بريااني الربيااان اللذيذ ...جربيه وادعيلي

[حلوة ومملوحة الكويت]

بسم الله الرحمن الرحيم​

السلام عليكم ورحمة الله وبركاااته
اشلونكم عزيزااتي..عساكم بخير وعاافيه..يااارب​

​

​

{ الحمد لله الذي أطعمني هذا و رزقنيه من غير حول مني و لا قوة }​

​

المقادير​

ربيان منظف ومشيول الخيط الاسود الي بظهره وغاسلينه ومنقعينه بشوية ليمون وطحين
ثووم كميه وفيره مدقوق
زنجبيل كميه وفيره مدقوق
بصل شرايح(نقسمه نصين -نص نقليه ليما يصير احمر على بني ونشيله على صوب- والناص الثاني نستخدمه لطبختناا اول شي).
ملعقة اكل بهارات مشكله
ملعقة اكل فلفل اسود
ملعقة اكل كركم
نص ملعقة اكل كمون مطحون
نص ملعقة اكل كزبره مطحونه
ونص ملعقة اكل لومي اسود مطحون
هيل مطحون ملعقة اكل
حبة ماجي
كيس خضار مثلجه(انا حطيت الي فيه الجزر والبزاليا)
شدة كزبره خضرا مفرومه
شدة نعناع مفروم كبير شوي
ربع شدة اشبنت مفروم
زعفران منقعينه بماي الورد

​

الطريقه:​

(1)
نسلق الربيان مع بهارات صحيحه بكميات قليله (هيل-فلفل اسود-مسمار-كمون- كزبره )لمدة 10 دقليق ونطلعه ونجيب مقلاة ونحط فيها كميه وافره من الزيت وحوالي ثلاث او اربع ملاعق طعام معجون طماط ونحوس المعجون مع الزيت ليما نشوف الزيت صار احمروحاار نضيف الربيان المسلوق ونحركه ليما يتحمش ويتشوقر ونضيفله جم رشه من البهار والفلفل الاسود والهيل والملح وحبة مكعب ماجي واذا شفناه تحمش عدل نشيله على صوب.

​

(2)
نجيب الجدر ونحط زيت بكميه معقوله تكفي للحمس وعلى فكره الزيت ينطع الاكل مايخليه ناااشف
ونظيف البصل الشرايح ونحمس ليما يتشوقر ونضيف الثوم والزنجبيل ونحمس بسرعه ونضيف البهارات المشكله والفلفل الاسود والكركم وباقي البهارات المذكوره اعلااه ونحمس ونضيف الخضار المشكله ونحرك ليما تتجانس مع البصل والثوم وعقب نضيف خلطة الربيان الي سويناها بالمقلاه عقب مانزلها من الزيت ونحرك ونضيف الكزبره والاشبنت والنعناع ونزيد البصل المقلي الي تكلمنا عنه فوق حوالي ثلاثة ارباعه والباقي للتزين ونحرك ونحمس ليما نحس انها تمازجت وقاربت على الاستواء.

(3)نكون فايحين عيش مع ملح وشوية زيت ثلاثة ارباع الاستواء
واذا خلص نشخل العيش واهو بالمشخال نزيد له جم قفشة ماي ورد منقوع فيه زعفران ونحركه بالقفشه عشان يصير لونه ابيض على اصفر..ونجيب جدر نحط بقاعته شوية زيت وطبقة عيش وطبقة من خلطة الربيان وننثر عليها نعناع وكزبره وبصل مقلي
ونكرر العمليه لطبقه ثانيه.
ليما نوصل للوجه نرشه بماي ورد بزعفران وشوية زيت او دهن.
ونسكر الجدر بقصدير ونخليه على نار خفيفه لمده 20 دقييقه او نص ساعه حسب عيشج اشكثر طابخته علشان يكون نثري وما ينلبج.

​

وهنى وعااافيه​

​

:nbvppw: :nbvppw: :nbvppw:
:nbvppw: :nbvppw: :nbvppw:

 

[أم*سلمان]

واااو شكله لذيذ

وان شالله بجربه ..

وتسلم ايدج

 

[وردة الريحان]

رد : بريااني الربيااان اللذيذ ...جربيه وادعيلي

تسلم ايدج حبيبتي
تم الحفظ للتطبيق

 

[sweet lady]

امبيييييييييه اشتهييييته على هالصبح موووو طبيعي
يعطيييج العافيه

 

[همسات ليالي]

رد : بريااني الربيااان اللذيذ ...جربيه وادعيلي

روووووووووووعه يبيله اجرررررررررربه ان شاء الله

 

[جارة القمر]

رد : بريااني الربيااان اللذيذ ...جربيه وادعيلي

ماشاء الله


تبارك الرحمن





شغل عدل

 

[استكانه1]

يم يم يم يم يم يم يم فديت المربين والله
تسلم ايدج حبوبه
:082502bye_prv::082502bye_prv:

 

[Tom ♥ Jerry]

.
وااو شكله روعه :*
تسلم ايدج حبيبتي

 

[ريح النرجس]

يسلمووووووو

 

[LaLi chocolate]

ماشاءالله تبارك الرحمن تسلم الايادي ويعطيج الف عافيه حبيبتي .

 

[حلوة ومملوحة الكويت]

تسلموووووون حبيباااتي
وياهلاااا فيكم وبمروركم :68_asmilies-com:
عطرتووواا الموضوووع :33_1185028183:
مشكووورين​

 

[@ بنت النـور @]

اممممممممممممممم شكله حده لذيييييذ

تسلم الأيادي

 

[رووح حبيبي]

امبيه شكلة مو طبيعي
ما شاء الله
جاااااري التطبيق

 

[ورده بنفسجيه]

شكله تعذيب الحلج

حلجي تعذب يقولج حلجي تسلم ايدج

واي واي ما ادري اقول حلجي ولا بطني

 

[حلوة ومملوحة الكويت]

شكله تعذيب الحلج

حلجي تعذب يقولج حلجي تسلم ايدج

واي واي ما ادري اقول حلجي ولا بطني

صج صج ضحكتيني
يسلم عمرج حبيبتي
ويسلم بطنج وحلجج :eh_s(3): :eh_s(3):
وياهلااا فيج،،،​

 

[ام عيالها الغاليين]

مع اني ما احب الربيان بس لابد اسويه حق الجماعة اللي بالبيت :ioljnmlk:

يسلموووووووووووووو :eh_s(15):

 

[& ام سلمى &]

 

[الغاليه امي]

السلام عليكم تسلم إيدج على هالطبخه العجيبه سويتها اليوم على الغدا اطلعت اتهبل وحيل إعجبت زوجي وجزاج الله ألف خير

 

[123tootaa_q8]

يم يم

 

[kuwaitya_zoGaa]

شكله يدوخ