بسكوت الاطفال

[latifah]

السلام عليكم عادي احط حق ولدي بسكوت الاطفال بالحليب و هو عمره شهرين ?*

 

[الحنان الدافئ]

رد : بسكوت الاطفال

لاااااااااااااااااااااااااااااااااااااااااااااااااااااااااااااااا مو عادي ،،،،، البسكوت مصنوع من القمح ،،،،،،، واذا عطيتيه بعمر صغبر راح يسببله مشالك مثل:
أكزيما ، حساسية ، ضيق نفس ........ !!!!!!!!
يمكن يبدي من عمر 4 شهور بس نوع ميلوبا

 

[اللهم الجنة]

لا حرام توة صغير ابدى معاه هالسوالف من عمر اربع شهور

 

[omali_store83]

لا توه صغير

وبصراحه انا وحده امها اجنبية نصحتني تقول اكبر غلط تسوونه حق عيالكم تحطون البسكوت بالحليب​

 

[أم@الحلوين]

لاااااااا ديري بالج ما يصير توه صغير 4 شهور تبدين تعطينه

 

[ام صاالح]

رد : بسكوت الاطفال

والله حبوبة انا كنت اعطي ولدي البسكوت وعمره 40 يوم
كان دااااااااايم يبجي وتعبانه معاه حيييل وخصوصا بالليل
فانصحتني خالتي وقالتلي الياهل لما يشبع ينام والحليب بروحه ما يشبع البيبي
فكنت احطله مع الحليب ربع بسكوته بس بالليل وماشاء الله يكون شبعان وينام خووش نومه وكل ما كبر ازيدله من البسكوووت
والحين بدش الشهر الرابع واعطيله بسكوته كامله مرتين باليوم الظهر وبالليل
لان الياهل ما يقوم بالليل الا اذا كان يوعان او موسخ الحفاظه
وهذي تجربتي مع ولدي وهو اول ياهل عندي
والمثل يقول أسأل مجرب ولا تسأل دكتووووووووووووووووووووووووووور
والله يوفق الجميع

 

[*ماي الورد*]

رد : بسكوت الاطفال

اعرف وايد ناس يحطون بس ميلوبا الخالي من الجلوتين

 

[twinsmam]

والله انا ماحب احط البسكوت مع الحليب و حبيبتي تو الناس من عمر 4 شهور عندج ميلوبا وايد انواع عطيه اول شي وجبة وحدة عالغدا طبعا وكليه مو تحطينه مع الحليب و مرة المغرب
انا الصراحة جذي اسوي مع عيالي