بسافر تركيـآ.. تحديدآ اسطنبول .. كم سؤال ع الطاير ..

[ورود متناثره]

مرحبا صبايا


بسافر الشهر الجاي ع تركيا ان شاء الله ؟. بس كم سؤال ساعدوني



كيف يكون جوهااا الشهر الجاااي ؟؟ الملابس شتويه او صيفيه ؟


شنو افضل شي عندهم اشتريه يعني لايطوفني بالكويتي ,,,<<سعوديه الاخت :eh_s(7):


وربي يسعدكم ماراح اكثر ادعولي ربي يسسر هالسفره



رحت قبل ماليزيا في بالي تركيا ماراح تجي ربع ماليزيا صح او لا << اموت ع ماليزيا



وبس لكم :eh_s(7):

 

[نوووور الشمس]

اااب


انا معاج بس للاسف نزلت موضوع وماكو ردوود

 

[ورود متناثره]

وين البنات الي راحو تركيا ومافادونا

 

[نوووور الشمس]

ااااب

 

[روان_الكويت]

يا حلو تركيا ويا حلو القعده علا نهرهم جو وناسه
انا حبيت في تركيا الحب الشمسي مالهم لذيذ تلقينه بالبقالات معبأ نفس كياس البفك حبهم ضعيفوطويل يوم رديت جبت منه اشكتر
وهمن حلوياتهم الي بالسوق المصري المسقف في بالكيلو وفي معلب جاهز حتي بالمحلات يبيعونه لذيذ
احب الي بالمكسرات الساده مو حلو
اهتماماتي كلها اكل هههههه
حبيت مجمع جواهر حلو وسلامتج
اي احجزو طراد مادري يخت روحو رحله بحريه بين الجسرين

 

[noura ooo]

ولا بتجي ربع ماليزيا .... بس التغيير حلو , قبل لا نروح لتركيا كنا مقررين نفرها كلها وماكنا معتمدين على اسطنبول بس لما وصلنا شفنا اماكن مهضوم حقها واكثر التقارير ماحكوا عنها ,, ممم بدون هذره زايده خليني اقول لك وين رحنا ...

المطاعم : بتنحفين هناك لان اكلهم يعتمد عالمشاوي واشياء خفيفه .. مطعم الملك ومطعم محمود من اكثر المطاعم اللي تكينا فيها ... والملك قال لنا راح يفتح له فرع جديد قريب من المطار يعني احتمال ان شاءالله يكون الحين موجود ... وفيه مطاعم شكثر ... وفيه كنافه من الذ الكنافات اللي ذقتها بحياتي اكلتها عند مطعم في جواهر مول << بصيح تذكرتها

الاسواق :
جواهر مول .. كانيون مول .. << ولو اني اذكر اسمه غير الزبده اذا ماخاب ظني كان من احسن المولات وكل الماركات فيه وشكله يفتح النفس ... والاسواق الشعبيه ( المسقف .. المصري حق بهارات وهالشغلات وفيه سوق جنب السلطان عبدالحميد < .. كل مكان فيه سوق

ولاتنسين جزيرة الاميرات ضروري تروحين لها من بدري

الملاهي اذكر في جواهر مول فيه

وفيه ملاهي مارحنا لها بس نظامها برضو مسقف << على حلاة جوهم والطبيعه اللي ربي عطاهم اياها ويحبون يتسقفون

وفيه غابه جمييييييييييييييييله اسمها غابة بلغراد << والله تغنيك عن بورصه
سياكل وخيل وجلسات جميله المكان يفتح النفس خاصه مع المطر مطاعمهم غاليه وكله كفته << بس خذوا لكم دجاج ولحم وتبلوه واشووه هناك سووا مثل مايسون الاتراك السنعين ولا تنسون قهوتكم

وجنب بلغراد فيه حديقة النباتات جميييييييييييييله وفيها بحيره أجمل بط ووناسه << ولدي ماعرف البط وانواع الحيوانات الا هناك
رحت لبورصه تعب عالفاضي << بس اذا انتوا تحبون المرتفعات لازم تروحون ... بتصعدون الجبل وفيه شجره معمره نسيت شسمها < فاضيين حتى الشجره يسمونها وحواليها مطاعم وكوفيات والشلال مارح يكون كبير وقت الصيف لان الامطار تكون مو ذاك الزود

والمتاحف اذكر متحف السلطان عبدالحميد <<< بعد ماتنتهين من المتحف تطلعين عالبحر وتلقين جلسات جميله تقهوي تغدي سوي اللي تبين تاملي الطبيعه واشبعي منها

فيه مناره بنص البحر سالفتها انه واحد من سلاطينهم حلم ان بنته بتموت بلدغة حيه وقال بيقلعها لمكان علشان ماتوصلها وتموت بس الموت مامنه مفر وماتت هناك راح تلاقين فيه مطعم وكوفي

وطبعاً بما اننا خليجيين اساس روحتنا كان علشان نشوف بيت مهند ونور < ازعجنا السواق فيه واحسه يقول في نفس يالله لك الحمد والشكر نسوا تاريخ تركيا وجايين يشوفون بيت مهند ... رحنا وكان صاحب البيت موجود قعدنا نطلطل من ورا الباب << ذابحتنا اللقافه ... ومرينا من كوفي قريب من المنطقه جميييييل يطل عالبسفور وجلسنا لين غابت الشمس ورجعنا زي الدجاج وخمدنا << اي دجاج ياروح امك يأذن المغرب بحدود ال9 والعشا 11

ممم فيه كورنيش قريب من البسفور خساره ماعرفناه الا اخر الايام وحواليه اسواق حلوه وركبنا عاللنش وفرينا لك البحر واخذنا زوم على بيت نور << ياخي مصرين ذا الملاقيف ...

قبل لا اروح لتركيا ماكنت حابتها بس رحت شفت شي غير اللي كنت حاطته ببالي

تروحين وترجعين بالسلامه

 

[((غلاي))]

up up

 

[بيرلا ستور]

اب اب برفع الموضوع فيدونا عالجووووووووووووووووووو حبيباتي بنص شهر ستة شلون ؟؟؟؟

 

[لولو جدة]

طيب بنات انا مارحت لاتركيا ولاماليزيا مين احلى فيهم

 

[غرام القمة]

عنجد حبيت تعليقاتج يااااانورا هههههههههههههههههاي اهم شي بيت مهند ونور
الله يستر انا بروح وبشوف الوضع
حبيبتي فرفري بالتقارير وشوفي اماكن سياحية بتركيا يعني اعتمدي علي نفسج هههههههههههاي

 

[زهره الجلنار]

اب اب