بسرعة تعالوا ابي مشورتكم

[إحساس الحياة]

السلام عليكم ورحمة الله
كل عام وانتم بخير
وعساكم من عواده
حبيباتي أنا محتااارة حيييييييل
أنا ما أخذه اجازة من العمل وكانت تنتهي بعد العيد وانا رحت للعمل ومددت إجازتي بدون ما أقول حق ريلي
وبصراحة أنا عشان بنتي توها سبعة اشهر والشغالة يديدة ما تعرف لها زين
وكمان اول مرة احس ان ريلي متكفل بكل مصاريفي طبعا تعرفون ان الموظفة هي المسؤلة عن نفسها ومهما كانت المرأة غنية تحب زوجها يصرف عليها
المشكلة الحين كيف اوصل له ان اجازتي لم تنتهي بدون مشاكل ولوية
ومشكورين خواتي

 

[انا لحبيبي .]

ليش بدها تصير مشاكل من غير شر ؟

احكيلو مددت اجازاتي عشان بنتي وعشان الخدامه ،

 

[امرأة من نور]

الصراحة افضل حل للمشاكل الزوجية

 

[مناير ...!]

ماكو مشاكل ان شالله
علميه بعفويه مددت اجازتي علشان البنت
كلش مالي قلب اهدها بروحها الخدامه مايعتمد عليها للحين

 

[FeShinGoOo]

:/ شكو مشاكل كيفج بتاخذين اجازه من رصيدج اجازاتج وين الجريمه بالموضوع ؟؟؟

حبيبتي شوفي شكلج انتي كل خطوه تقولين حق ريلج وتستأذنين منه ..!!

بذمتج وحده تبي تاخذ اجازه شحقه تحاتي المشاكل انتي خلي عندج شخصيه قويه وخلج واثقه من نفسج واساسا لاتقولينله اهو بيشوفج بالبيت وراح يسالج ليش ماداومتي .. باختصار قوليله مددت اجازتي .. وبس ..

لاتسوين فيها استئذان وخوف واستشاره هاذا موشي يستلزم اذن زوجج ..

وظيفتج - معاشج - رصيدج - اجازاتج .. انتي بتقعدين بالبيت ماراح تاخذينها وتهيتين من وراه ..!!

 

[Tom ♥ Jerry]

,


المفروض تقولين له قبل لا تروحين و تسوين كل شي .،
الحين روحيله و قعدي وياه و قوليله كلآم هآدي و حلو و باسلوب حلووو
آنج تبين تمددين الآجآزه عشان بنتج صغيره و محتاجه عنايه آكثر وجي
و آهم شي آنه بآسلوبج الحلوو تخلينه يقولج أوكي مدديها ,،
بعدين قوليله أوكي شكرآ بآجر رآح اروح آممدها
وطلعي الصبح روحي اي مكآن على بو آنه رحتي تمددينهآ لووول ,،
لانه طبيعه الرياييل مآ يحبون تسوين شي بعدين اتيين تقولين لهم ترا انا سويت جي :/
رآح يعصب و رآح يقولج ليش مآ تاخذين رايي قبل :|
و اذا مآ رضضضى لمآ تكلمينه ظلي تحآولين فيه مره مرتين ثلاث طبعا مو بنفس اليوم
بايام ثانيه لمآ يرضى وكملي الخظه (6)

 

[حكاية شهرزاد]

اللي زوجها يحاسبها على كل التفاصيل ..

لازم هي ماتخش عنه ولا شي ..

يوم انج اخذتي معاه هالدرب ,, شي طبيعي يصير ضيق وتجين تخشين عليه التفاصيل ..

عمري صارحيه ,, بس بشكل عادي ,, يعني قولي له دقيت عليهم وممدت الاجازة ابي ارتاح حبيبي ,, كذا بسرعه ..

بدون تفاصيل ..

 

[فوفو22]

قولي لي

استمتعت بالاجازه معاك

واحس مالي خلق دوام

فمدت اجازتي لاني ما شبعت ولا رح اشبع منك

فوفو

 

[dectora 7elwa]

يتروالي هالقرار يخصج ليش بيزعله يعني

 

[سكوتي بذوقي]

ماعتقد يزعل

الله لايجيب المشاكل بينكم

 

[ام زهقانه]

قوليه الصج بس قيل لا تقوليه
قولي هذا الدعاء
ربي اشرح لي صدري ويسر لي امري واحلل العقد من لساني ان يفقوا قولي

 

[Gifts&Occaions]

قوليله الصراحة مافيها شي

 

[إحساس الحياة]

الله يسعدكم بصراحة ريحوني حيل وانا خايفة انه يزعل لانه مخطط اني ادفع له نص راتبي عشان نشتري لنا بيت وانا ماني مقتنعة اني اعطيه من راتبي مابي يصير يعتمد انه يأخذ مني لاني راح اتعب من اسلوبه واايد

 

[قل علها خيره]

مع رآي الخوآت *
تقولين له الصج مددت الاجازه عشان البنوته وخدامتي جديده ماني مطمنئه وعاااادي ماسويتي جريمه إنتي *