسعار نار طلعت لي التذكره بـ 190
لو تحسبينها تقريبا بتقكين على التذكره والسكن والقطار 1500 بالكثيـــرررررررررر

نصيحه لج يورو ستار حجزي من أول ما تحددين سفرتج نصييييييييييييييييييييحه
حجزي من الانترنت
انا حجزت من الانترنت انا وزوجي تقريبا تذاكرنا كانت 30
ويوم رحنا وشفنا اسعار الرحله لليوم اللي نبيه يعني بنفس اليوم طلعت تذكرت الواحد منا 70 دينار تخيليييييييي
واحنا حاجزينها من شهر انا وياه بس 30 حتى ما وصلت نص التذكره

ميزت يورو ستار كل ما بجرتي بالحجز كل ما كان ارخص وكل ما حجزتي بنفس اليوم كل ما كان اغلى



نصيحه ثانيه , فرنسا خليها تمشي وووناسه
ولندن خليها تسووووق


لان فرنسا حيييييييييييييييييييييييل غاليه وميزانيتج بتخلص قبل لا توصلين لندن
ولندن معقوله اسعارها ومناسبه حيل لميزانتيج لو تخلينها لندن بس بتستانسين والله

 

[مســـــافره]

تصدقون كل وحده كلامها غير الظاهر على حسب الشخص وصرفه
بس اللي فهمته ان الميزانيه ممكن تكفي بس لو ازيدها اكيد بستانس اكثر

مشكووووورين عالرد

 

[لانا]

اي اشدعوه اكيد كافي ...كلكم شخصين
شوفيلج فنادق اسعارها معقوله وسألي عن العروض اللي يسوونها
والمواصلات اذا ما معاج أغراض استخدمي الباصات او الاند غراند اذا ومعاج اغراض اخذي تاكسي
وبالتوفيق واتمنى لج سفره سعيده وممتعه بإذن الله

 

[كونتيسة]

اي حبيبتي انشاللة تكفي
انتي رايحة بس 10 ايام !
تروحين وتردين بالسلامة وناطرين تقريرج

 

[ربوع الحلوة]

أنا مع البنات اللي قالولج تكفي لأن لو حسبتيها بالصرف مثلا تطلع 8000 باوند إنتوا 2 والمده شويه 10 أيام تكفي

وهم بعد أنا مع البنات اللي قالولج إنت إشتري علي قد ميزانيتج اللي محتاجتله إشتري واللي موموجود بالكويت إشتري البنات ماقصروا

في مواضيع الأشياء الموجوده بلندن وموموجوده بالكويت من عطورات وأشياء ماركات لاتشترين أي شيء والهدايا أنصحج إشتري

ماخف حمله والأهم إنج تصرفين فلوس علي السكن النظيف والأكل الزين والمطاعم النظيفه والله يسهل دربكم وفرنسا أنا للأسف مارحت

 

[نور البدر]

انا بروح شهر 9

 

[ام _خلودي]

شدعوه 4 الف تكفى ان شاء الله كلها 10 ايام

وان شاء الله تروحين وتستانسين

 

[ام مهاوش]

يكفي بس اذا تقدرين تزيدين الميزانيه 500 حق المصروفات يكون احسن واذا انتي ذكيه تاخذين السفره سياحه مو سوق لانه االصراحه اذا فكرتي فيها كل المحلات اللي بره موجوده عندنا مايسوى تشترين من هناك ولا اذا تبين اشتري الاشياء اللي مومجوده وماتاخذين وايد وتكون التنقلات بالقطار في باربيس لانه تكاسيهم وايد غاليه وفرق بين القطار والتاكسي وتاخذون فنادق اسعارهم زينه ونظيفه عندج في باريس احسن فندقين بنظري لاني سكنت فيهم كونكورد لافاييت لانه حلو وريوقه حلو وكله كويتيين وخليجيين وفيه مجمع لاصق بالفندق فيه كل سوبر ماركت وبنفس المجمع فيه محطة قطار اسمها بورت ميلوت عشان ماتنسينها ويبعد عن الشانز خمس دقايق مشي والفندق امان ونظيف وعندج الفندق الثاني اللي هم زين جدامه اسمه ميرديان اتوال انتبهي في اكثر من ميرديان لاتنسين ميرديان اتوال حلو ونظيف ونفس المستوى بس انا افضل كونكورد لافاييت لانه الحمام كزكم الله بابه ينسحب نفس ويكون بالاطراف مبطل اشويه يعني مافي اي نوع من الخصوصيه .
ونصيحه ثانيه عشان توفرين فلوسج اذا بتروحين ديزني روحي بالقطار لالالالالالالالالالالالالا تروحين بتاكسي نفس غلطتنا كلف علينا وااااااااااااااااايد ولاتروحين ديزني بالويد اند زحمه وتنطرين ساعه ساعتين على اللعبه لما تلوع جبدج روحي بالايام العاديه واستانسي ترا باريس اتينن بس وايد غاليه اخذي معاج جنطة حطي فيها اكل خفايف حق حزت اليوع وحاولوا تاكلون اكثر شي من مكدونالز لانه المطعم الوحيد اللي في باريس نفس سعر الكويت اما المطاعم الباجي اسعارهم نااااااااااااااااااار يعني عادي انتي وريلج غداكم 40 دينار
امبي تكلمت وايد شكلي بطيت راسج لووووووووووووووووووول بس لاني السنه اللي طافت كنت رايحه باريس وحبيت افيدج واذا تبين اي شي لا يردج الا لسانج واذا كنتي رايحه من قبل لندن وباريس لا تروحينلها مره ثانيه فكري بدوله ثانيه يعني مثلا المانيا النمسا ايطاليا سويسرا ترا ارخص اشويه من لندن وباريس

 

[ALSHD]

نااايس

 

[Love \ Hate]

واي بنات شهالهواله .. 6 الاف و7 عسى ماشر ..

حبيبتي كل سنه نسافر وبيني وبينج منو بقى مايسافر الحين ..

4000 تكفي لا وزايد بعد .. 1500 تذاكر وسكن باحسن الفنادق اهناك .. والباجي مصرف توكلي على الله انا رايحه لندن وفرنسا ..

ويكون بعلمج حتى سفر بالاندرقراوند اسافر الصبح وارد بالليل الديار اللي يمهم يعني تقدرين تسوين جذي حق الوناسه.. ولاتحاتين

 

[ارستقراطيه]

لا تكفيج ان شاء الله
بس حدااا حدااا

انا وزوجى وعيالى 3 رحنا باريس ولندن 15 يوم
وصرفنا فوق 7 الاف ونص
بس ما خلينا قاصر على عمرنا

بس اتوقع اذا تبين تستانسين شوى وما تحاتين زيديهم 800 دينار

بس طبعا اكو شغلات توفر اكثر يعنى تكاسى لندن لا يحوشج .........خلوها تمشى والا باصات
احنا كل يوم على التكاسى بروحها 30 دينار
غير المطاعم العربيه فواتيرها فوق العشريين دينار
غير تذاكر الاماكن اللى نروحها

بالمختصر انصحج

خلو وياكم فيزاااا فيها للضروره 800 دينار
وديرى بالج اتشرين بكرت البنك

اذا اضطريتوا سحبوا المبلغ من فرع الوطنى احرص

وان شاء الله سفره حلوة

 

[ALSHD]

لاااايوقف

 

[داريني]

انتي حسبي تذاكر والفندق بروح
ومصروف الجيب بروح
يعني ابوي كان يقول مثلا باليوم حاط مصرف 100 دينار اذا بنروح رحلات ومطعم وغير تناتيف
طبعا كان عددنا اكثر

انتي سوي جذي حسبي باليوم جم تبون تصرفون
وحق السوق عزلي فلوس بروحهم ومثل ما قالو البنات لا تشترين وبس
اشتري شي يسوى و موجود بالكويت

 

[law love]

لا صدقيني البنات اشوي بالغوا بالميزانية حق شخصين و10 ايام او يمكن هذا السعر حق التسوق عدددل ووالماركات

اللي حاطينه يكفيكم ونص بس يعني مو السوق اللي تبينه يعني مثلا ماركات ما اتوقع تقدرين بس اذا مو حاطه في بالج ماركات روحي وانتي مطمنه اصلا لندن فيها الغالي وفيها الرخيص وشوفي انا بقسم الميزانيه لج وانتي كيفج حبيبتي

التذاكر 250 للشخص طبعا اذا كان موسم سفر بتكون اشوي اغلى من جذي واذا ماكان موسم سفر تلقين اخرص انا العام حصلت عل اماراتيه شهر 3 اب 148 ....يعني لو نحسبها 250 للشخص انتي وريلج 500 حلو؟
والسكن عندج شقق وعندج فنادق اكيد الشقق ارخص واوفر بس دام انكم شخصين الفندق احسن وعندج كمبرلاند وثيستل وهلتون متربول هذول اقراب من السوق والمطاعم وكل شي اذا تبين اسبوع في كمبرلاند تقريبا يطلع عليج 600 حلو لانه سعر الليله اب 80
واذا بتروحين فرنسا روحي باليورو ستار ( قطار) ارخص واااايد و عندهم طيران ارخيص بس انا افضل اليورو ستار قولي تطلع عليج التذكرة للشخص 60 ودوريلج فندق قريب من الشانز راح تلقين اب 80 حق خمس ايام تقريبا يطلع عليج 400

ابجذي توتال التذاكر والسكن في لندن وباريس 1650 وايد زين اتوقع صح

يعني يبقالج 2350 ترى وايد زين حق المصرف اهناك والتسوق والمطاعم لانه فترتج قصيره مو وايد طويله وحاولي تستخدمين الباصات او الاندر قراوند لانه ارخص من التكاسي ابوايد

وبس ان شاء الله رايي يكون مفيد لج وسامحيني وايد سولفت وكتبت لووووووول

شسوي اموت في لندن عشقي الاول والاخير

وان شاءالله اتروحون وتستانسون بس قوليلي اذا استقريتي على لندن )

انا معاج تكفيي
بس بلندن استخدمي الباص و اشتري الكرت مال اسبوع او اقل ب 14 باوند
و التذاكر و السكن حجزيهم من النت ارخص
كلل ما حاولتي تاخذينهم ارخص احسن
و لا تباعدين عن السنتر عشان ما تحتاجين مواصلات

 

[law love]

واي بنات شهالهواله .. 6 الاف و7 عسى ماشر ..

حبيبتي كل سنه نسافر وبيني وبينج منو بقى مايسافر الحين ..

4000 تكفي لا وزايد بعد .. 1500 تذاكر وسكن باحسن الفنادق اهناك .. والباجي مصرف توكلي على الله انا رايحه لندن وفرنسا ..

ويكون بعلمج حتى سفر بالاندرقراوند اسافر الصبح وارد بالليل الديار اللي يمهم يعني تقدرين تسوين جذي حق الوناسه.. ولاتحاتين

اي و الله هواله
للاسف البنلت يطالعون نفسهم يكونون اهمه و ريايلهم و عيالهم وقولون ما تكفي
العيااال مصرفهم وااااايد ما يخلص




و ارد و اقولج تكاسي لندن من المطار ليه الفندق و من الفندق ليه المطار بس
اخذي الاويستر كارد

 

[Om_Ksha]

ممممممممم شنو احسن فندق بفرنسا قريب من الشانز وسعره معقول؟؟؟؟؟؟؟؟