بسافر ماليزيا وما اعرف فيها شي ساعدوني !!!!!

[ام وحش]

السلام عليكم بنات // انشاءالله ناوية اسافر ماليزيا انا وزوجي وبنتي وماادري احجز الفنادق من الكويت والا لما اروح هناك أحجز أرخص ؟ وجم تتوقعون الميزانية تكفي ؟اروح مع قروب والا اروح بدونه ؟ واللي تعرف سايق يكون مسلم خلوق أمين تعطيني رقمة أكون شاكرة لها ؟؟

 

[شيخة الحلوة]

ياقلبي
عسا الله يوفقج
لما يحب ويرضا

ماليزيا
اتين

تبين نصيحتي


خلي رحلتج جذي

مدتها 15 يوم

اوكي

اول يوم تروحين كوالمبور

تقعدين ليلة وحدة تريحين

وبعدين تروحين
بيننق تقعدين 3ليالي يعني4اايام

وبعدين تروحين لنقاوي تقعدين فيها 3ليالي يعني اربع ايام

لنقاوي
هذه قمة الرومانسية والراحة والاستجمااااااااااااااااااااااااااااااااااااااااااااااااااام
واي ميته عليها ودي اروحلها مرة ثانية واقعد فيها 5ليالي
ارتاح فيها

وبعدين ردي كوالمبور

روحي افاموسا
يمدحونها بس للمانة مارحت لها

وروحي جنتنق من الصبح لي الليل
تمشي فيها العاب ومجمع كبير حلو يونس
واحلى شي انها برررررررررد وناااااااااسه

وبعدين كوالمبور خليها اخر شي حق السوق وخرابيط السوق


واستانسي هناك


ان ارحت لها 2007
مع اهلي

فا ماادري بصراحة جم تكلف الرحلة
وماكنت اسال عن الاسعار

بس الحين
انا سالت مرة اختي
عقب ما تزوجت
قلتلها
جم تطلفني ماليزا
قالتلي
2500
تقريبا
سكن وتذاكر ومشترى واكل ومواصلات




واذا بتروحين مع قروب
انا احس اونس

يعني ينضمون لكم الرحلات
وتتعرفين على ناس ووناسه


انا لما رحت مع اهلي بروحنا بصراحة وهناك شفنا خالتي اخت امي ورحنا معاهم لنقاوي وكوالمبور
بس بيننق وكاميرون رحن ا بروحنا

وناااسه

الكاميرون حلوة تونس
هاااااااااادية روحيلها
عن الحسافه

طبيعه وهوا حلو

ان ااستانست عليها
بس ما فيها مجمعات واكشن

كله طبيعه بطبيعه
وكلها فراش وجااااي
tea
حدايق الجاااي ومصنع الجاي
احنا شرينا منهم لي هني
هههههههههههههههههه


اونس
وحلوة بس الطريج شوية متعب

بس هم حلوة


وعسا الله يوفقكم

وسوري اذا قرقت وااايد


عسا الله يسهل لكم السفرة الحلوة ياااااااااااااااااااارب
وتستانسون هناك


وتحطيلنا التقرير السنع اللي يونس الوااحد

 

[Om Rashoodi]

حبيبتي حجزي من الكويت طق امطاقق على الفنادق لا تروحون وتتوهقون احسن عشان تضمنين ماتتوهقين هناك خاصه انكم اول مره

 

[الماااسه]

حتى انا بعد بسافر لماليزيا مع زوجي
بس ماعندنا اي فكره عنها
فبلييز بنات ساعدوناااااااااااااااا
انا ابي الوناسه والمجمعات والكافييات وفندق حلو بلييز ساعدونا

 

[ام رامي]

انا ارشح انج تاخذين من اهنيه الفندق لانه فعلا ماكو حجز اهناك زيدي السعر ميخالف بس لا تتوهقين اما جزيره بيننق اخذي فندق يم الهوليدي ان مو يحطونج فنادق ابعيده والله يوفقج ان شاء الله

 

[knafa-q8]

حجزي فنادق من اهني اضمنلج وترى مو غالين وايد يعني اسعارهم معقوله واذا تبين فندق ببيننغ هندج
bay view beach هاذا حده اينن ويم الهوليدي ان واسعاره حلوه واذا تبين سواق انا كنت سائله البنات وماقصروا ردوا علي تلقينهم بموضوعي اسمه سواق ماليزيا

 

[mezlegana]

انصحج بالقروب وايد حلو وتستانسين معاهم وبنتج تستانس مع اليهال انا بنتي وولدي وايد استانسو كان بالقروب يهال كبر عيالي وابصراحه ماتتوهقين ولاشي كل شي مرتب ولاتدورين تكاسي كل شي يسويه القايد وانتي بس لبسي بنتج وركبي الباص وهو يوديج كل مكان وبصراحة اللمه حلوة وانا احب اتعرف على الناس وعلييييييييييييييييييييييييييييييييييج بالعافية صج حلوة وانشاء الله الله يكتبلي روحه ثانية

 

[الحلوووه *_*]

سافرت شهر عسل ماليزيا وكنت انا وريلي مانعرف شي بالمره واخذنا سايق يهبل محترم وخلوق ومن مواليد مكه المكرمه وكلامه كله عربي اول شي عبالي سعودي بصراحه والحمدالله استانسنا معاه وهو الي حجز كل رحلاتنا واذا تبين رقمه راسليني ع الخاص اوكي

 

[د-سوسه]

ما انصحج تروحين مع قروب لان ماتدرين انتي وحظج يمكن يطلع القروب تعيس ..رفيجتي مره راحت ماتت من القهر طلع معاهم ربع ريلها وقالو خنخلي الحريم بروح والرياييل بروح وتمت طول السفره مجابله حريمهم وريلها لاهي مع ربعه ترا ماتضيع مومحتاجه قروب انا العام رحت مع ريلي وبناتي ثنتين وكانت اول مره مصرفنا كان 1800 لمده 25 يوم صرفنا وشرينا واستانسنا ورديت معاي فلوس باقيه ..
حجزي الفندق من الكويت احسن لان هناك زحمه موت موحلوه تتوهقون ..
بيننغ ..احسن فتدق الهوليدي ان موعشان شي بس لان مافيها الاالسوق الليلي والمطاعم والبحر الصبح جتات وبراشوت واهو مكانه حيل استراتيجي يمهم بالضبط وفي بعد الباي فيو بيج الي قالت عنه وحده من البنات هم حلو تطلعين من هناك رحلات عادي مقابل الهوليدي ان في مكاتب رحلات اتروحين يوريج صور وتحجزين سايق وسياره يوديج يعني مايحتاج تاخذين رقم احد من هني..
بكوالا لمبور نقي الفنادق الي يم شارع العرب لان اهوالي في المجمعات والوناسه عندج (التايم سكوير -سويس جاردنوغيرها من الفنادق المهم يكون علي هالشارع وعندهم حتي الفنادق ال4 نجوم نظيفه لا تحاتين واخذي عالشارع عشان تروحين وتردين مشي ماتحتاجين تاكسي..
انصحج تحجزين بجنتنج فندق وتنامين هناك _اهي المطنقه الي فيها ملاهي والعاب-قعدي فيها يومين اونس لانها بارده وصج تحسين بتغيير وهم بنتج تلعب وتستانس وروحي القريه الفرنسيه هناك هم حلوه بس لا تتسوقين من هناك لان راح يطلع اغلي مع الضرائب..
لنقاوي حيل هاديه اذا تحبين استرخاء وهدوءانا حجزت بشيراتون لنقاوي عباره عن اكواخ بالغابه والكوخ وايد حلو من داخل والبلكونه تطل عالبحر وتشوفين السناجب اتييج لي البلكونه وطبعا الشواذي تكرمين بكل مكان روحي رحله المانغروف والاكواريوم وايد حلو اهناك احلي من الي بكوالالمبور ..اتمني اكون فدتج واي استفسار حاضرين

 

[أشبـاهـ المطـر]

الحلوه ممكن رقم السايق ولي يعافيج