الاماكن الحلوه واجد بالكويت وهلا ومرحبا بهل السعوديه بديرتكم الثانيه الكويت
بالنسبه للمجمعات عندج الافنيوز شرق الفنار 360المارينا مول المهلب الكوت المنشر البيرق ليلى غاليري زهره الثريا هذيلا الثلاثه الاخيرين بنفس الشارع بالسالميه
للاسواق العاديه سوق السالميه المعلم وسالم المبارك المباركيه هذا سوق قديم وتراثي حلو التمشي فيه
المارينا بالليل الكرسنت عجييب فيه مطاعم وكافييات فم الافنيوز حلو الصبح الفطور فيه وخاصه الجو حلو
المطاعم انا احب فيلا فيروز بالشعب غدا او عشا حلو جوه
فندق سفير اللي بالديره عندهم مطعم في الدور ال19حلو العشا فيه رايق
الفطور مطعم البلد حلو بشرق
وعندج الصنوبر حلو بعد
اما بالنسبه للمنتزهات عندنا الشعب حولي بارك المدينه الترفهيه مع انها قديمه الحين
جربو اخذولكم قارب من شرق العصاري حلوه الطلعه فيه ربع ساعه تعطي جو
وبس هذا حاليا اللي متذكرته اذا طرا في بالي شي جديد ان شاء الله لي رجعه والبنات ماراح يقصرون ان شاء الله معاج
