بريستيجـــي ما يسمــــح لــــي ....

[نهى الأحمد]

تَوَاضَعْ تكنْ كالبدرِ لاحَ لناظرٍ
على صفحاتِ الماءِ وهو رَفيعُ
ولا تكُن كالدخانِ يعلــو تَجَبُّراً
على طبقاتِ الجَوِّ وهو وَضيعُ







السلام عليكم

شلونكم يا خواتي

عساكم بخير

عدنا لكم بموضوع يديد لكن هالمرة بأسلوب غييير

موضوعي يتكلم عن البريستيج
واكيد الكل يعرف شنو اهو البريستيج


وهذا تعريف بسيط له
كلمة برستيج ..

وهي كلمة أجنبية تعني (هيئة أوشكل أو وضع) ..

أصبحت متداولة في اللهجة المحلية والعامية .. وتعني ..
الوضع أوالإطار الاجتماعي الذي وضع مستخدمها نفسه فيه ..
وما يتعلق به من أمور تناسب المكانة أو الوضع الاجتماعي الذي
حدده الشخص لنفسه .. أمام الآخرين ..

وقبل النقاش
ودي تقرون هذا الحوار البسيط من تأليفي

>>>أمنية حياتها تصير كاتبه
:eh_s(15):

الحوار بيني وبين صديقتي جميله ام البريستيج
التقينا سوا بالسوق
وطبعا جميله اهي شخصية وهمية

حياكم الله حبيباتي


نهى: قوه جميله ،،شخبارج

جميله: يا هلا والله نهووي شلونج ياقلبي

نهى: انا الحمدالله بخير حبيبتي ،،اشوفج بالسوق

جميله: اي والله، ودي اشتري نفنوف وجنطه

نهى: عليج بالعافيه ياقلبي مقدماً،،شنو رأيج نشوف نفنوف لج من محل (ماشي حاله)؟

جميله: لا حبيبتي ،،أنا اشتري من هني ،،بريستيجي ما يسمح لي

نهى: عيل من اي محل ودج تشترين منه؟

جميله: انا ودي اشتري من محل (شي فاخر عالآخر)
نهى: أهاا ما عليه على راحتج


نهوي تقول بينها وبين نفسها>>>>>حلو انه الانسان يكون متواضع



وعقب ما خلصنا من السوق فكرنا نروح نتعشى في مطعم


نهى: شنو رأيج نتعشى في مطعم (خير وبركه)؟؟قعدته ترد الروح

جميله: لا حبيبتي ،،بريستيجي ما يسمح لي اتعشى في هذا المطعم،،تعالي نتعشى في مطعم
(كلاس لأرقى الناس)


نهوي تقول بينها وبين نفسها>>>مو مهم المكان اللي ناكل فيه،،المهم اللمّه الحلوة

المهم،،تعشينا انا وجميله وكل وحده تبي ترد بيتها
جميله سيارتها ما كانت وياها


جميله: اوووف،،أختي تأخرت علي،دقيت عليها اكثر من مرة

نهى: ما عليه حبيبتي ،،بما انه ساكنين انا وانتي بنفس المنطقة، شنو رأيج تيين معاي بالتكسي واوصلج لبيتكم؟

جميله: مستحيل،،بريستيجي ما يسمح لي أطلع بتكسي

نهى: انزين حبيبتي على راحتج،،اشوفج على خير


نهووي صارت تقول بينها وبين نفسها>>>> مالت على البريستيج طوفه،،مو لهالدرجة التكبر والتعالي:rgewrg:


أخواتي العزيزات

ماكو انسان كامل والكمال لله عز وجلّ
وحلو انه الانسان يكون له بريستيج لكن بحدود ويطريقة حلوة
وبنفس الوقت حلو انه الانسان يكون متواضع

اشتري شي غالي وماركه
تعشي في مطعم راقي ما قلنا شي

لكن من دون كلمة بريستيج اللي ممكن تحسس غيرج بانهم غير وانتي غييير
لانه كلنا مخلوقين من طينه وحده
لايهمكم المكان والنوع
واهتموا اكثر باسلوب وطريقة تعاملكم مع البشر
خلي الناس ترسم لج صورة حلوة

بانتظار آراؤكم عن البريستيج

بقلمي الخاص
أختكم
نهى الأحمد

 

[راعية الطويلة]

يسعدني أكون أول وحده
ترد على موضوعج
البرستيجي:eh_s(17):
أنا ألتمس العذر لهالنوعية
من الناس و آخذهم على قد تفكيرهم
يجوز هي تتصور إن العالم
حاط كاميرات و يراقبها((تلفزيون الواقع))
أو تكون فاضية من الداخل حيل
و ما عندها قيم و مثل عالية تفخر فيها
فعشان جذي
تحاول تسد ((عقدة النقص))بالمظاهر الخادعة
بنظري المسألة مسألة هذا عاجبني
و يناسب ذوقي
مو مسألة برستيج
لأن برستسجج يا حلوة
بأخلاقج و دينج
و إحترامج للناس
و إحترام الناس لج
مشكورة نهوي
عجبني الموضوع جدا
و التقييم ممتاز

 

[..MaYaR]

انا الحمدالله منزماااان ما شفت هالنوعيه ترا الي تسوي جي عندها نقص وتبي تعوضه..
انا رفيجتي كانت تقولي ان باب غرفتها يفتحونه بريموت كنترول وبيتهم مودورين لا 3 ((صواااريييييييخ))
واخر شي دشيت بيتهم استغفرالله ما تشمت الحمام ما فيه ليت والباب مكسور مشلللللللع ..والله يستر من الباجي..
انا هني ايقنت وتاكدت ان الي تهاييط وايد عندها نقص ..

 

[أنفاسي دخون]

هههههههههه عجبني الحوار >> تنفعين كاتبه نهوي

انا برايي كل شخص يحب الكمال بس مو لدرجه التباهي والتفاخر وعلى قولة رعوي اللي يهتم لهالشكليات انسان فارغ من الداخل وهش تهمه المظاهر

الناس تحب بعضها على الدين والاخلاق والمعاملة الحلوة الراقيه مو عشان سيارتي كذا وبيتي كذا وغيره وغيره

من تواضع لله رفعه يا شيخه

واحمدي ربش اني رديت عليش برستيجي ما يسمح لي :krkrkr:

 

[مدن الياسمين]

هلا نهي اولا احييج ع هالطرح المميز والرائع
براي البرستيج مو بلابس الغالي والمكان الكلاس
التنافس ع الماركات الغاليع ووووو لا المهم نعرف شنو يليق علينا
وشلون نكسب احترام ومحبه الاخرين ولفت الانتباه لنا بالاسلوب الراقي
ومنطق الفكر والحوار ليس بلبس والكشخه المزيفه
اللي دائما تكون من برا بس داخل فاضي
اعجبني طرحك لمواضيع ذات هدف مميز دمتى بحب غناتي
وبانتظار جديدك

 

[راعية الطويلة]

فوووووووووووووووووووووق
لعيون نهوووي

 

[ترانيم القصيم]

و عليكم السلام و رحمة الله و بركاته

روعة ما شاء الله طرح قيم و صياغة و نسج للأحداث و لا أروع , تسلمين يا قلبي ,

الناس آللي كذا ما تناسبني في الحقيقة ,, و ما أحتك بها ,, لامني شفت وحدة متكبرة و لاويتن الفم

و كل شووي بريستيج و ما بريستيج .. أسحب عليها من أول يوم و أعطيها ظهري و ما عاد أتلاقى معها نهائيًّا ( إلا بالصدف )

ما أداني المتكبرات آللي شايفات أنفسهن على الطل

لا و الأسوأ يوم إنك تشوفين وحدة متكبرة و هي لا أدب و لا حشمة , يعني عشانها بنت خير و نعمة شافت نفسها على الناس

أعوذ بالله من تلك الأشكال .. والله يا حنـا من دون الدين و الأخلاق ترى ما نسوى شي !!

تسلمين يا ذات النهى ,, ^_^

يا رب نشوفك كاتبة عظيمة معتمدة بكويتيات و غير كويتيات << أشاركك نفس الأمنية

بس أنا أكتب بالفصى ما أحبّذ الكتابة بالعاميّة , لأن الأولى لغة القرآن و لأني أعشقها , و حتى تآصل رسالتي لجميع الطبقات ^_^

لا تنسيني من صالح دعائك يا عسل ^_^

احترامي و تقديري

ترانيم القصيم

 

[ملح و سكر]

والله انج ضحكتينى على البرستيج ..........انا اعتقد اللى تسوى جذى معناها ان العز ياها متاخر المسكينه ....فابتلحق على البرستيج مالها ....


وفوق هذا كله انا اعتبره مرض العصر لااكثر ..........


مااقول الا اللهم اعفنا واعف عنا ....وابعدنا عن السفهاء منا ......

 

[sweet.sanfoora]

اعشق مواضيعج اللي تعكس شخصية مثل شخصيتج منفردة متميزة

وبثثث

لا فض فوج

تره الانسان الهيلقي سامحيني ع المفردة هو اللي يردد هالكلام ويقول بريستيج ما بريستيج . ثاني شي هو انسان ما عنده شخصية لانه يعتقد انه بريستيجه بينصنع من جنطة ماركة او سيارة فارهة او ساعة بس كل هاذا الغلط البريستيج ينبني بالثقاقة والاخلاق والتواضع

ومن تواضع لله رفعه

 

[نهى الأحمد]

يسعدني أكون أول وحده
ترد على موضوعج
البرستيجي:eh_s(17):
أنا ألتمس العذر لهالنوعية
من الناس و آخذهم على قد تفكيرهم
يجوز هي تتصور إن العالم
حاط كاميرات و يراقبها((تلفزيون الواقع))
أو تكون فاضية من الداخل حيل
و ما عندها قيم و مثل عالية تفخر فيها
فعشان جذي
تحاول تسد ((عقدة النقص))بالمظاهر الخادعة
بنظري المسألة مسألة هذا عاجبني
و يناسب ذوقي
مو مسألة برستيج
لأن برستسجج يا حلوة
بأخلاقج و دينج
و إحترامج للناس
و إحترام الناس لج
مشكورة نهوي
عجبني الموضوع جدا
و التقييم ممتاز

يا هلا والله باللي نورت الموضوع

واسعدني ردج حيييل واضفتي عليه نقاط رائعه مثلج

بالفعل يا الغاليه

هذي النوعية من البشر عبالها انه الناس قاعده تراقبهم من خلال كاميرات (تلفزيون الواقع)

والبريستيج مثل ما قلتي باخلاق الانسان واحترامه لغيره


كلامج يدش القلب يا الغاليه


ومشكوره على التقييم

:eh_s(7):

 

[نهى الأحمد]

انا الحمدالله منزماااان ما شفت هالنوعيه ترا الي تسوي جي عندها نقص وتبي تعوضه..
انا رفيجتي كانت تقولي ان باب غرفتها يفتحونه بريموت كنترول وبيتهم مودورين لا 3 ((صواااريييييييخ))
واخر شي دشيت بيتهم استغفرالله ما تشمت الحمام ما فيه ليت والباب مكسور مشلللللللع ..والله يستر من الباجي..
انا هني ايقنت وتاكدت ان الي تهاييط وايد عندها نقص ..

هلا ياقلبي

أسعدني مشاركتج الطيبه

الله يبعدج عنهم

ومدري شنو يستفيدون وشنو يجيهم من البريستيج؟


:eh_s(10):

 

[نهى الأحمد]

هههههههههه عجبني الحوار >> تنفعين كاتبه نهوي

انا برايي كل شخص يحب الكمال بس مو لدرجه التباهي والتفاخر وعلى قولة رعوي اللي يهتم لهالشكليات انسان فارغ من الداخل وهش تهمه المظاهر

الناس تحب بعضها على الدين والاخلاق والمعاملة الحلوة الراقيه مو عشان سيارتي كذا وبيتي كذا وغيره وغيره

من تواضع لله رفعه يا شيخه

واحمدي ربش اني رديت عليش برستيجي ما يسمح لي :krkrkr:

يا هلا والله نفووووووس

منوره الموضوع ياقلبي

احلى شي جميله

:eh_s(7):


هالناس تهمها المظاهر حيييييييييييل

واحمدي ربش اني رديت عليش برستيجي ما يسمح لي

ههههههههههههههههههههه


الف الحمدالله انج رديتي


فديتج والله

 

[ام سعود ديكسون]

هلا غلاتي يمكن انقرصت من ناس يهمهم البرستيج اكثر من اي شي ثاني
ويهمهم الغلاف الخارجي اكثر من المحتوي الداخلي

ترا الدنيا زائلة واخرتنا ب يلفونا بكفن و يكبون علينا تراب
من تواضع لله رفعه

أنا شفت ناس اللقمة عليهم بالحسرة واحنا نتبطر ع النعمة
و ناس ما عندها تبدل ملابسها تلبس الثوب لين يبلي و يتحسر علي حاله

و أخيرا
و اما بنعمة ربك فحدث
أنا مو ضد الكشخة والوناسة لكن بحدود

 

[نهى الأحمد]

هلا نهي اولا احييج ع هالطرح المميز والرائع
براي البرستيج مو بلابس الغالي والمكان الكلاس
التنافس ع الماركات الغاليع ووووو لا المهم نعرف شنو يليق علينا
وشلون نكسب احترام ومحبه الاخرين ولفت الانتباه لنا بالاسلوب الراقي
ومنطق الفكر والحوار ليس بلبس والكشخه المزيفه
اللي دائما تكون من برا بس داخل فاضي
اعجبني طرحك لمواضيع ذات هدف مميز دمتى بحب غناتي
وبانتظار جديدك

هلا فيج يا قلبي

صاجه والله بكل كلمة قلتيها

وتقريبا اغلب الردود اتفقت على انه البريستيج (بالاحترام المتبادل والتعامل الراقي)
مو بالتباهي


مشكوره للمشاركه العطره ياقلبي

 

[نهى الأحمد]

فوووووووووووووووووووووق
لعيون نهوووي

رفع الله قدرج يا الغاليه

تسلميييييييييييين

 

[نهى الأحمد]

رح يكون لي عوده لباقي الردود




ارجع واقول


تَوَاضَعْ تكنْ كالبدرِ لاحَ لناظرٍ
على صفحاتِ الماءِ وهو رَفيعُ
ولا تكُن كالدخانِ يعلــو تَجَبُّراً
على طبقاتِ الجَوِّ وهو وَضيعُ

 

[ليلو جبريت]

رد : بريستيجـــي ما يسمــــح لــــي ....

الشخص الي دوم يقول برستيجي او هاي جيب انسان متعقد وموشايف خير
ترى تلاقين ناس اغنياء وماعليهم قاصر ياكلون في مطاعم جدا عادية لان شابعين مو متخرعين كله يبون الناس يعرفون ان عندهم خير

انا اعرف وحده كانت دوم جي لما نلبس شي حتى لو حلو تقول جيب ولما نروح نتعشى في مطعم تقول جيب كانها ماتعرف غير هالكلمه

وهي اكبر مني بوايد وتزوجت وريلها بخيل مايصرف عليخا وتلبس قطع بودينارين ومتفشله من عمرها وماقمنا نسمعها تقول جيب مره ثانيه احس الله كسر خشمها



انا اقول برستيجي مايسمحلي في حاله وحده اذا تهاوشت مع بنت وما ابي ارد عليها اقول لها ابرستيجي مايسمح لي ارد عليج
ههههههههههه​

 

[نهى الأحمد]

و عليكم السلام و رحمة الله و بركاته

روعة ما شاء الله طرح قيم و صياغة و نسج للأحداث و لا أروع , تسلمين يا قلبي ,

الناس آللي كذا ما تناسبني في الحقيقة ,, و ما أحتك بها ,, لامني شفت وحدة متكبرة و لاويتن الفم

و كل شووي بريستيج و ما بريستيج .. أسحب عليها من أول يوم و أعطيها ظهري و ما عاد أتلاقى معها نهائيًّا ( إلا بالصدف )

ما أداني المتكبرات آللي شايفات أنفسهن على الطل

لا و الأسوأ يوم إنك تشوفين وحدة متكبرة و هي لا أدب و لا حشمة , يعني عشانها بنت خير و نعمة شافت نفسها على الناس

أعوذ بالله من تلك الأشكال .. والله يا حنـا من دون الدين و الأخلاق ترى ما نسوى شي !!

تسلمين يا ذات النهى ,, ^_^

يا رب نشوفك كاتبة عظيمة معتمدة بكويتيات و غير كويتيات << أشاركك نفس الأمنية

بس أنا أكتب بالفصى ما أحبّذ الكتابة بالعاميّة , لأن الأولى لغة القرآن و لأني أعشقها , و حتى تآصل رسالتي لجميع الطبقات ^_^

لا تنسيني من صالح دعائك يا عسل ^_^

احترامي و تقديري

ترانيم القصيم

يا هلا وغلا بالغاليه رنوووووووم


الله يسلمج يااارب


عساني ما انحرم من ردودج الرائعه


مدري شقول


جزاك الله الف خير على الرد الرائع


وعسى ربي يوفقج ويسعدج

 

[mona q8]

رد : رد: بريستيجـــي ما يسمــــح لــــي ....

و عليكم السلام و رحمة الله و بركاته

روعة ما شاء الله طرح قيم و صياغة و نسج للأحداث و لا أروع , تسلمين يا قلبي ,

الناس آللي كذا ما تناسبني في الحقيقة ,, و ما أحتك بها ,, لامني شفت وحدة متكبرة و لاويتن الفم

و كل شووي بريستيج و ما بريستيج .. أسحب عليها من أول يوم و أعطيها ظهري و ما عاد أتلاقى معها نهائيًّا ( إلا بالصدف )

ما أداني المتكبرات آللي شايفات أنفسهن على الطل

لا و الأسوأ يوم إنك تشوفين وحدة متكبرة و هي لا أدب و لا حشمة , يعني عشانها بنت خير و نعمة شافت نفسها على الناس

أعوذ بالله من تلك الأشكال .. والله يا حنـا من دون الدين و الأخلاق ترى ما نسوى شي !!

تسلمين يا ذات النهى ,, ^_^

يا رب نشوفك كاتبة عظيمة معتمدة بكويتيات و غير كويتيات << أشاركك نفس الأمنية

بس أنا أكتب بالفصى ما أحبّذ الكتابة بالعاميّة , لأن الأولى لغة القرآن و لأني أعشقها , و حتى تآصل رسالتي لجميع الطبقات ^_^

لا تنسيني من صالح دعائك يا عسل ^_^

احترامي و تقديري

ترانيم القصيم

أنا مع ترانيم القصيم بكل كلمه قالتها
وأنا ياما شفت من هالاشكال وأعطيهم عقد عقولهم
وأنا أعرف وحده ماعندها ذوق بأي شي وفوق كل هذا لا أخلاق ولا دين
وقبل خمس سنين كانت ولا شي
بعدين قامت تشتري من المتاجر الراهيه
وتقول انا ما اشتري إلا من المكان الفلاني والمكان الفلاني
بس انا اعرفها عدل أول كانت محرومه من كل شي والحين تعوض النقص اللي فيها

 

[$رفـحـاويـه$]

انا برستيجي مايسمحلي ارد بس عشاانك >>>> امززح معك فديتك والله
من جد ذولا لهم عالم خاااص وبنظري عقولهم صغيره والحمدالله ماقبلت هالفئه
ومافيه احسن من التواضع وهذا كبر مثال لتواضع >>
يحكى أن ضيفًا نزل يومًا على الخليفة عمر بن عبد العزيز، وأثناء جلوسهما انطفأ المصباح، فقام الخليفة عمر بنفسه فأصلحه، فقال له الضيف: يا أمير المؤمنين، لِمَ لَمْ تأمرني بذلك، أو دعوت من يصلحه من الخدم، فقال الخليفة له: قمتُ وأنا عمر، ورجعتُ وأنا عمر ما نقص مني شيء، وخير الناس عند الله من كان متواضعًا

وتسلم ايدك يانهووووي وننتظر جديدك