بسافر لندن ساعدوني

[*فاصوليا*]

السلام عليكم

بنات ابي مساعدتكم:friends:

اول مرة بسافر لندن ابيكم تساعدوني

ابي وحدة تمشي معاي خطوة خطوة

لاني بسافر مع بنتي عمرها 4 شهور علاج

ابيكم تساعدوني
شلون اطلع الفيزة وشكثر تطول شلون اذا ابيها بسرعه عشان العلاج؟!!!
عطوني الموقع وعلموني خطوة هطوة لاني شوي انجليزتي تعتبر ضعيفه
شتصرف بالسفارة شناخذ معانا بالمقابلة؟
ابي اي طيران اروح؟
وشكثر من هني لي لندن؟
واحسن سكن وسعره زين مابي غالي؟
وشلون اسافر مع بنتي شلون الوضع بالطيارة؟

ولندن هالفترة باردة والا لأ

بليز هيلب مي

 

[دلع الكون]

اول شي اجر وعافيه على بتنج انشالله .
أول شي بعرف انتي رايحه على حسابج او على حساب الصحه او الدفاع عشان اعرف شلون ابي معاج .

 

[*فاصوليا*]

الله يعافيج حبيبتي

وين الحكومة مو راضيين على حسابنا ومااااااااااا قصرتي

 

[دلع الكون]

طيب نقول بسم الله وعلى الله توكلنا والله يرفع عن بنتج مرضها ياكريم .
الفيزا ما أطول تودينها الصبح والساعه 3 العصر تخلص .
مكان استخراج الفيزا الجديد جدام قصر السيف لأن الحين شركة ما ادري شسمها .
بما أنج رايح على حسابج راح يطلبون عليكم كشف حساب 6 شهور ورصيد مايقل عن الف دينار وصور شخصيه خلفية بيضه وفي نموذج تاخذينه من نفس المكان تعبينه وين تشتغلين وجم المدخول الشهري واخر 3 سفرات وين رحتي واسأله شخصيه .
طبعا الطيران الدايكرت مافي احسن منه . الخطوط الكويتيه والبريطانيه .. الكويتيه اطير الساعه 1230 الظهر والبريطانيه الساعه 830 الصبح . وفي رحله ثانيه حق الكويتيه اطير الساعه 930 لكن هذي تنزل لندن وبعيدن تكمل امريكا .
مدة الرحله لي مطار هيثرو من 6 الى 7 ساعات .
واذا تبين تروحين عن طرية الترانزيت ارشح لج طيران الامارات .
وبالنسبه حق البيبي طلبي سرير حق البيبي واذا ما حصلتي الله يعينج طول الرحله راح يكون بحظنج .
وبالنسبه حق المقابله بسيطه ومافيها شي ويدخلونج غرفه يصورنج صورة تتخزن عندهم عالسستم ويسولج بصمه نفس مالة الدوام .
وبالنسبه حق السكن انتي متى ناويه تروحين لأن الاسعار تتغير بالصيف .... لكن اذا انتي اول مره تروحين سكني بشارع اجورود كله عرب واكل حلال بقالات ومحلات تلفونات وكل شي ... طبعا افضل شي لج اخذي استيديو بالكثير يطلع عليج 500 باوند بالاسبوع

 

[سارونة1972]

هلا والله فاصوليا حياج الله نفس ماقالت لج اختي دلع الكون هذي بعض التفاصيل واذا حابه تفاصيل اكثر عن الاسعار اقدر اعطيج رقم واحد ينقاله بومحمد كويتي وعنده شركه هناك وبساعدج خوش ريال كافي انه كويتي منا وفينا وهو ما راح يقصر معاج حتى بالنسبه للشقق الاستيديو وايد غالي الي تقول عنه اختي دلع الكون الاستيديو ارخص من جذي بومحمد يحلييله ما راح يقصر وطبعا معاملته واااااااااااايد انسانيه مع الي ايوون علاج

واذا حابه معلوماته راسلييني على الخاص وانا حاظره ومشكوره دلع الكون على هالمعلومات قواج الله فديت روحج حبووبه

تحياتي لكم

 

[الحب اسرار22]

بس على حسابج السفره بتكلف وايج

وانصحج سهري بنتج

عشان تنام بطيارة وماتاذيج

والله يكون بعون

 

[*فاصوليا*]

مشكورين بنات ما قصرتو بس الحين على الفيزا شلون اخذ موعد والا اروح ادرعم عليهم؟

 

[سارونة1972]

مشكورين بنات ما قصرتو بس الحين على الفيزا شلون اخذ موعد والا اروح ادرعم عليهم؟

هلا والله اختي دشي على هالرابط وفيه جميع المعلومات كيف تعملين فيزا ورقم تلفونهم بعد موجود واي خدمه انا حاظره

http://ukinkuwait.fco.gov.uk/en/visiting-uk/visas-for-the-uk/

تحياتي لج

 

[*فاصوليا*]

اختي دلع جم صورة خلفيه بيضه يبون؟

ووين اذا تقدرين او تعرفين اقرب سكن وبسعر زين حق مستشفى gret ormnd hospitel street

 

[شمايخ]

اتوقع يبون 4 صور خلفيتهم بيظه بس اذا رحتي المصور قوليله ابي صور حق فيزا لندن واهو يعرف وبالنسبه للطيران حجزيلها سرير راح يسالونج جم عمرها ومثل ماقالولج البنات احسن شي الداريكت االكويتية او البريطانيه تقريبا نفس السعر


وارشحلج شقق بالادجور رود ورا فندق الهلتون اسمها ويست اند كوي بالصيف سعرها 700 باوند ورا الصيف 550 باوند


والله يشافي بنتج انشاله :eh_s(17):

 

[الدلال]

ماراح ازيد على كلام البنات
والله يشافي بنيتج يارب ويرجعكم بالسلامه

 

[سارونة1972]

يعطيكم العافيه بنات هذيل بنات الكويت دايما على قلب واحد فديتكم كلكم اختي فاصوليا نفس ماقالولج البنات وربي يشفي لج بنتج وهالمستشفى جريت اورمند ستريت هوسبيتال هذي المستشفى معروفه عالميا ومختصه للاطفال شقق قريبه منها افضل لج اجوروود مثل ما قالت اختي شمايخ.. بس في ارخص من جذي.. لانه اختنا بتروح مع بنتها على حسابها الخاص مو على الحكومه..... في السكن في اجوروود احسن عشان العرب والشغلات العربيه احسن لج من ناحيه اللغه تتعامليين مع الناس واذا حابه شي قريب في شقق قريبه للمستشفى وتتعامل المستشفى معاهم نفس سكن طلاب هذي يسمونه سكن لاولياء امور الاطفال المرضى او فنادق رخيصه اذا حابه اعطيج معلوماته هناك في لندن وهو كويتي ويساعد الناس من ناحيه السياحه والعلاج ومعاملته واااااااااااااااااااااااايد انسانيه مع الناس الي ايوون علاج خدوووم ومنا فينا كويتي اكيد ما راح يقصر معاج واي شي تامرين انا ولا البنات ما راح يقصرون معاج ان شاء الله وربي يشفييلج بنيتج امييييييييييييييييييييييين

 

[black_arno0oBa]

الله يشافيلج بنتج يارب بس حبيبتي جذي راح تقطون وايد اذا على حسابكم ولندن صلخ وترى مستشفيات بريطانيا كلها وايد زينين انا اقول شوفيلج مستشفى زين بره العاصمه لانها وايد غاليه وحتى االاكل فيها غالي بس مجرد ما تبتعدين عن لندن ارخص بوايد حتى التكاسي والسكن يعني اذا بلندن تقعدين الاسبوع ب 300 دينار ومكان عادي وصغير ومو ذاك النظافه بره لندن الشهر ب 300 ومكان توووب وانتي ما تدرين اشكثر راح تقعدين وانا رحت بريطانيا قعدت فيه سنه علاج حق ولدي وكنت موجوده بمنطقه اسمها leeds وومستشفياتها وايد زينه وكان في كويتين يايين على حسابهم الخاص شوفي انتي على حسب مرض بنتج وحاولي تروحين مانشتسر او منطقه يكون علاج بنتج متوفر غير لندن والله يسهل اموركم يارب ....ترى لندن كلها عراقين وووايد منهم نصابين ديريبالكم منهم

 

[سارونة1972]

الله يشافيلج بنتج يارب بس حبيبتي جذي راح تقطون وايد اذا على حسابكم ولندن صلخ وترى مستشفيات بريطانيا كلها وايد زينين انا اقول شوفيلج مستشفى زين بره العاصمه لانها وايد غاليه وحتى االاكل فيها غالي بس مجرد ما تبتعدين عن لندن ارخص بوايد حتى التكاسي والسكن يعني اذا بلندن تقعدين الاسبوع ب 300 دينار ومكان عادي وصغير ومو ذاك النظافه بره لندن الشهر ب 300 ومكان توووب وانتي ما تدرين اشكثر راح تقعدين وانا رحت بريطانيا قعدت فيه سنه علاج حق ولدي وكنت موجوده بمنطقه اسمها leeds وومستشفياتها وايد زينه وكان في كويتين يايين على حسابهم الخاص شوفي انتي على حسب مرض بنتج وحاولي تروحين مانشتسر او منطقه يكون علاج بنتج متوفر غير لندن والله يسهل اموركم يارب ....ترى لندن كلها عراقين وووايد منهم نصابين ديريبالكم منهم

قواج الله ارنوبا وربي يشفي كل مريض يا رب اميين حبووبه لازم توضحين لها اللونج لت اهناك في لندن او بريطانيا اقل شي 6 شهور يسون لك عقد تطلع رخيص معاج بس الشورت لت دايم يصير اغلى وهي ما تدري اشكثر بتقعد هناك المسجينه للتوضيح فقط وهم تره المستشفى الي ذكرته تره احسن وارقى مستشفى في اوروبا فهم يعتمد عالميزانيه مالتها ربي يكون بعونها بس انا اقدر انصحج اختي فاصوليا لي راسلتي المستشفى ومن ضمن التقاريير الي عندج يقدرون يعطوونج جدوله كامله عن جميع المصاريف كعلاج من الاف الى الياء وبعدين شغله السكن وهالشغلات تنحسب ومعروفه بس اهم شي العلاج

اللهم شافي مرضانا ومرضى جميع المسلمين امييييييين

 

[ناتشوو]

الله يشفيها
وتردون سالمين يارب
اجر وعافية

 

[حور الجنة]

ماااااتشوفين شر يا فاصولياااااااااااااا


اي شي تبين انا حااااضره وجاهزه

لاني سنين انا اعالج في لندن

بس راسليني على الخاص

اعطيج معلومات مهمه

وفي مترجمه بنت الكويت موجوده هناك

صراحه تضبط لج المواعيد وتكون معاج فوق ما تتوقعين

 

[~ عز ~]

الله يشافي بنتج ..

انا بعد الشهر الياي بروح لندن اعالج بنتي عمرها 4 سنوات

بسألج اشمعنى اخترتي هالمستشفى ؟؟

لان انا سمعت عن مستشفى ممتاز للاطفال و هو اللي بوديها له

هذا موقعه

http://www.theportlandhospital.com/

بس قلت يمكن مستشفاج اللي قلتي عنه احسن ؟؟؟