بسالكم عن مستشفي العرف

[^ lamooosh ^]

السلام عليكم


انا متابعه من من زمان
ودايم ان احتجت ادش واستفيد منكم وايد
وادري فيكم ماتقصرون ابدا


انا حابة اسالكم عن مستشفي العرف
منو والده عند دكتوره دعاء ؟
ودكتوره منتهي لي الحين اهناك
وتخيط تجميلي ؟ وشون خياطها ؟
ومنو خيطة تجميلي بالعرف وعند منو ؟


ياليت تفيدوني ​

 

[أأأميرة الورد]

هلا حبيبتي للامانه ماجربتهم

بس في تجمع حق مراجعات مستشفى العرف

ان شالله تستفيدين منه

 

[^ lamooosh ^]

مشكورة اميرة الورددشيت التجمع بس قديم مو وايد يدشونه
وان شاء الله يفيدوني
مشكوره ماقصرتي

 

[انسام الكويت]

اي منتهى موجوده بس ضغط عليها وفوق هذا ماتولد الا حزت ذوامها يعني لو تحوشج والده الفجر ماتييج

لا يولدونج الطوارئ ...دعاء ماعرفها .. ومن ناحية الخياط يمدحونه يقولون زين واتوقع يسون تجميلي بس التجميلي

له كذا نوع اذا قصدج تجميلي لمنطقة العجان هاذي اكيد يسونها بس اذا قصدج تجميلي داخلي للمهبل هذا انتي توصين عليه

انا اللي اسمعهم من حولي يمدحون خياطهم ويقولون حلو ..

 

[^ lamooosh ^]

مشكورة حبيبتي ماقصرتيباجر يبين وين اولد
اذا قررولي قيصريه يمكن اروح لحيان الاحمد
شفت وايد يمدحونه

 

[ملح الكون]

انا ولدت بالعرف عند تستفانيا بس مادري وين راحت خياط تجميلي واذا قصدج تضيق انتي تطلبين بس مايسون للبجر وانا حاليا اراجع فيه عند مارينا البلغاريه والله يهون عليج حملج وولداتج

 

[ms_5ajoola]

اب اب اب

 

[قرة عيونه]

هلا حَبٻبتــۍ

انا بجر للحين ماجربت ولادتهم بس اراجع عند منتهى حيل مرتاحه لها

واختي كله تولد عندها وتمدحها عشان جذي رحتلها

اما دعاء ماسمعت عنها

بس كله اقرا بالمنتدى البنات يمدحون منتهى ومارينا

 

[ام مريم ورحمة]

دعاء كنت اراجع وياها في بناتي لما كانت بمستشفى السلام زينة وحبوبة وهادية ولدتني في بنتي الوسطى

 

[^ lamooosh ^]

مششكورين بنات

ملح الكون
مس خجولة
قرة عيونه
ام مريم ورحمه


ماقصرتوو الله يجزاكم خير ويسعدكم يارب


ملح الكون يعني اقولهم تجميلي
ونفس العادي ولا الم زياده ياريت استفسر منج

 

[أنفاسي دخون]

الله يهون عليش وتولدين بالسلامة

 

[^ lamooosh ^]

امين يارب

الله يجزاج خير انفاسي دخون

 

[انسام الكويت]

تجميلي هذا راح يسونه لج بدون ماتقولين راح يكون تجميلي لمنطقة شق العجان

اما اذا تبين تجميلي داخلي حق عضلة المهبل هاذي انتي توصين عليها بس راح يكون الالم يعور

وماتسوينها الا اذا كنتي والده اكثر من اثنينه افضل شي لانه المنطقه تكون توسعت شوي وعضلة المهبل رخت

فتسوينها تجميلي داخلي واذا هالالم ماكو شي ايي بساهل لازم عوار واذا انتي بجر مايحتاج مع التجميلي العادي

بتكون امورج اوكي وزينه ...وسهالات

 

[^ lamooosh ^]

مشكوره انسام اكويت ماقصرتي بعد عمري والله
الله يوفقج يارب ويرزقج

 

[^ lamooosh ^]

منو جربت التجميلي بالعرف وعند منوو ؟!

 

[sara.]

الدكتورة منتهى المنقبة يوم السبت سويت عندها عملية تجميل وكانت بيررررفكت وايزي وما أنصحج إلا فيها دعاء ماعرفها ؤانا عندي ملف بالعرف وحبئت أفيدج دفعت كل شيء قبل لا ادخل 416 دينار بالضبط من غير العلاج وعلى فكرة حيل ترتاحين لها منتهى أنا قلت لها عن مشاكلي أنا ورجلي ؤيوم شافتني نصحتني فيها وقالت مايمسك الرجال إلا هالشي دخلت الصبح وطلعت 5 العصر ومحد يدري أني سويتها بعد ’

 

[ms_5ajoola]

اب اب اب

 

[^ lamooosh ^]

مشكوره سارا ماقصرتيالله يوفقج يارب


مرسي مس خجوله

الله يجزاج خير حبيبتي

 

[سنيار البحر]

بتكلم عن تجارب بنات العايله وتجربتي بمستشفى العرف

بنت خالتي دخلوها ولاده وهي بس مفتوحه 1 سانتي
وخلوها يوم كامل طلق صناعي لين طلعت روحها وقالوا يلا قيصري

بنت خالتي الثانيه قالوا لها ولاده ودخلت بدون دكتورتها وجاها دكتور وقرر لها عمليه مع ان دكتورتها طول مراجعتها لاخر ايام التاسع تقول تولدين طبيعي

مرت حماي حاله خاصه يعني عندها مشاكل بالتنفس وربو وتاخذ ابر كورتيزون دكتورتها حزه الولاده قالت اجازتي وطنشتها مع انها حاله خاصه المفروض غير
وولدها دكتور عندهم


انا رحت قبل جم يوم بس بسوي سونار عند الطوارئ خلوني اصعد عند الدكتورات فوق وافتح ملف عند الدكتوره مارينا وسوت تخطيط تقول الطلق فوق 100 طلق قوي يلا ولاده قلت لا انا ما احس بشي شلون طلق جهازكم خربان ! قالت نعيده ويعيدونه ونفس الشي قالت بسويلج فحص داخلي قلت مابي وراحت سوت سونار قالت البيبي 3 كيلو مشالله وممكن زياده 100 غرام وقت ولاده وشوي قالت فيج افرازات قلت اي قالت يلا نسوي مسحه طبيه قلت مايحتاج قالت نبي نشوف يمكن ماي بيبي وخلتني اسوي وماكو شي بعدها قالت يلا سوي تحليل زلال وتحليل دم قلت مابي ما احتاجهم لاني اراجع اساسا عن دكتورتي بالمواساه وسويت تحاليل يوم رحت من باجر لدكتورتي اتاكد التخطيط ماكو طلق الا خفيف والسونار البيبي وزنه كيلوين و200 وهذي منصبه علي فوق 3 كل هذا بس عشان تدخلني ولاده واخرتها تصدمني قيصري ، غير المبلغ اللي خذوه مني على هالاشيا العاديه والله المواساه المستشفى الخبره والاستشارين ارخص منهم من الاخر العرف تجاااااري ونصابين واغلب ولاداتهم قيصري واللي تولد طبيعي عندهم مشالله حظها حلو

 

[^ lamooosh ^]

سنيار للامانه العرف حاليا فعلا ماديبمرجعاتي قبل كنت ادخل وسونار وكل شي يكلفني ٣٠ من شهر لي شهر
واذذا بنفس الشهر اقل يمكن ١٠ او ١٥


الحين مراجعه مع سونار ٥٥


بس الاهتمام بالعكس جربتهم
وحتي دكتوري كان مدحت نطر علي وايد وتعبت
بس اصر اولد طبيعي ولا رضي يحولني قيصريه كلش
والحمدالله صج كانت ولاده متعسره بس كانت طبيعي