بسافر لامريكا بعد عرسي وابي طريقة لبس حلوه =( || ساعدوني ||

[« ℓ3ĭooη 5ℓy »]

السلآم عليكم حبوبات :eh_s(21):


انا مسافره بعد عرسي مع زوجي لامريكا .. ومادري محتاره بطريقة اللبس


فكرت افصل قمصان طويله لي تحت الركبه والبس تحتها بنطلون يكون خاااام المشكله مادري وينن الاقيه

فريت عليه بالاسواق مالقيته

بليز اللي تقدر تفيدني الله يجزاها خييييييير تكون فكت ازمه


وابي فكرت قمصان حلوه وكشخه .. بليز ساعدوني ياعلكم للجنه

 

[إماراتيه وافتخر]

انا بسااافر المانيااا بعد


لقيت في بول اند بير بناطليين ماددري شاموااه روعه هن ليقنز

الحين ادوورلي جينزات مرتبه

 

[meen_ana]

شووفي حبيبتي اذا تبين اسعارهم مناسبه يبيعون بالنقرة سوالف حلووة ومجمع السندس

 

[سرقت النوم]

شوفي اذا بتروحين امريكا اخذي الشغلات الناعمه بس الذربه و خلي الوانج صيفيه بارده مو غامجه و لا صارخه عرفتي

و كثري من القمصان و شغل النقره وايد حلو و الافنيوز تحصلين فيه سوالف حلوه

 

[سعادتي برضى ربي]

يالغاليه كثري قمصان اللينن الفيفه الطوال حيل مع ليقن
وتقدرين تسوين لج مثل طريثة التريننق بس على خام خفيف

واخذي شيال الستريج الجديده وشيال البيض حلوه

وجنطه كروس وجواتي فلات

وموفقه

 

[عيش و مرق]

روحى مجمع النقره الشمالى والجنوبى


ابتلقين بنطرونات وقمصان لى الركب واطول الوااااااااااااان واشكال لاتعورين قلبج وتخيطين وتفصلين كل شي جاهز